ପ୍ରଥମ କୋରୋନା ଟୀକା ପ୍ରସ୍ତୁତ କଲା ଋଷ, ଘୋଷଣା କଲେ ପୁଟିନ

ନୂଆଦିଲ୍ଲୀ: ରୁଷର ରାଷ୍ଟ୍ରପତି(Russia President) ଭ୍ଲାଦିମିର ପୁଟିନ(Vladimir Putin) ମଙ୍ଗଳବାର ଘୋଷଣା କରିଛନ୍ତି ଯେ, ତାଙ୍କ ଦେଶ କୋରୋନା ଭାଇରସ ପାଇଁ ପ୍ରଥମ ଟୀକା(COVID-19 Vaccine) ପ୍ରସ୍ତୁତ କରିସାରିଛି । ପୁଟିନ୍ ଦାବି କରିଛନ୍ତି ଯେ, ଏହା ହେଉଛି ବିଶ୍ୱର ପ୍ରଥମ ସଫଳ କୋରୋନା ଟୀକା, ଯାହା ଋଷର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଅନୁମୋଦିତ ହୋଇଛି । କେବଳ ଏତିକି ନୁହେଁ, ଭ୍ଲାଦିମିର ପୁଟିନ କହିଛନ୍ତି ଯେ ତାଙ୍କ ଝିଅ ମଧ୍ୟ ଏହି ଟୀକା ନେଇଛନ୍ତି ।

ନ୍ୟୁଜ୍ ଏଜେନ୍ସି AFPର ସୂଚନା ଅନୁଯାୟୀ, ଏହି ଟୀକା ମସ୍କୋର ଗାମେଲିଆ ପ୍ରତିଷ୍ଠାନ(Gamalya Institute) ଦ୍ୱାରା ପ୍ରସ୍ତୁତ କରାଯାଇଛି । ମଙ୍ଗଳବାର ଋଷର ସ୍ୱାସ୍ଥ୍ୟ ମନ୍ତ୍ରଣାଳୟ ଏହି ଟୀକାକୁ ସଫଳ ବୋଲି କହିଛି । ଏହା ସହ ଭ୍ଲାଦିମିର ପୁଟିନ ଘୋଷଣା କରିଛନ୍ତି ଯେ ଖୁବ୍ ଶୀଘ୍ର ଋଷରେ ଏହି ଟୀକା ଉତ୍ପାଦନ ଆରମ୍ଭ ହେବ । ଆଉ ବହୁ ସଂଖ୍ୟକ ଟୀକା ପ୍ରସ୍ତୁତ କରାଯିବ ।

#BREAKING Russia has developed 'first' coronavirus vaccine: Putin pic.twitter.com/s33LTMO0j0

— AFP news agency (@AFP) August 11, 2020

ପୁଟିନ କହିଛନ୍ତି ଯେ, ତାଙ୍କ ଝିଅ କୋରୋନା ଭାଇରସ ଆକ୍ରାନ୍ତ ଅଛନ୍ତି, ଯାହା ପରେ ତାଙ୍କୁ ଏହି ନୂତନ ଟୀକା ଦିଆଯାଇଥିଲା । ତାଙ୍କର ତାପମାତ୍ରା କିଛି ସମୟ ପାଇଁ ବଢ଼ି ଥିଲା କିନ୍ତୁ ବର୍ତ୍ତମାନ ସେ ସମ୍ପୂର୍ଣ୍ଣ ଭଲ ଅଛନ୍ତି ।

ଅଧିକ ପଢ଼ନ୍ତୁ:-ଭାରତରେ ମାତ୍ର ୨୨୫ ଟଙ୍କାରେ ମିଳିବ ଅକ୍ସଫୋର୍ଡର କୋରୋନା ଟୀକା !

ଆପଣଙ୍କୁ ଏଠାରେ କହି ରଖୁଛୁ ଯେ, ବର୍ତ୍ତମାନ ବିଶ୍ୱରେ କୋରୋନା ଟୀକା ପ୍ରସ୍ତୁତି ବହୁ ଟ୍ରାୟଲ ଚାଲିଛି । WHO ଅନୁଯାୟୀ ୧୦୦ରୁ ଅଧିକ ଟୀକା ପ୍ରସ୍ତୁତି ପାଇଁ କାର୍ଯ୍ୟ ଜାରି ରହିଛି । ଯେଉଁଥିରେ ଆମେରିକା, ବ୍ରିଟେନ, ଇସ୍ରାଏଲ୍, ଚୀନ୍, ଋଷ, ଭାରତ ଭଳି ଦେଶ ଅନ୍ତର୍ଭୁକ୍ତ ଅଛନ୍ତି । ଭାରତରେ କୋରୋନା ଭୂତାଣୁ ଟୀକା ବର୍ତ୍ତମାନ ମାନବ ପରୀକ୍ଷା ପର୍ଯ୍ୟାୟରେ ଅଛି । ଏହି ଟୀକା ତିଆରି କରିବାର ଦ୍ୱିତୀୟ ପର୍ଯ୍ୟାୟ ।

ବର୍ତ୍ତମାନ ଯଦି ଋଷ ଦ୍ୱାରା କରାଯାଇଥିବା ଘୋଷଣା ସଠିକ୍ ପ୍ରମାଣିତ ହୁଏ । ଆଉ ଏହି ଟୀକା WHO ଦ୍ୱାରା ଅନୁମୋଦିତ ହୁଏ, ତେବେ ଏହା ବିଶ୍ୱବାସୀଙ୍କୁ ଏକ ବଡ଼ ଆଶ୍ୱସ୍ତି ପ୍ରଦାନ କରିବ ।