Uttarakhand Bus Accident: କୁହାଯାଉଛି ଯେ କୋଟଦ୍ୱାର ଓ ପୌରୀଠାରୁ ପ୍ରାୟ ୧୫୦ କିଲୋମିଟର ଦୂରରେ ଘଟିଥିବା ଏହି ଦୁର୍ଘଟଣାରେ ପ୍ରାୟ ୩୨ ଜଣଙ୍କର ମୃତ୍ୟୁ ଘଟିଛି । ସୂଚନା ପାଇବା ପରେ ପୌରୀ ଜିଲ୍ଲା ମାଜିଷ୍ଟ୍ରେଟ ବିଜୟ କୁମାର ଜଗଦଣ୍ଡେ, ଏସଡିଏମ ସ୍ମୃତି ପରମାର ଘଟଣାସ୍ଥଳରେ ପହଞ୍ଚିଥିଲେ ।
Trending Photos
5
6
12
5 "ପ୍ରତୀକାତ୍ମକ ଫଟୋ")
ନୂଆଦିଲ୍ଲୀ: Uttarakhand Bus Accident: ଉତ୍ତରାଖଣ୍ଡର ପୌରୀ ଜିଲ୍ଲାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଏଠାରେ ଏକ ବସ୍ ଖାଇରେ ଖସି ପଡ଼ିବାରୁ ୩୨ ଜଣଙ୍କର ମୃତ୍ୟୁ ଘଟିଛି । ଏହାସହ ପ୍ରାୟ ୨୦ ଜଣ ଆହତ ହୋଇଛନ୍ତି ବୋଲି ସୂଚନା ମିଳିଛି । ଏହି ବସ୍ ହରିଦ୍ୱାର ଜିଲ୍ଲାର ଲାଲଢାଙ୍ଗରୁ ପୌରୀର ବୀରୋଖାଲ ଗାଁକୁ ଯାଉଥିଲା । ବସ୍ରେ ୪୦-୫୦ ଯାତ୍ରୀ ଥିଲେ । ବସଟି ସିଏମଡି ଗ୍ରାମ ନିକଟରେ ପହଞ୍ଚିବା ପରେ ହଠାତ୍ ଅନିୟନ୍ତ୍ରିତ ହୋଇଯାଇଥିଲା । ଏହି କାରଣରୁ ଏହି ଦୁର୍ଘଟଣା ଘଟିଛି । SDRF ଓ NDRF ଦଳ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି । ବର୍ତ୍ତମାନ ସୁଦ୍ଧା ୨୦ ଜଣଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି ।
ମଙ୍ଗଳବାର ବିଳମ୍ବିତ ରାତିରେ ପୌରୀରେ ଏକ ବସ୍ ଦୁର୍ଘଟଣା ଘଟିଥିଲା, ଯେଉଁଥିରେ ସିମଡି ଗାଁ ପାଖରୁ ବରଯାତ୍ରୀଙ୍କୁ ନେଇ ଯାଉଥିବା ବସ୍ ୫୦୦ ମିଟର ଗଭୀର ଖାଇରେ ଖସିପଡିଥିଲା । ଏହି ବସ୍ ହରିଦ୍ୱାର ଜିଲ୍ଲାର ଲାଲଢାଙ୍ଗରୁ ପୌରୀର ବିରୋଖାଲ ଗ୍ରାମକୁ ଯାଉଥିଲା । ହଠାତ୍ ବସ୍ ରାସ୍ତାରେ ଅନିୟନ୍ତ୍ରିତ ହୋଇଗଲା, ଯେଉଁଥିପାଇଁ ଏହି ଦୁର୍ଘଟଣା ଘଟିଥିଲା । କୁହାଯାଉଛି ଯେ କୋଟଦ୍ୱାର ଓ ପୌରୀଠାରୁ ପ୍ରାୟ ୧୫୦ କିଲୋମିଟର ଦୂରରେ ଘଟିଥିବା ଏହି ଦୁର୍ଘଟଣାରେ ପ୍ରାୟ ୩୨ ଜଣଙ୍କର ମୃତ୍ୟୁ ଘଟିଛି । ସୂଚନା ପାଇବା ପରେ ପୌରୀ ଜିଲ୍ଲା ମାଜିଷ୍ଟ୍ରେଟ ବିଜୟ କୁମାର ଜଗଦଣ୍ଡେ, ଏସଡିଏମ ସ୍ମୃତି ପରମାର ଘଟଣାସ୍ଥଳରେ ପହଞ୍ଚିଥିଲେ ।
ଡିଜିପି ଅଶୋକ କୁମାର କହିଛନ୍ତି ଯେ, ବସ୍ ୫୦୦ ମିଟର ଖାଇରେ ଖସି ପଡିଛି । ଏହି ଦୁର୍ଘଟଣାରେ ଏପର୍ଯ୍ୟନ୍ତ ୬ ଜଣଙ୍କୁ ଉଦ୍ଧାର କରାଯାଇ ଡାକ୍ତରଖାନା ପଠାଯାଇଛି । ଉଦ୍ଧାର ପାଇଁ ଏସଡିଆରଏଫ କୋଟୱାର ଓ ପୌରୀର ଦଳ ମଧ୍ୟ ଘଟଣାସ୍ଥଳରେ ପହଞ୍ଚିଛନ୍ତି । ଏହା ବ୍ୟତୀତ ୪୦ରୁ ୫୦ କିଲୋମିଟର ବ୍ୟାସାର୍ଦ୍ଧରେ ଥିବା ପୋଲିସ ଷ୍ଟେସନକୁ ମଧ୍ୟ ସୂଚନା ଦିଆଯାଇଛି ।
ସୂଚନାଯୋଗ୍ୟ, ମଙ୍ଗଳବାର ରାତି ପ୍ରାୟ ଆଠଟା ବେଳେ ଏହି ଦୁର୍ଘଟଣା ଘଟିଛି । ଧୁମକୋଟଠାରୁ ୭୦ କିଲୋମିଟର ଆଗରେ ଥିବା ଟିମ୍ରି ଗାଁରେ ଏକ ବରଯାତ୍ରୀ ବସ୍ ଖାଇରେ ଖସି ପଡ଼ିଛି ବୋଲି SDRF ସୂଚନା ପାଇଥିଲା । ଏହି ବସ୍ ଲାଲଢାଙ୍ଗ ହରିଦ୍ୱାରରୁ କାଡ଼ାଗାଓଁ ଅଭିମୁଖେ ଯାଉଥିଲା । ବସ୍ରେ ପ୍ରାୟ ୪୫-୫୦ ଲୋକ ଥିଲେ । ସେନାନାୟକ SDRF ଙ୍କ ନିର୍ଦ୍ଦେଶରେ ଶ୍ରୀନଗର, କୋଟୱାର୍, ସତ୍ୟପୁଲି ଏବଂ ରୁଦ୍ରପୁରରୁ SDRF ର ଉଦ୍ଧାରକାରୀ ଦଳ ପଠାଯାଇଥିଲା ।
ଅଧିକ ପଢ଼ନ୍ତୁ:-ଏହି କାରଣରୁ ପୁରୁଷ ଓ ମହିଳାମାନେ ଶୀଘ୍ର ହୋଇଯାଆନ୍ତି ବୃଦ୍ଧ, ଆଜି ହିଁ ଛାଡ଼ନ୍ତୁ ଏହି ଅଭ୍ୟାସ
ଅଧିକ ପଢ଼ନ୍ତୁ:-ପୁଟିନଙ୍କ ପାଇଁ ବଳିଦାନ! ୧୮ ବର୍ଷରୁ କମ୍ ବୟସର ପୁଅମାନଙ୍କୁ ଯୁଦ୍ଧ ଲଢ଼ିବାକୁ ପଠାଇବେ ଚେଚେନ୍ୟା କମାଣ୍ଡର
ଏହା ଅତ୍ୟନ୍ତ ଦୁଃଖଦ ଘଟଣା ବୋଲି ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି କହିଛନ୍ତି । ବସ୍ରେ ପ୍ରାୟ ୪୫ ଜଣ ଲୋକ ଥିଲେ । ବସ୍ ଏକ ଗଭୀର ଖାଇରେ ଖସି ପଡିଯାଇଛି । ମୁଁ ସେଠାରେ ଥିବା ଅଧିକାରୀଙ୍କ ସହ କଥା ହୋଇଛି । ମୁଁ ନିଜେ ସମସ୍ତଙ୍କ ସହ କଥାବାର୍ତ୍ତା କରୁଛି ଯେ ଉଦ୍ଧାର କାର୍ଯ୍ୟ ଯଥାଶୀଘ୍ର ଆରମ୍ଭ ହେବା ଉଚିତ୍ ।
