Republic Day 2022: ଗଣତନ୍ତ୍ର ଦିବସ ପୂର୍ବରୁ ଦିଲ୍ଲୀରେ ହାଇଆଲର୍ଟ

ନୂଆଦିଲ୍ଲୀ:  Republic Day 2022: ରାତି ପାହିଲେ ସାଧାରଣତନ୍ତ୍ର ଦିବସ । ଯାହାକୁ ସାରା ଦେଶରେ ଉତ୍ସବର ମାହୋଲ। ହେଲେ ଏହାକୁ ନେଇ ରାଜଧାନୀ ଦିଲ୍ଲୀରେ ହାଇ ଆଲର୍ଟ ଜାରି କରାଯାଇଛି । ସାଧାରଣତନ୍ତ୍ର ଦିବସ ଅବସରରେ ଖାଲିସ୍ତାନୀ ଆତଙ୍କବାଦୀମାନେ ଦିଲ୍ଲୀ ଉପରେ ଆକ୍ରମଣ କରିପାରନ୍ତି ବୋଲି ସୁରକ୍ଷା ଏଜେନ୍ସି ଦିଲ୍ଲୀ ପୋଲିସକୁ ଚେତାବନୀ ଦେଇଛି । ସୁରକ୍ଷା ଏଜେନ୍ସିମାନେ ଆଠ ଜଣ ଖାଲିସ୍ତାନୀ ଆତଙ୍କବାଦୀଙ୍କ ବିଷୟରେ ରାଜ୍ୟ ପୋଲିସକୁ ପ୍ରାକ୍ ସୂଚନା ଦେଇଛନ୍ତି।

ଏହି ପରିପ୍ରେକ୍ଷୀରେ ଦିଲ୍ଲୀ ପୋଲିସକୁ ମଧ୍ୟ କିଛି ଅଜ୍ଞାତ କଲ ଆସିଛି ଏବଂ ଇନପୁଟକୁ ଗମ୍ଭୀରତାର ସହ ନେଉଛି ବୋଲି କୁହାଯାଉଛି। ନିକଟରେ, ନ୍ୟାସନାଲ ଇନଭେଷ୍ଟିଗେସନ୍ ଏଜେନ୍ସି (NIA) (ଏନଆଇଏ) ଦ୍ୱାରା ଜର୍ମାନ ଭିତ୍ତିକ ଶିଖ୍ ଫର ଜଷ୍ଟିସ୍ (SFJ) ସଦସ୍ୟ ଜସବିନ୍ଦର ସିଂ ମୁଲତାନୀଙ୍କ ବିରୋଧରେ ବେଆଇନ କାର୍ଯ୍ୟକଳାପ ନିବାରଣ ଆଇନର ଏକ ମାମଲା ପଞ୍ଜିକୃତ ହୋଇଥିଲା।

ବିଭିନ୍ନ ସଂଗଠନକୁ ଦିଲ୍ଲୀ ପୋଲିସ (Delhi Police) ଖାଲିସ୍ତାନୀ ଆତଙ୍କବାଦୀଙ୍କ ପୋଷ୍ଟର ଜାରି କରିଛି ଏବଂ ଯଦି କୌଣସି ସନ୍ଦେହଜନକ ଘଟଣା ଘଟେ ତେବେ ଲୋକଙ୍କୁ ତୁରନ୍ତ ଜଣାଇବାକୁ ଅନୁରୋଧ କରିଛନ୍ତି। ଜାତୀୟ ରାଜଧାନୀ ଦିଲ୍ଲୀରେ ସବୁ ସ୍ଥାନରେ ପୋଷ୍ଟର ଲଗାଯାଇଛି। ନିକଟରେ ସୁପ୍ରିମକୋର୍ଟର ଅନେକ ଓକିଲ ମଧ୍ୟ ପ୍ରଧାନମନ୍ତ୍ରୀଙ୍କ ସୁରକ୍ଷା ଉଲ୍ଲଂଘନ ମାମଲାରେ ଅଦାଲତରେ ଶୁଣାଣିରେ ଖଲିସ୍ତାନୀ ଆତଙ୍କବାଦୀଙ୍କ ଠାରୁ ଆନ୍ତର୍ଜାତୀୟ କଲ୍ ରେ ଧମକ ମିଳିଥିବା ମଧ୍ୟ କହିଛନ୍ତି। 

ଦିଲ୍ଲୀ ପୋଲିସକୁ ଏପରି ଅନେକ ଅଭିଯୋଗ ଆସିଥିଲା ​​ଏବଂ ସମସ୍ତଙ୍କୁ ସ୍ୱତନ୍ତ୍ର ସେଲକୁ ପଠାଯାଇଥିଲା । କୌଣସି ଅଘଟଣକୁ ଏଡ଼ାଇବା ପାଇଁ ପୋଲିସ କଠୋର ସୁରକ୍ଷା ବ୍ୟବସ୍ଥା କରିଛି। ୨୬ ଜାନୁଆରୀ ୧୯୫୦ ରେ ସକାଳ ୧୦.୧୮ ସମୟରେ ଭାରତ ଏକ ଗଣତାନ୍ତ୍ରିକ ରାଷ୍ଟ୍ର ଭାବେ ବିବେଚନା ହେଲା । ଆଉ ଏହାର ଛଅ ମିନିଟ୍ ପରେ ଡକ୍ଟର ରାଜେନ୍ଦ୍ର ପ୍ରସାଦ ଭାରତର ପ୍ରଥମ ରାଷ୍ଟ୍ରପତି (President) ଭାବରେ ଶପଥ ଗ୍ରହଣ କରିଥିଲେ।