ମୁମ୍ବାଇ ମାଷ୍ଟରମାଇଣ୍ଡ ଆତଙ୍କବାଦୀ ହାଫିଜ ସଇଦଙ୍କୁ ୩୧ ବର୍ଷ ଜେଲ

ପାକିସ୍ତାନର ଆଣ୍ଟି ଟେରୋର କୋର୍ଟ ମୁମ୍ବାଇ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ତଥା ଆତଙ୍କବାଦୀ ହାଫିଜ ମହମ୍ମଦ ସଇଦଙ୍କୁ (Hafiz Saeed) ୩୧ ବର୍ଷ କାରାଦଣ୍ଡରେ ଦଣ୍ଡିତ କରିଛନ୍ତି । ହାଫିଜ ସଇଦଙ୍କ ଉପରେ କୋର୍ଟ ୩.୪ ଲକ୍ଷ ଟଙ୍କା ଜରିମାନା ମଧ୍ୟ ଲଗାଇଛନ୍ତି ।

ନୂଆଦିଲ୍ଲୀ: ପାକିସ୍ତାନର (Pakistan) ଆଣ୍ଟି ଟେରୋର କୋର୍ଟ ମୁମ୍ବାଇ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ତଥା ଆତଙ୍କବାଦୀ ହାଫିଜ ମହମ୍ମଦ ସଇଦଙ୍କୁ (Hafiz Saeed) ଆତଙ୍କବାଦଙ୍କୁ ଆର୍ଥିକ ସହାୟତା ପାଇଁ ୩୧ ବର୍ଷ କାରାଦଣ୍ଡରେ ଦଣ୍ଡିତ କରିଛନ୍ତି । ଆତଙ୍କବାଦୀ ସଂଗଠନ ଲଶ୍କର-ଏ-ତାଇବାର (Lashkar-e-Taiba) ସୃଷ୍ଟିକର୍ତ୍ତା ହାଫିଜ ସଇଦଙ୍କ ଉପରେ କୋର୍ଟ ୩.୪ ଲକ୍ଷ ଟଙ୍କା ଜରିମାନା ମଧ୍ୟ ଲଗାଇଛନ୍ତି । ଏହା ସହିତ ହାଫିଜ ସଇଦଙ୍କ ସମସ୍ତ ସମ୍ପତ୍ତି ଜବତ କରିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି ।

ଜାମାତ-ଉଦ-ଦାୱା ମୁଖ୍ୟଙ୍କୁ ଦୁଇଟି ମାମଲାରେ ଦଣ୍ଡିତ କରାଯାଇଛି । ତେବେ ଏହି ଦଣ୍ଡ ମୁମ୍ବାଇ ଆକ୍ରମଣ ପାଇଁ ନୁହେଁ । ପାକିସ୍ତାନୀ ଗଣମାଧ୍ୟମ ଦ୍ୱାରା ଏହି ରିପୋର୍ଟ ଦିଆଯାଇଛି । ଖବର ଅନୁଯାୟୀ, ହାଫିଜ ସଇଦଙ୍କୁ ଫେବୃଆରୀ ୨୦୨୦ ରେ ୧୧ ବର୍ଷ ଏବଂ ନଭେମ୍ବର ୨୦୨୦ ରେ ୧୦ ବର୍ଷ ଦଣ୍ଡିତ କରାଯାଇଥିଲା ।

Pakistan anti-terrorism court sentences Lashkar-e-Taiba chief Hafiz Saeed to 31 years in jail: Pakistan media

(file pic) pic.twitter.com/ndrNG6dmzK

— ANI (@ANI) April 8, 2022

ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ଜୁଲାଇ ୨୦୧୯ ରେ ଆତଙ୍କବାଦ ବିଭାଗ (CTD) ହାଫିଜ ସଇଦଙ୍କୁ ଗିରଫ କରିଥିଲା । ଆତଙ୍କବାଦୀ ହାଫିଜ ସଇଦଙ୍କ ଉପରେ ଆମେରିକା ୧୦ ମିଲିୟନ୍ ଡଲାରର ପୁରସ୍କାର ରଖିଛି । ମିଳିତ ଜାତିସଂଘ ମଧ୍ୟ ହାଫିଜ ସଇଦଙ୍କୁ ଆତଙ୍କବାଦୀ ଘୋଷଣା କରିଛି । ମୁମ୍ବାଇ ଆକ୍ରମଣରେ ସେ ୧୬୬ ଜଣ ସାଧାରଣ ଲୋକଙ୍କ ମୃତ୍ୟୁ ପଛରେ ମାଷ୍ଟରମାଇଣ୍ଡ ଥିଲେ ।