Rajya Sabha Election: ସାଧାରଣ ନିର୍ବାଚନ ପରି ଏଥର ରାଜ୍ୟସଭା ନିର୍ବାଚନ ମଧ୍ୟ କୌତୁହଳ ପୂର୍ଣ୍ଣ ହୋଇଛି । ଚାରିଟି ରାଜ୍ୟ ପାଇଁ ବିଜେପି ଏହାର ପ୍ରଭାରୀ ନିଯୁକ୍ତ କରିଛି । ନରେନ୍ଦ୍ର ସିଂ ତୋମାରଙ୍କୁ ରାଜସ୍ଥାନର ଦାୟିତ୍ୱ ଏବଂ ଗଜେନ୍ଦ୍ର ଶେଖୱାତ ହରିୟାଣାର ଦାୟିତ୍ବ ମିଳିଛି ।
Trending Photos
5
12
6
5 "ସାଙ୍କେତିକ ଫଟୋ")
Rajya Sabha Election 2022: ସାଧାରଣ ନିର୍ବାଚନ ପରି ଏଥର ରାଜ୍ୟସଭା ନିର୍ବାଚନ ମଧ୍ୟ କୌତୁହଳ ପୂର୍ଣ୍ଣ ହୋଇଛି । ରାଜ୍ୟସଭାର ୫୭ ଟି ଆସନରେ ହେବାକୁ ଥିବା ନିର୍ବାଚନ ପାଇଁ ସମସ୍ତ ଦଳ ସମ୍ପୂର୍ଣ୍ଣ ଗୁରୁତ୍ୱ ଦେଉଛନ୍ତି । ଏଥି ସହିତ ପ୍ରାର୍ଥୀ ଚୟନରେ କୂଟନୈତିକତା ସହିତ ଦଳ ମଧ୍ୟରେ ମତଭେଦ ମଧ୍ୟ ସାମ୍ନାକୁ ଆସୁଛି ।
ଚାରିଟି ରାଜ୍ୟ ପାଇଁ ବିଜେପି ଏହାର ନିର୍ବାଚନ ପ୍ରଭାରୀ ଘୋଷଣା କରିଛି । କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାରଙ୍କୁ ରାଜସ୍ଥାନର ଦାୟିତ୍ବ ଦିଆଯାଇଛି । ହରିୟାଣାର ଦାୟିତ୍ବ ଗଜେନ୍ଦ୍ର ସିଂ ଶେଖୱାତ, କର୍ଣ୍ଣାଟକର ଦାୟିତ୍ୱ ଜି କିଶାନ ରେଡ୍ଡୀ ଏବଂ ଅଶ୍ୱିନୀ ବୈଷ୍ଣବଙ୍କୁ ମହାରାଷ୍ଟ୍ରର ପ୍ରଭାରୀ ଭାବେ ନିଯୁକ୍ତ କରାଯାଇଛି ।
BJP has appointed Narendra Singh Tomar as in charge of Rajya Sabha elections for Rajasthan, Gajendra Singh Shekhawat for Haryana, G Kishan Reddy for Karnataka, and Ashwini Vaishnaw for Maharashtra. pic.twitter.com/c00hbuWG1B
— ANI (@ANI) June 1, 2022
୨୦୨୨ ମସିହାରେ, ଉତ୍ତରପ୍ରଦେଶରୁ ରାଜ୍ୟସଭା ପାଇଁ ସର୍ବାଧିକ ସଂଖ୍ୟକ ଆସନ ଖାଲି ଅଛି । ଉତ୍ତରପ୍ରଦେଶରୁ ମୋଟ ୧୧ ଟି ସିଟ୍ ପୂରଣ ହେବ । ଲକ୍ଷ୍ମୀକାନ୍ତ ବାଜପାଇ, ରାଧା ମୋହନ ଅଗ୍ରୱାଲ, ସୁରେନ୍ଦ୍ର ସିଂ ନଗର, ବାବୁରାମ ନିଶାଦ, ଦର୍ଶନ ସିଂ, ସଂଗୀତା ଯାଦବ, ମିଥଲେଶ କୁମାର, କେ ଲକ୍ଷ୍ମଣଙ୍କୁ ବିଜେପି ଟିକେଟ ଦେଇଛି । ଯେଉଁଠାରେ ଏସପି କପିଲ ସିବଲଙ୍କୁ ଟିକେଟ ଦେଇଛି ।
ଉତ୍ତରାଖଣ୍ଡରୁ ୧, ବିହାରରୁ ୫, ଝାଡଖଣ୍ଡରୁ, ହରିୟାଣା, ପଞ୍ଜାବ, ଛତିଶଗଡ଼ରୁ ୨ଟି ଲେଖାଏଁ, ରାଜସ୍ଥାନ ଓ ଆନ୍ଧ୍ରପ୍ରଦେଶ ୪ଟି ଲେଖାଏଁ, ଓଡ଼ିଶା ଓ ମଧ୍ୟପ୍ରଦେଶରୁ ୩ଟି ଲେଖାଏଁ, ମହାରାଷ୍ଟ୍ରରୁ ୬, କର୍ଣ୍ଣାଟକରୁ ୪, ତାମିଲନାଡୁରୁ ୬ ଏବଂ ତେଲେଙ୍ଗାନାର ୨ଟି ସିଟ୍ ଖାଲି ଅଛି ।
ରାଜସ୍ଥାନର ଚାରୋଟି ଆସନରେ ରାଜ୍ୟସଭା ନିର୍ବାଚନ ଅନୁଷ୍ଠିତ ହେବ । ଏଠାରେ କଂଗ୍ରେସ ଏବଂ ବିଜେପିର ପ୍ରାର୍ଥୀମାନେ ମୁହାଁମୁହିଁ ହୋଇଛନ୍ତି । ଏଠାରେ ସୁଭାଷ ଚନ୍ଦ୍ରାଙ୍କ ପାର୍ଥିପତ୍ର ଦାଖଲ ପରେ କଂଗ୍ରେସ ପାଇଁ ସମସ୍ୟା ଉପୁଜିଛି । ସେ ଜଣେ ସ୍ୱାଧୀନ ପ୍ରାର୍ଥୀ ଭାବେ ଛିଡ଼ା ହୋଇଛନ୍ତି ଯିଏକି ବିଜେପି ଦ୍ୱାରା ସମର୍ଥିତ । ପୂର୍ବରୁ ଲାଗୁଥିଲା ଯେ କଂଗ୍ରେସ ସହଜରେ ତିନୋଟି ସିଟ୍ ଜିତିବ । କଂଗ୍ରେସ ମୁକୁଲ ୱାସନିକ, ପ୍ରମୋଦ ତିୱାରୀ ଏବଂ ରଣଦୀପ ସିଂ ସୁରଜେୱାଲାଙ୍କୁ ଟିକେଟ୍ ଦେଇଥିବାବେଳେ ବିଜେପି ଘନଶ୍ୟାମ ତିୱାରୀଙ୍କୁ ଟିକେଟ ଦେଇଛି ।
ଏହା ବି ପଢ଼ନ୍ତୁ: ନ୍ୟାସନାଲ ହେରାଲ୍ଡ ମାମଲା: ବଢ଼ିଲା ସୋନିଆ-ରାହୁଲଙ୍କ ସମସ୍ୟା, ED ଜାରି କଲା ସମନ
ଏହା ବି ପଢ଼ନ୍ତୁ: KK Last Video: କନସର୍ଟ ସମୟରେ କହିଥିଲେ... 'ହାଏ, ମେ ମରାଯାଉଁ ୟହିଁ ପର'
