ସବୁଠାରୁ ବଡ଼ ସିଗାରେଟ କମ୍ପାନୀର ଫଇସଲା, ଆଉ ବଜାରକୁ ଆସିବନି Marlboro

ଲଣ୍ଡନ: ତମ୍ବାଖୁ ଦୁନିଆର ସବୁଠାରୁ ବିଶାଳ କମ୍ପାନୀ ଫିଲିପ୍ ମୋରିସ୍  (Philip Morris) ଆସନ୍ତା ଦଶ ବର୍ଷ ମଧ୍ୟରେ ବ୍ରିଟେନରେ ସିଗାରେଟ୍ ବିକ୍ରୟ ବନ୍ଦ କରିବାକୁ ଯାଉଛି, ଅର୍ଥାତ୍ ମାର୍ଲବୋରୋ ବ୍ରାଣ୍ଡ ଏକ ଶତାବ୍ଦୀ ପରେ ବଜାରରୁ ଲୋପ ପାଇଯିବ। ବିଶ୍ୱର ବୃହତ୍ତମ ସିଗାରେଟ୍ କମ୍ପାନୀର ଏହି ନିଷ୍ପତ୍ତି ପୂର୍ବରୁ ଆଜି ପର୍ଯ୍ୟନ୍ତ ବ୍ରିଟେନରେ ବହୁତ ଲୋକପ୍ରିୟ । 

ଏହି ବଡ଼ ଘୋଷଣା କରି ଫିଲିପ ମୋରିସ (Philip Morris) କମ୍ପାନୀର ମୁଖ୍ୟ କାର୍ଯ୍ୟନିର୍ବାହୀ ଜୈସେକ ଓଲଜାକ କହିଛନ୍ତି ଯେ, ବ୍ରିଟେନରେ ସିଗାରେଟ ବ୍ୟବହାର କରିବାରେ ଲୋକଙ୍କ ନିଶାକୁ ଦୂର କରିବା ଅଭିଯାନର ଏକ ଅଂଶ ଭାବରେ କମ୍ପାନୀ ଏହି ନିଷ୍ପତ୍ତି ନେଇଛି । ମାର୍ଲବୋରୋ ବ୍ରାଣ୍ଡ ଆସନ୍ତା ଦଶ ବର୍ଷ ମଧ୍ୟରେ ବଜାରରୁ ଅଦୃଶ୍ୟ ହୋଇଯିବ।

ତଥାପି ଯେଉଁମାନେ ଧୂମପାନ ଜାରି ରଖିବାକୁ ଚାହାଁନ୍ତି ସେମାନେ ଇ-ସିଗାରେଟ୍ କିମ୍ବା ଉତ୍ତପ୍ତ ତମ୍ବାଖୁ ଉପକରଣ ଭଳି ଆଧୁନିକ ବିକଳ୍ପକୁ ପରିବର୍ତ୍ତନ କରିବାକୁ ଉତ୍ସାହିତ ହେବେ ବୋଲି କହିଛନ୍ତି ତମ୍ବାଖୁ କମ୍ପାନୀର ସବୁଠାରୁ ବଡ଼ କମ୍ପାନୀର (Tobacco giant Philip Morris International) ମୁଖ୍ୟ କାର୍ଯ୍ୟକାରୀ ଜୈସେକ ଓଲଜାକ।ସେ କହିଛନ୍ତି ଯେ, ମୁଁ କମ୍ପାନୀର ଧୂମପାନ ଦ୍ରବ୍ୟ ବନ୍ଦ କରିବାକୁ ଚାହୁଁଛି। ସେ କହିଛନ୍ତି ମୁଁ ଭାବୁଛି ଆପଣ ବର୍ତ୍ତମାନଠାରୁ ପ୍ରାୟ ଦଶ ବର୍ଷ ଧରି ବ୍ରିଟେନରେ ଧୂମପାନର ସମସ୍ୟାର ସମାଧାନ କରିପାରିବେ।

ଆପଣଙ୍କୁ କହିରଖୁଛୁ ଯେ, ୨୦୩୦ ସୁଦ୍ଧା ବ୍ରିଟେନକୁ 'ଧୂମପାନ ମୁକ୍ତ' କରିବା ପାଇଁ ସରକାର ଏକ ବ୍ଲୁ ପ୍ରିଣ୍ଟ ପ୍ରସ୍ତୁତ କରିଛନ୍ତି, ଯେଉଁଥିରେ ବିଭିନ୍ନ ବୟସ ବର୍ଗଙ୍କ ମଧ୍ୟରେ ସିଗାରେଟ ଟାଣିବା ପ୍ରାଦୁର୍ଭାବ ହ୍ରାସ କରିବାର ଯୋଜନା ରହିଛି। ଏହି ଅଭିଯାନ ଅଧୀନରେ ବ୍ରିଟେନରେ ତମ୍ବାଖୁ ଦ୍ରବ୍ୟ ବିକ୍ରୟ ବନ୍ଦ କରିବାକୁ ଯୋଜନା ରହିଛି। ବ୍ରିଟେନ ପାଇଁ ଫିଲିପ୍ ମୋରିସ୍ ଇଣ୍ଟରନ୍ୟାସନାଲରେ (Philip Morris International) ନିଷ୍ପତ୍ତି ଅତ୍ୟନ୍ତ ଗୁରୁତ୍ୱପୂର୍ଣ୍ଣ କାରଣ ଏକ ଶତାବ୍ଦୀରୁ ଅଧିକ ସମୟ ଧରି ଏହି ସିଗାରେଟ୍ କମ୍ପାନୀ ବ୍ରିଟିଶ ଲୋକଙ୍କ ପ୍ରଥମ ପସନ୍ଦ ହୋଇ ରହିଆସିଛି।