ପିଏମ ମୋଦିଙ୍କ ଘୋଷଣା - ୧୪ ଅଗଷ୍ଟରେ ପାଳନ କରାଯିବ 'ବିଭାଜନ ବିବିଷିକା ସ୍ମୃତି ଦିବସ'

ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ଏହି ଦିନ କେବଳ ଭେଦଭାବ, ଶତ୍ରୁତା ଓ ନୀଚ ଭାବନାର ବିଷକୁ ଦୂର କରିବା ପାଇଁ ପ୍ରେରଣା ଯୋଗାଇବ ନାହିଁ ବରଂ ଏହା ଏକତା, ସାମାଜିକ ସମନ୍ୱୟ ଓ ମାନବ ସମ୍ବଳକୁ ମଧ୍ୟ ମଜବୁତ କରିବ ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Narendra Modi) ୧୪ ଅଗଷ୍ଟରେ ସାରା ଦେଶରେ 'ବିଭାଜନ ବିବିଷିକା ସ୍ମୃତି ଦିବସ' (Partition Horrors Remembrance Day) ପାଳନ କରିବାକୁ ଘୋଷଣା କରିଛନ୍ତି । ଶନିବାର ଦିନ ସେ ଟ୍ୱିଟ୍ କରି କହିଛନ୍ତି ଯେ ବିଭାଜନ ସମୟରେ ଲୋକଙ୍କ ସଂଘର୍ଷ ଓ ବଳିଦାନକୁ ସ୍ମରଣ କରି ଏହି ଦିନ ପାଳନ କରାଯିବ । ସେ କହିଛନ୍ତି ଯେ ଏହା ଭେଦଭାବ ଓ ଅସଦାଚରଣର ବିଷକୁ ହ୍ରାସ କରିବ । ୧୫ ଅଗଷ୍ଟରେ ଦେଶରେ ୭୫ ତମ ସ୍ୱାଧୀନତା ଦିବସ (Independence day) ପାଳନ କରାଯିବ । 

ପ୍ରଧାନମନ୍ତ୍ରୀ ଟ୍ୱିଟ୍ କରି କହିଛନ୍ତି, 'ଦେଶର ବିଭାଜନର ଯନ୍ତ୍ରଣା କେବେବି ଭୁଲିପାରିବ ନାହିଁ । ଘୃଣା ଓ ହିଂସା ଯୋଗୁଁ ଲକ୍ଷ ଲକ୍ଷ ଆମ ଭଉଣୀ ଓ ଭାଇଙ୍କୁ ବିସ୍ଥାପିତ ହେବାକୁ ପଡିଲା ଓ ଏପରିକି ଜୀବନ ହରାଇବାକୁ ପଡିଲା । ସେହି ଲୋକମାନଙ୍କର ସଂଗ୍ରାମ ଓ ବଳିଦାନକୁ ସ୍ମରଣ କରି ୧୪ ଅଗଷ୍ଟକୁ 'ବିଭାଜନ ବିବିଷିକା ସ୍ମୃତି ଦିବସ' ଭାବରେ ପାଳନ କରିବାକୁ ନିଷ୍ପତ୍ତି ନିଆଯାଇଛି । ଏହା କେବଳ ପ୍ରେରଣା ଯୋଗାଇବ ନାହିଁ ବରଂ ଏହା ଏକତା, ସାମାଜିକ ସୌହାର୍ଦ୍ଦ୍ୟ ଓ ମାନବ ସମ୍ବେଦନଶୀଳତାକୁ ମଧ୍ୟ ଦୃଢ଼ କରିବ ।'

Partition’s pains can never be forgotten. Millions of our sisters and brothers were displaced and many lost their lives due to mindless hate and violence. In memory of the struggles and sacrifices of our people, 14th August will be observed as Partition Horrors Remembrance Day.

— Narendra Modi (@narendramodi) August 14, 2021

ପ୍ରାୟ ୨୦୦ ବର୍ଷ ଶାସନ ପରେ ଯେତେବେଳେ ବ୍ରିଟିଶମାନେ ଶେଷରେ ଅଗଷ୍ଟ ୧୯୪୭ ରେ ଭାରତ ଛାଡିଥିଲେ, ସେତବେଳେ ସେମାନେ ଉପମହାଦେଶକୁ ଦୁଇ ଭାଗରେ ବିଭକ୍ତ କରାଦେଇଥିଲା । ଗୋଟିଏ ଅଂଶ ହିନ୍ଦୁ ସଂଖ୍ୟାଗରିଷ୍ଠ ଭାରତ ଓ ଅନ୍ୟ ଅଂଶ ମୁସଲମାନ ସଂଖ୍ୟାଗରିଷ୍ଠ ପାକିସ୍ତାନ ହୋଇଗଲା । ଏହା ପରେ ଇତିହାସର ସବୁଠାରୁ ବଡ ସ୍ଥାନାନ୍ତରଣ ମଧ୍ୟରୁ ଲକ୍ଷ ଲକ୍ଷ ମୁସଲମାନ ପଶ୍ଚିମ ଓ ପୂର୍ବ ପାକିସ୍ଥାନକୁ ଯାଇଥିବାବେଳେ ହିନ୍ଦୁ ଏବଂ ଶିଖ ସମ୍ପ୍ରଦାୟ ଅନ୍ୟ ଦିଗକୁ ଯାଇଥିଲେ । ତଥାପି ଏଠାରେ ହଜାର ହଜାର ଲୋକ ରହି ଯାଇଥିଲେ ଯେଉଁମାନେ ସେମାନଙ୍କର ଯାତ୍ରା କେବେ ବି ସମାପ୍ତ କରିପାରନ୍ତି ନାହିଁ ।