• ଗୁଣ୍ଡିଚା ମନ୍ଦିର ଭିତରକୁ ପ୍ରବେଶ କଲେ ୨ ଜଣ ବାହାର ରାଜ୍ୟର ଭକ୍ତ
  • ଭକ୍ତଙ୍କ ପାଇଁ ମନ୍ଦିର ପ୍ରବେଶ ବନ୍ଦ ଥିବା ବେଳେ ଉଭୟଙ୍କ ପ୍ରବେଶକୁ ନେଇ ଉଠିଛି ପ୍ରଶ୍ନ
  • ACF ସୌମ୍ୟରଞ୍ଜନ ମୃତ୍ୟୁ ମାମଲା
  • CBI ତଦନ୍ତ ପାଇଁ ପ୍ରାର୍ଥନା କରି ହାଇକୋର୍ଟରେ ଜନସ୍ବାର୍ଥ ମାମଲା
  • ଉତ୍ତର ବଙ୍ଗୋପସାଗରେ ଲଘୁଚାପ କ୍ଷେତ୍ର ସୃଷ୍ଟି, ୩ ଦିନ ବର୍ଷା ସମ୍ଭାବନା
  • ଆଜି ପାଇଁ ୨୬ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି
  • ଆଜି ଭାରତ-ଶ୍ରୀଲଙ୍କା ମଧ୍ୟରେ ଖେଳାଯିବ ଦ୍ୱିତୀୟ ଟି-୨୦ ମ୍ୟାଚ୍
  • ଦେଶରେ ୨୪ ଘଣ୍ଟାରେ ୨୯ ହଜାର ୬୯୮ ପଜିଟିଭ୍ ଚିହ୍ନଟ , ୪୧୫ ମୃତ
  • ରାଜ୍ୟରେ ଆଜି ୧୬୨୯ କୋରୋନା ପଜିଟିଭ ଚିହ୍ନଟ, ୬୦ ମୃତ
  • ଆଜି ୧୨ ଘଣ୍ଟିଆ ବରଗଡ଼ ବନ୍ଦ

'ଗିରଫରୁ ବଞ୍ଚିବା ପାଇଁ କ୍ରାଇମ ବ୍ରାଞ୍ଚକୁ ୨୫ ଲକ୍ଷ ଟଙ୍କା ଲାଞ୍ଚ ଦେଇଥିଲେ ରାଜ କୁନ୍ଦ୍ରା'

Raj Kundra Porn Case: ରାଜ କୁନ୍ଦ୍ରା ପର୍ଣ୍ଣଗ୍ରାଫି ମାମଲାରେ (Raj Kundra Pornography Case) ଫେରାର ଥିବା ଜଣେ ଅଭିଯୁକ୍ତ ଦାବି କରିଛନ୍ତି ଯେ ଗିରଫ ନହେବା ପାଇଁ ରାଜ କୁନ୍ଦ୍ରା ପୋଲିସକୁ ଲାଞ୍ଚ ଦେଇଥିଲେ । ୟଶ ଠାକୁର (Yash Thakur) ଏହା ମଧ୍ୟ ଦାବି କରିଛନ୍ତି ଯେ ପୋଲିସ ମଧ୍ୟ ତାଙ୍କଠାରୁ ଲାଞ୍ଚ ମାଗିଥିଲା ।

'ଗିରଫରୁ ବଞ୍ଚିବା ପାଇଁ କ୍ରାଇମ ବ୍ରାଞ୍ଚକୁ ୨୫ ଲକ୍ଷ ଟଙ୍କା ଲାଞ୍ଚ ଦେଇଥିଲେ ରାଜ କୁନ୍ଦ୍ରା'
(ଫାଇଲ ଫଟୋ)

ମୁମ୍ବାଇ: ରାଜ କୁନ୍ଦ୍ରା ପର୍ଣ୍ଣଗ୍ରାଫି ମାମଲାରେ (Raj Kundra Pornography Case) ଜଣେ ଫେରାର ଅଭିଯୁକ୍ତଙ୍କ ଦାବି ଏବେ ପୋଲିସ ବିଭାଗ ଉପରେ ମଧ୍ୟ ପ୍ରଶ୍ନବାଚୀ ସୃଷ୍ଟି କରିଛି । ରାଜ କୁନ୍ଦ୍ରାଙ୍କୁ ସୋମବାର ବିଳମ୍ବିତ ରାତି ୧୧ ଟା ସମୟରେ ଗିରଫ କରାଯାଇଥିଲା । ଏହା ପରେ ୨୩ ଜୁଲାଇ ତାରିଖରେ କିଲ୍ଲା କୋର୍ଟ ଦ୍ୱାରା ତାଙ୍କୁ ପୋଲିସ ରିମାଣ୍ଡରେ ପଠାଯାଇଛି । ପର୍ଣ୍ଣ ଫିଲ୍ମ ମାମଲାରେ ଫେରାର ଅଭିଯୁକ୍ତ ୟଶ ଠାକୁର (Yash Thakur) ଦାବି କରିଛନ୍ତି ଯେ ପୋଲିସ ପୂର୍ବରୁ ରାଜ କୁନ୍ଦ୍ରାଙ୍କୁ ଗିରଫ କରି କରିଥାନ୍ତ, କିନ୍ତୁ ଏଥିରୁ ରକ୍ଷା ପାଇବା ପାଇଁ ସେ କ୍ରାଇମ ବ୍ରାଞ୍ଚ ଅଧିକାରୀଙ୍କୁ (Raj Kundra Bribed Crime Branch) ୨୫ ଲକ୍ଷ ଟଙ୍କା ଲାଞ୍ଚ ଦେଇଛନ୍ତି । ୟଶ ଠାକୁର (Yash Thakur) ଏହା ମଧ୍ୟ ଦାବି କରିଛନ୍ତି ଯେ ପୋଲିସ ମଧ୍ୟ ତାଙ୍କଠାରୁ ଲାଞ୍ଚ ମାଗିଥିଲା ।

'Anti-Corruption Bureau ରେ କରିଥିଲେ ଅଭିଯୋଗ'
ୟଶ ଠାକୁର ଦାବି କରିଛନ୍ତି ଯେ ସେ ଚଳିତ ବର୍ଷ ମାର୍ଚ୍ଚରେ ମହାରାଷ୍ଟ୍ର ଏଣ୍ଟି କରପ୍ସନ ବ୍ୟୁରୋ (Anti-Corruption Bureau) କାର୍ଯ୍ୟାଳୟକୁ ଏକ ଇମେଲ ଲେଖି ଏହା ଅଭିଯୋଗ କରିଛନ୍ତି । ୟଶ ଠାକୁର ଦାବି କରିଛନ୍ତି ଯେ ଜଣେ କ୍ରାଇମ ବ୍ରାଞ୍ଚ ଅଧିକାରୀ ରାଜ କୁନ୍ଦ୍ରାଙ୍କ (Raj Kundra) ଠାରୁ ୨୫ ଲକ୍ଷ ଟଙ୍କା ଲାଞ୍ଚ ନେଇଛନ୍ତି ଓ ତାଙ୍କୁ ଲାଞ୍ଚ ମଧ୍ୟ ମାଗିଛନ୍ତି । ଏଣ୍ଟି କରପ୍ସନ ବ୍ୟୁରୋ (ACB) ଏପ୍ରିଲରେ ମୁମ୍ବାଇ ପୋଲିସ କମିସନରଙ୍କ ନିକଟକୁ ଏହି ଇମେଲ ପଠାଇ ଏହି ଘଟଣାର ତଦନ୍ତ ମାଗିଛି । କୌତୁହଳର ବିଷୟ ଯେ ପର୍ଣ୍ଣ ଫିଲ୍ମ ମାମଲାରେ ୟଶ ଠାକୁରଙ୍କ ବିରୋଧରେ ଏକ ମାମଲା ରୁଜୁ ହୋଇଛି ଓ ସେ ଫେରାର ଅଛନ୍ତି ।

ଅଧିକ ପଢ଼ନ୍ତୁ: SC ପହଞ୍ଚିଲା ପେଗାସସ୍ ଜାସୁସି ମାମଲା, ସଫ୍ଟୱେର୍ କିଣବା ଉପରେ ପ୍ରତିବନ୍ଧକ ଲଗାଇବାକୁ ଦାବି 

Fliz Movies ମାଲିକ ହେଉଛନ୍ତି ୟଶ ଠାକୁର!
ଅଭିଯୋଗକାରୀ ୟଶ ଠାକୁର ଆମେରିକାର ଏକ ଫାର୍ମର ମାଲିକ ବୋଲି କୁହାଯାଉଛି । ସେ ଫ୍ଲିଜ୍ ମୁଭିର ମାଲିକ, ଯାହାର ନାମରେ ମଡେଲ୍ ଓ ଅଭିନେତ୍ରୀମାନେ ୱେବ୍ ସିରିଜ୍ ଓ ଶୋ ପାଇଁ ଚୁକ୍ତିନାମା ସ୍ୱାକ୍ଷର କରିଥିଲେ । ଏହି ଫାର୍ମର ନାମ ପୂର୍ବରୁ Neufliks ଥିଲା । ୟଶ ଠାକୁର ପର୍ଣ୍ଣ ଫିଲ୍ମ ନିର୍ମାଣ କରିଥିବା ଅଭିଯୋଗ ହୋଇଛି । ଯାହା ରାଜ କୁନ୍ଦ୍ରାଙ୍କ କମ୍ପାନୀ ଦ୍ୱାରା ନିର୍ମିତ ଓ ଏହା ୟଶ ଠାକୁରଙ୍କ କମ୍ପାନୀର ୱେବସାଇଟରେ ଅପଲୋଡ୍ ହୋଇଥିବା ଅଭିଯୋଗ ମଧ୍ୟ ହୋଇଛି । କ୍ରାଇମ ବ୍ରାଞ୍ଚର କାର୍ଯ୍ୟାନୁଷ୍ଠାନ ଗ୍ରହଣ କରି ୟଶ ଠାକୁରଙ୍କ ଆକାଉଣ୍ଟରୁ ୪.୫ କୋଟି ଟଙ୍କା ଫ୍ରୀଜ କରିଛି ।

ଅଧିକ ପଢ଼ନ୍ତୁ: Post Office ରେ ବାହାରିଲା ବମ୍ଫର Vacancy, ଦଶମ ପାସ୍ କରଥିଲେ କରନ୍ତୁ ଆବେଦନ 

ୟଶ ଠାକୁରଙ୍କ ବିରୋଧରେ ୨୦୨୦ ରେ ରୁଜୁ ହୋଇଥିଲା ମାମଲା 
ପର୍ଣ୍ଣ ମାମଲାରେ କ୍ରାଇମ ବ୍ରାଞ୍ଚ ରାଜ କୁନ୍ଦ୍ରା ଓ ତାଙ୍କ ଆଇଟି ମୁଖ୍ୟ ରିଆନ ତରପଙ୍କ ସମେତ ୧୧ ଜଣଙ୍କୁ ଗିରଫ କରିଛି । ଫେବୃଆରୀରେ ମଡ଼ ଆୟର୍ଲାଣ୍ଡରେ ଏକ ବଙ୍ଗଳା ଉପରେ ଚଢ଼ାଉ କରାଯିବା ପରେ ଏହି ମାମଲାରେ ପ୍ରଥମ ଗିରଫ କରାଯାଇଥିଲା । ତା’ପରେ ସେବେ ଠାରୁ ୧୧ ଜଣଙ୍କୁ ଗିରଫ କରାଯାଇ ସାରିଛି । ଗେହନା ବୈଷ୍ଣବ ଗିରଫ ହେବା ପରେ ତାଙ୍କୁ ରିମାଣ୍ଡ ନେବା ପାଇଁ କ୍ରାଇମ ବ୍ରାଞ୍ଚ ଗେହନା ଓ କିଲ୍ଲା କୋର୍ଟରେ ଦାଖଲ କରିଥିବା ତଥ୍ୟରେ ୟଶ ଠାକୁରଙ୍କ ନାମ ରହିଛି । ୨୦୨୦ ମସିହାରେ ଆଇପିସିର ଧାରା ୩୫୪ (ଡି), ୩୪୧, ୨୯୪ ଏବଂ ୫୦୬ ଅନୁଯାୟୀ ମଧ୍ୟପ୍ରଦେଶର ମାଧବଗଞ୍ଜ ପୋଲିସ ଷ୍ଟେସନରେ ୟଶ ଠାକୁରଙ୍କ ବିରୋଧରେ ଏକ ଏଫଆଇଆର ପଞ୍ଜିକୃତ ହୋଇଛି ।

ଅଧିକ ପଢ଼ନ୍ତୁ: PM Kisan Yojana ରେ ଘୋଟାଲା! ୪୨ ଲକ୍ଷ ଅଯୋଗ୍ୟ ଚାଷୀ ପାଇଛନ୍ତି ୩୦୦୦ କୋଟି ଟଙ୍କା 

କ୍ରାଇମ ବ୍ରାଞ୍ଚକୁ ମିଳିଲା ବଡ଼ ସଫଳତା 
ରାଜ କୁନ୍ଦ୍ରା ପର୍ଣ୍ଣ ଫିଲ୍ମ ମାମଲାର ତଦନ୍ତ କରୁଥିବା ମୁମ୍ବାଇ ପୋଲିସର କ୍ରାଇମ ବ୍ରାଞ୍ଚ ଏକ ବଡ଼ ସଫଳତା ପାଇଛି । କ୍ରାଇମ ବ୍ରାଞ୍ଚ ସୂତ୍ରରୁ ପ୍ରକାଶ ଯେ ତାଙ୍କୁ ଅଭିଯୁକ୍ତ ଉମେଶ କାମାଟଙ୍କ ଦ୍ୱାରା ପ୍ରସ୍ତୁତ ପ୍ରାୟ ୭୦ ଟି ଭିଡିଓ ମିଳିଛି । ସୂଚନା ଦିଆଯାଇଛି ଯେ ଏହି ସମସ୍ତ ଭିଡିଓକୁ କମାଟ ବିଭିନ୍ନ ପ୍ରଡକ୍ସନ ହାଉସ ସାହାଯ୍ୟରେ ପ୍ରସ୍ତୁତ କରିଛନ୍ତି । ଏଥି ସହିତ ସୂତ୍ରରୁ ଏହା ମଧ୍ୟ କୁହାଯାଇଛି ଯେ ହଟସଟ ଆପରେ ଅପଲୋଡ ହୋଇଥିବା ୨୦ ମିନିଟରୁ ୩୦ ମିନିଟ ମଧ୍ୟରେ ମୋଟ ୯୦ ଟି ଭିଡିଓ ମଧ୍ୟ କ୍ରାଇମ ବ୍ରାଞ୍ଚ ହାତରେ ପଡିଛି । ମୁମ୍ବାଇ କ୍ରାଇମ ବ୍ରାଞ୍ଚର ପଚରାଉଚରା ବେଳେ ରାଜ କୁନ୍ଦ୍ରାଙ୍କୁ ଏହି ଭିଡିଓ ଦେଖାଇଥିଲା ଯାହା ଉମେଶ କମାଟଙ୍କ ଦ୍ୱାରା ବ୍ରିଟେନର ଉତ୍ପାଦନ କମ୍ପାନୀ କେନ୍ରିନଙ୍କ ନିକଟକୁ ପଠାଯାଇଥିଲା ।