ମଥୁରା-ବୃନ୍ଦାବନକୁ ଘୋଷଣା କରାଗଲା ତୀର୍ଥସ୍ଥାନ, ମଦ ଓ ମାଂସ ବିକ୍ରୟ ଉପରେ ଲାଗିଲା ପ୍ରତିବନ୍ଧକ

ୟୁପି ସରକାର ମଥୁରା-ବୃନ୍ଦାବନର ୧୦ ବର୍ଗ କିଲୋମିଟର ଅଞ୍ଚଳକୁ ତୀର୍ଥସ୍ଥାନ ଭାବରେ ଘୋଷଣା କରିଛନ୍ତି । ଏହା ସହିତ ଏହି ଅଞ୍ଚଳରେ ମଦ ଓ ମାଂସ ବିକ୍ରି ଉପରେ ମଧ୍ୟ ପ୍ରତିବନ୍ଧକ ଲଗାଇ ଦିଆଯାଇଛି ।

ଲକ୍ଷ୍ନୌ: ୟୁପି ସରକାର (UP Government) ମଥୁରା-ବୃନ୍ଦାବନର ୧୦ ବର୍ଗ କିଲୋମିଟର ଅଞ୍ଚଳକୁ ତୀର୍ଥସ୍ଥାନ (Pilgrimage Site)ଭାବରେ ଘୋଷଣା କରିଛନ୍ତି । ଏହା ସହିତ ଏହି ଅଞ୍ଚଳରେ ମଦ (liquor) ଓ ମାଂସ ବିକ୍ରି ଉପରେ ମଧ୍ୟ ପ୍ରତିବନ୍ଧକ ଲଗାଯାଇଛି । ତୀର୍ଥସ୍ଥାନ ଭାବରେ ଘୋଷିତ ଏହି ଅଞ୍ଚଳରେ ୨୨ ଟି ମ୍ୟୁନିସିପାଲିଟି ୱାର୍ଡ ଅଞ୍ଚଳ ଅଛି । ତୀର୍ଥଯାତ୍ରୀ କେନ୍ଦ୍ରଗୁଡ଼ିକର ବିକାଶ କାର୍ଯ୍ୟ ୟୁପିରେ ଚାଲିଛି । ଏହାସହ ଅଯୋଧ୍ୟା, ବାରାଣାସୀ, ମଥୁରାରେ ସୁବିଧା ସୁଦୃଢ଼ କରାଯାଉଛି  ।

ଜନ୍ମାଷ୍ଟମୀ ଅବସରରେ ସିଏମ୍ ଯୋଗୀ ଏକ ବଡ଼ ଘୋଷଣା କରିଥିଲେ । ମଥୁରାର ସାତୋଟି ତୀର୍ଥସ୍ଥାନରେ ମଦ ଓ ମାଂସ ବିକ୍ରି ଉପରେ ପ୍ରତିବନ୍ଧକ ଲଗାଯିବା ଉଚିତ ବୋଲି ସେ କହିଥିଲେ । ଏଥିପାଇଁ ଏକ ପ୍ରସ୍ତାବ ପଠାଇବାକୁ ସେ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଥିଲେ । ପରୋପକାରୀ ବିଭାଗର ସୂଚନାନୁସାରେ, ମଥୁରାର ୭ ଟି ଅଞ୍ଚଳକୁ ତୀର୍ଥସ୍ଥାନ ମାନ୍ୟତା ଦିଆଯାଇଛି । ୨୦୧୭ ରେ ଯୋଗୀ ସରକାର ବୃନ୍ଦାବନ, ନନ୍ଦଗାଓଁ, ଗୋବର୍ଦ୍ଧନ, ଗୋକୁଲ, ବଲଦେବ ଓ ରାଧାକୁଣ୍ଡକୁ ତୀର୍ଥସ୍ଥାନ ବୋଲି ଘୋଷଣା କରିବାକୁ ନିର୍ଦ୍ଦେଶ ଦେଇଥିଲେ । ବର୍ତ୍ତମାନ ଏହି ଅଞ୍ଚଳରେ ମଦ୍ୟପାନ ଓ ମାଂସ ବିକ୍ରି ହେବ ନାହିଁ ।

UP Govt declares 10 sqkm area of Mathura-Vrindavan as pilgrimage site, banning sale of liquor and meat in the area

— ANI UP (@ANINewsUP) September 10, 2021

ଯୋଗୀ ସରକାର ଏହି ଅଞ୍ଚଳକୁ ଘୋଷଣା କଲେ ତୀର୍ଥସ୍ଥାନ 
ୟୁପିରେ ତୀର୍ଥସ୍ଥାନଗୁଡିକ ବିକଶିତ କରାଯାଉଛି । ଅଯୋଧ୍ୟା, ବାରାଣାସୀ ଏବଂ ମଥୁରା ସମେତ ସମସ୍ତ ସ୍ଥାନରେ ଉନ୍ନତ ସୁବିଧା ଯୋଗାଇବା ପାଇଁ କାର୍ଯ୍ୟ ଚାଲିଛି । ଅଯୋଧ୍ୟାରେ ରାମ ମନ୍ଦିର ନିର୍ମାଣ କାର୍ଯ୍ୟ ଦ୍ରୁତ ଗତିରେ ଚାଲିଛି । ଏଥି ସହିତ ପ୍ରଧାନମନ୍ତ୍ରୀଙ୍କ ସ୍ୱପ୍ନର ଅନ୍ୟତମ ପ୍ରକଳ୍ପ କାଶୀ ବିଶ୍ୱନାଥ କରିଡରରେ କାମ ମଧ୍ୟ ଦ୍ରୁତ ଗତିରେ ଚାଲିଛି । ଏହି କାର୍ଯ୍ୟ ସମାପ୍ତ ହେବା ସହିତ ଭକ୍ତମାନେ ବିନା କୌଣସି ଅସୁବିଧାରେ ସହଜରେ ଭଗବାନଙ୍କର ଦର୍ଶନ ପାଇପାରିବେ । ମନ୍ଦିର ଆଖପାଖ ଅଞ୍ଚଳରେ ମାଂସ ଓ ମଦ ବିକ୍ରି ଉପରେ ପ୍ରତିବନ୍ଧକ ଲଗାଇବାକୁ ସରକାର ଯୋଜନା କରିଛନ୍ତି । ବର୍ତ୍ତମାନ ମଥୁରା-ଶ୍ରୀମନ୍ଦିରର ୧୦ ବର୍ଗ କିମି ଅଞ୍ଚଳକୁ ସରକାର ତୀର୍ଥସ୍ଥାନ ଭାବରେ ଘୋଷଣା କରିଛନ୍ତି । ଏହି ଅଞ୍ଚଳରେ ମଦ ଏବଂ ମାଂସ ବିକ୍ରି ହେବ ନାହିଁ ।