UAE ରେ ପିଏମ ମୋଦିଙ୍କୁ ଜୋରଦାର ସ୍ୱାଗତ, ନିକଟରେ ପେଗମ୍ବର ବିବାଦକୁ ନେଇ ଉଠାଇଥିଲା ଆପତ୍ତି

PM Modi UAE Visit: ୟୁଏଇରେ ପ୍ରଧାନମନ୍ତ୍ରୀ ମୋଦୀଙ୍କୁ ଜୋରଦାର ସ୍ୱାଗତ କରାଯାଇଛି । ରାଷ୍ଟ୍ରପତି ଶେଖ ମହମ୍ମଦ ବିନ୍ ଜାଏଦ ଅଲ ନାହିନ ବିମାନବନ୍ଦରରେ ପ୍ରଧାନମନ୍ତ୍ରୀ ମୋଦିଙ୍କୁ ଆଲିଙ୍ଗନ କରିଛନ୍ତି । ନିକଟରେ ୟୁଏଇ ପେଗମ୍ବର ବିବାଦକୁ ନେଇ ବିରୋଧ କରିଥିଲା ।

PM Modi UAE Visit: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Modi) ମଙ୍ଗଳବାର ସଂଯୁକ୍ତ ଆରବ ଏମିରେଟ୍ସ (UAE) ରେ ପହଞ୍ଚିଥିଲେ । ୟୁଏଇରେ ପ୍ରଧାନମନ୍ତ୍ରୀ ମୋଦିଙ୍କୁ ଜୋରଦାର ସ୍ୱାଗତ କରାଯାଇଛି । ରାଷ୍ଟ୍ରପତି ଶେଖ ମହମ୍ମଦ ବିନ୍ ଜାଏଦ ଅଲ ନାହାନ (Sheikh Khalifa Bin Zayed Al Nahyan) ବିମାନବନ୍ଦରରେ ପ୍ରଧାନମନ୍ତ୍ରୀ ମୋଦିଙ୍କୁ ଆଲିଙ୍ଗନ କରିଛନ୍ତି । ୟୁଏଇକୁ ପ୍ରଧାନମନ୍ତ୍ରୀ ମୋଦିଙ୍କ ସ୍ୱାଗତ ଏଥିପାଇଁ ଗୁରୁତ୍ୱପୂର୍ଣ୍ଣ, କାରଣ ନିକଟରେ ୟୁଏଇ ପେଗମ୍ବର ମହମ୍ମଦଙ୍କ ଉପରେ ବିଜେପି ନେତା ନୁପୁର ଶର୍ମାଙ୍କ ବିବାଦୀୟ ବୟାନ ଉପରେ ଆପତ୍ତି କରିଥିଲା ।

ୟୁଏଇର ବର୍ତ୍ତମାନର ରାଷ୍ଟ୍ରପତି ଶେଖ ମହମ୍ମଦ ବିନ୍ ଜାଏଦ ଅଲ ନାହାନଙ୍କ ଦ୍ୱାରା ବିମାନ ବନ୍ଦରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସ୍ୱାଗତ କରାଯାଇଥିଲା । ଜର୍ମାନୀରେ ହେବାକୁ ଥିବା G7 ଶିଖର ସମ୍ମିଳନୀରେ ଯୋଗଦେବା ପରେ ପ୍ରଧାନମନ୍ତ୍ରୀ ମୋଦି ଏଠାରେ ପହଞ୍ଚିଛନ୍ତି । ଜର୍ମାନୀରେ ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ଅନେକ ବିଶ୍ୱ ନେତାଙ୍କୁ ଭେଟି ବିଶ୍ୱସ୍ତରୀୟ କଲ୍ୟାଣ ଓ ସମୃଦ୍ଧିର ଲକ୍ଷ୍ୟ ନେଇ ବିଭିନ୍ନ ପ୍ରସଙ୍ଗ ଉପରେ ଆଲୋକପାତ କରିଥିଲେ ।

#WATCH | UAE President Sheikh Mohamed bin Zayed Al Nahyan warmly receives Prime Minister Narendra Modi in Abu Dhabi, UAE.

PM Modi will pay his condolences on the passing away of Sheikh Khalifa bin Zayed Al Nahyan, former UAE President & Abu Dhabi Ruler. pic.twitter.com/hbqkjWzJ5l

— ANI (@ANI) June 28, 2022

ଆଲିଙ୍ଗନ କରି ସ୍ୱାଗତ
ପ୍ରଧାନମନ୍ତ୍ରୀ ମୋଦି ବିମାନବନ୍ଦରରେ ପହଞ୍ଚିବା ପରେ ତାଙ୍କୁ ୟୁଏଇର ରାଷ୍ଟ୍ରପତି ଶେର ମହମ୍ମଦ ବିନ୍ ଜାଏଦ ସ୍ୱାଗତ କରିଥିଲେ । ବିମାନବନ୍ଦରରେ ପ୍ରଧାନମନ୍ତ୍ରୀ ମୋଦିଙ୍କୁ ଆଲିଙ୍ଗନ କରି ସ୍ୱାଗତ କରାଯାଇଥିଲା ।

ଦୀର୍ଘ ଦିନର ଅସୁସ୍ଥତା ପରେ ଶେଖ ଖଲିଫାଙ୍କର ୧୩ ମଇରେ ୭୩ ବର୍ଷ ବୟସରେ ଦେହାନ୍ତ ହୋଇଥିଲା । ତାଙ୍କ ମୃତ୍ୟୁକୁ ନେଇ ଦୁଃଖ ପ୍ରକାଶ କରି ପ୍ରଧାନମନ୍ତ୍ରୀ ମୋଦି ତାଙ୍କୁ ଜଣେ ମହାନ ରାଜ୍ୟସ୍ତରୀୟ ତଥା ଦୂରଦୃଷ୍ଟି ସମ୍ପନ୍ନ ନେତା ଭାବରେ ବର୍ଣ୍ଣନା କରିଛନ୍ତି ଓ କହିଛନ୍ତି ଯେ ଯାହାର ନେତୃତ୍ୱରେ ଦୁଇ ଦେଶ ମଧ୍ୟରେ ସମ୍ପର୍କ ସୁଦୃଢ଼ ହୋଇଛି । ଶେଖ ଖଲିଫାଙ୍କ ମୃତ୍ୟୁ ପରେ ଭାରତ ମଧ୍ୟ ରାଜ୍ୟ ଶୋକ ଦିବସ ଘୋଷଣା କରିଛି ।