Russian Oil Imports: ଭାରତକୁ ଧମକ ଦେଇ U-Turn ମାରିଲା ଆମେରିକା

ୱାଶିଂଟନ: ୟୁକ୍ରେନ ସହ ଜାରି ରହିଥିବା ଯୁଦ୍ଧ ବେଳେ ପାରମ୍ପରିକ ସହଯୋଗୀ ଋଷିଆ ପାଖରୁ ତୈଳ ଆମଦାନୀ ନ କରିବା ପାଇଁ ଭାରତ ଉଦ୍ଦେଶ୍ୟରେ ଧମକ ଦେଇଥିଲା ଆମେରିକା। ହେଲେ ଭାରତକୁ ଏପରି କୌଣସି ଧମକ ଦିଆଯାଇଥିବା କଥାକୁ ଅସ୍ୱୀକାର କରିଛି  ଆମେରିକୀୟ ରାଷ୍ଟ୍ରପତିଙ୍କ କାର୍ଯ୍ୟାଳୟ ହ୍ୱାଇଟ ହାଉସ। ନିକଟରେ ନୂଆଦିଲ୍ଲୀ ଗସ୍ତରେ ଆସି ଭାରତ ଉଦ୍ଦେଶ୍ୟରେ ଚେତାବନୀ ଦେଇଥିଲେ ଆମେରିକୀୟ ଉପରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଦଲିପ ସିଂହ। ମାତ୍ର ଏହାକୁ ଏକ ଗଠନମୂଳକ ବାର୍ତ୍ତାଳାପ ବୋଲି ବର୍ଣ୍ଣନା କରିଛି ଆମେରିକା। 

ଏନେଇ ହ୍ୱାଇଟ ହାଉସ ପ୍ରେସ ସଚିବ ଜେନ ସାକି କହିଛନ୍ତି ଏହାକୁ ଆମେ ଚେତାବନୀ ଭାବେ ଦେଖୁନାହୁଁ ନା ଆମେ ସେତେବେଳେ ଏପରି କୌଣସି ଧମକ ଦେବା ଭଳି କଥା କହିଥିଲୁ। ଉପରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଦଲିପ ସିଂହ ନୂଆଦିଲୀ ଗସ୍ତ କରି ସେଠାରେ ଏକ ଗଠନମୂଳକ ବାର୍ତ୍ତାଳାପ କରିଥିଲେ। ଋଷିଆ ପାଖରୁ ତୈଳ ଆମଦାନୀ କରିବେ ନାହିଁ ସେ ନେଇ ନିଷ୍ପତ୍ତି ଭାରତ ସମେତ ପ୍ରତ୍ୟେକ ଦେଶ ନେଇପାରିବେ।

ରାଷ୍ଟ୍ରପତି ଜୋ ବାଇଡେନ ବିଶ୍ୱାସ କରନ୍ତି ଯେ ଭାରତ ସହ ଆମର ସହଭାଗିତା ହେଉଛି ବିଶ୍ୱର ଅନ୍ୟତମ ଗୁରୁତ୍ୱପୂର୍ଣ୍ଣ ସମ୍ପର୍କ। ତୈଳ କ୍ରୟ ଉପରେ ଏହି ପ୍ରତିବନ୍ଧକ ଲାଗୁ ହେବ ନାହିଁ। ଭାରତ ଦ୍ୱାରା ତେଲ କ୍ରୟ ପ୍ରତିବନ୍ଧକ ଆମେରିକୀୟ ଗଣମାଧ୍ୟମର ଏକ ବିଭାଗରେ ପ୍ରଯୁଜ୍ୟ ନୁହେଁ। ଅନେକ ୟୁରୋପୀୟ ଦେଶ ମଧ୍ୟ ଋଷିଆ ପାଖରୁ ଅଧିକ ଶକ୍ତି ଉତ୍ସ କ୍ରୟ କରିଥାନ୍ତି। ଅବଶ୍ୟ ସେମାନେ ଏହି ପ୍ରତିବନ୍ଧକକୁ ଅନୁସରଣ କରିବା ଉଚିତ ଯାହା ସେହି ନିଷ୍ପତ୍ତି ସହିତ ଜଡିତ ନୁହେଁ ବିଶେଷ କରି ତୈଳ କ୍ରୟ ଉପରେ ହେଲେ ସେହି ସମୟରେ ଆମେ ତୈଳ କ୍ରୟକୁ ୧-୨ ପ୍ରତିଶତ ହ୍ରାସ କରିବାକୁ ଭାରତକୁ ସାହାଯ୍ୟ କରିବାକୁ ଆସିଛୁ।

ଗତ ମାସ ଶେଷରେ ନୂଆଦିଲ୍ଲୀ ଗସ୍ତରେ ଆସି ଆମେରିକୀୟ ଉପରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଦଲିପ ସିଂହ କହିଛନ୍ତି ସେହି ଦେଶ କାରଣରୁ ଋଷିଆ-ୟୁକ୍ରେନ ଯୁଦ୍ଧ ଜାରି ରହିଛି ଯେଉଁମାନେ ପ୍ରତିବନ୍ଧକକୁ ଅତିକ୍ରମ କରିଛନ୍ତି। ତାଙ୍କର ଏହି ବିବୃତ୍ତିକୁ କିଛି ଗଣମାଧ୍ୟମ ଭାରତ ପାଇଁ ଏକ ଚେତାବନୀ ଭାବରେ ଦେଖିଥିଲେ। ଭାରତ ଗସ୍ତ ଅବସରରେ ପ୍ରତିକ୍ରିୟା ରଖି ସେ କହିଥିଲେ ଆମର ପ୍ରତିବନ୍ଧକକୁ ଦୂର କରିବା, ଆମ ସହ ଯୋଗଦେବା, ଆମର ସାଧାରଣ ସଂକଳ୍ପ ପ୍ରକାଶ କରିବା ଏବଂ ଆମର ସାଧାରଣ ସ୍ୱାର୍ଥକୁ ଆଗକୁ ବଢାଇବା ପାଇଁ ମୁଁ ବନ୍ଧୁତ୍ୱର ବାର୍ତ୍ତା ନେଇ ଆସିଛି। ଦଲିପ ସିଂ ଆମେରିକୀୟ ଜାତୀୟ ସୁରକ୍ଷା ପରିଷଦର ଅର୍ଥନୈତିକ ବ୍ୟାପାର ଦାୟିତ୍ୱରେ ଅଛନ୍ତି ଏବଂ ଋଷିଆ ଉପରେ ଆମେରିକା ଲଗାଇଥିବା ପ୍ରତିବନ୍ଧକ ପ୍ରସଙ୍ଗରେ ସେ ଆମେରିକୀୟ ରାଷ୍ଟ୍ରପତିଙ୍କ ପରାମର୍ଶଦାତା ଅଛନ୍ତି।