ମୁର୍ମୁ ନା ଯଶୱନ୍ତ? ହେମନ୍ତ ସୋରେନ କହିଲେ କେଉଁ ପ୍ରାର୍ଥୀକୁ ସମର୍ଥନ କରିବ JMM

Presidential Election: ଝାଡଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ଦଳ ଜେଏମଏମ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବାକୁ ଘୋଷଣା କରିଛି ।

JMM To Support Droupadi Murmu: ରାଷ୍ଟ୍ରପତି ନିର୍ବାଚନକୁ (Presidential Election) ନେଇ ବିରୋଧୀ ଶିବିର ଅଲଗା ଅଲଗା ହୋଇ ପଡିଥିବା ଜଣାପଡିଛି । ଶିବସେନା ପରେ ଟିଡିପି ଓ ବର୍ତ୍ତମାନ ଝାଡଖଣ୍ଡରେ ଶାସକ ଦଳ ଜେଏମଏମ (JMM) ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ (Droupadi Murmu) ସମର୍ଥନ କରିବାକୁ ଘୋଷଣା କରିଛନ୍ତି । ଝାଡଖଣ୍ଡ ମୁକ୍ତି ମୋର୍ଚ୍ଚା (Jharkhand Mukti Morcha) ଏକ ବୟାନ ଜାରି କରି କହିଛି, "ଆସନ୍ତା ରାଷ୍ଟ୍ରପତି ନିର୍ବାଚନରେ ​ଝାଡଖଣ୍ଡର ପୂର୍ବତନ ରାଜ୍ୟପାଳ ତଥା ଆଦିବାସୀ ମହିଳା ଦ୍ରୌପଦୀ ମୁର୍ମୁ ପ୍ରାର୍ଥୀ ହୋଇଛନ୍ତି । ସ୍ୱାଧୀନତା ପରେ ପ୍ରଥମ ଥର ପାଇଁ ଜଣେ ଆଦିବାସୀ ମହିଳା ରାଷ୍ଟ୍ରପତି ହେବାର ଭିନ୍ନତା ପାଇବାକୁ ଯାଉଛନ୍ତି ।"

ଜେଏମଏମ ସଭାପତି ଶିବୁ ସୋରେନ ଏକ ବୟାନ ଜାରି କରି କହିଛନ୍ତି, "ଉଚିତ ବିଚାର ପରେ ଦଳ ରାଷ୍ଟ୍ରପତି ନିର୍ବାଚନରେ ଦ୍ରୌପଦୀ ମୁର୍ମୁଙ୍କ ସପକ୍ଷରେ ଭୋଟ୍ ଦେବାକୁ ନିଷ୍ପତ୍ତି ନେଇଛି । ​ସମସ୍ତ ସାଂସଦ ଓ ବିଧାୟକଙ୍କୁ ନିର୍ଦ୍ଦେଶ ଦିଆଯାଉଛି ଯେ ରାଷ୍ଟ୍ରପତି ନିର୍ବାଚନରେ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ସପକ୍ଷରେ ଭୋଟ୍ ଦେବେ ।"

କଂଗ୍ରେସ-ଜେଏମଏମର ରହିଛି ଗଠବନ୍ଧନ
ଝାଡଖଣ୍ଡରେ ହେମନ୍ତ ସୋରେନଙ୍କ ନେତୃତ୍ୱରେ କଂଗ୍ରେସ ଓ ଜେଏମଏମର ଏକ ମିଳିତ ସରକାର ଅଛି । ବିରୋଧୀ ଦଳ ମାନଙ୍କର ପ୍ରାର୍ଥୀ ଯଶବନ୍ତ ସିହ୍ନାଙ୍କୁ କଂଗ୍ରେସ ସମର୍ଥନ କରୁଛି । ନିକଟରେ ରାଷ୍ଟ୍ରପତି ନିର୍ବାଚନ ପ୍ରଚାର ସଂପର୍କରେ ଦ୍ରୌପଦୀ ମୁର୍ମୁ ରାଞ୍ଚିରେ ପହଞ୍ଚିଥିବା ବେଳେ ସୋରେନ ନିଜେ ତାଙ୍କୁ ସ୍ୱାଗତ କରିଥିଲେ । ସେବେଠାରୁ ସମର୍ଥନ ଦେବା ନେଇ କଳ୍ପନା ଜଳ୍ପନା ଚାଲିଥିଲା ।

ରାଷ୍ଟ୍ରପତି ପଦ ପାଇଁ ନାମାଙ୍କନପତ୍ର ଦାଖଲ କରିବା ପରେ ଦ୍ରୌପଦୀ ମୁର୍ମୁ ବ୍ୟକ୍ତିଗତ ସ୍ତରରେ ବିଭିନ୍ନ ରାଜନୈତିକ ଦଳ ସହ ଯୋଗାଯୋଗ ଆରମ୍ଭ କରିଛନ୍ତି । ଏପର୍ଯ୍ୟନ୍ତ ଜନତା ଦଳ (ଏସ), ଜନତା ଦଳ (ୟୁ), ଲୋକ ଜନଶକ୍ତି ପାର୍ଟି, ବିଏସପି, ଏଲଜେପିଙ୍କୁ ସମର୍ଥନ କରିଥିଲେ ତାଙ୍କ ସମର୍ଥନ କରିଛନ୍ତି । ସିକ୍କିମ କ୍ରାନ୍ତିକାରୀ ମୋର୍ଚା (SKM) ମଧ୍ୟ ମୁର୍ମୁଙ୍କୁ ସମର୍ଥନ କରୁଛି । ସିକ୍କିମ ମୁଖ୍ୟମନ୍ତ୍ରୀ ପ୍ରେମ ସିଂ ତମାଙ୍ଗ ମଧ୍ୟ ଏହା ଘୋଷଣା କରିଛନ୍ତି ।