• ବିହାର ମୋତିହାରୀର ସିକରହନା ନଦୀରେ ବୁଡ଼ିଲା ଡଙ୍ଗା
  • ୨୧ ଯାତ୍ରୀ ନିଖୋଜ, ଜଣଙ୍କର ମୃତଦେହ ଉଦ୍ଧାର
  • ଲଗାଣ ବର୍ଷାରେ ଗଜପତି ଜିଲ୍ଲା ଗୁମ୍ମାରେ ଧସିଲା ପାହାଡ଼
  • ଅତିପ୍ରବଳ ବର୍ଷା ଓ ପବନ ଆଶଙ୍କାରେ ଦକ୍ଷିଣ ଓଡ଼ିଶା
  • ବାତ୍ୟା-‘ଗୁଲାବ’ ଆଜି ବିଳମ୍ବିତ ସଂଧ୍ୟାରେ ଆରମ୍ଭ ହେବ ଲ୍ୟାଣ୍ଡଫଲ୍‌ ପ୍ରକ୍ରିୟା
  • ଦିଲ୍ଲୀରୁ ୧୧ଟା ୩୦ରେ ବାତ୍ୟା ସ୍ଥିତିର ସମୀକ୍ଷା କଲେ CM ନବୀନ
  • କଟକ କାଳିଆବୁଦା ନିକଟରେ ମହାନଦୀକୁ ଡେଇଁ ଅଧ୍ୟାପକ ନିଖୋଜ
  • କଟକର ଯୋବ୍ରା ବ୍ୟାରେଜରେ ଏକ ମୃତ ହାତୀ ଠାବ
  • ବରଗଡ଼ ଥାନାରେ ଗୋବିନ୍ଦ କୁମ୍ଭାର ହାଜତ ମୃତ୍ୟୁ ଅଭିଯୋଗ
  • ଘଟଣାରେ ୪ ପୋଲିସ କର୍ମଚାରୀଙ୍କୁ ପୋଲିସ ରିଜର୍ଭ ଅଫିସକୁ ବଦଳି

କୋହଲି ଓ ଅନୁଷ୍କା ରକ୍ଷା କଲେ ଏକ ଶିଶୁର ଜୀବନ, ଦୁନିଆର ସବୁଠାରୁ ମହଙ୍ଗା ଔଷଧର ଥିଲା ଆବଶ୍ୟକ

ଆୟଂଶ ଗୁପ୍ତା ନାମକ ଏକ ଛୋଟ ବାଳକ ସ୍ପାଇନାଲ ମସ୍କୁଲାର ଆଟ୍ରୋଫି (spinal muscular atrophy) ନାମକ ଏକ ବିରଳ ରୋଗ ସହ ଲଢୁଥିଲା ଓ ତାଙ୍କୁ ୧୬ କୋଟି ଟଙ୍କା ମୂଲ୍ୟର ଔଷଧ ଦରକାର ଥିଲା ।

କୋହଲି ଓ ଅନୁଷ୍କା ରକ୍ଷା କଲେ ଏକ ଶିଶୁର ଜୀବନ, ଦୁନିଆର ସବୁଠାରୁ ମହଙ୍ଗା ଔଷଧର ଥିଲା ଆବଶ୍ୟକ

ଜଗଦୀଶ୍ ବାରିକ୍, ନୂଆଦିଲ୍ଲୀ: ଭାରତୀୟ ଅଧିନାୟକ ବିରାଟ କୋହଲି (Virat Kohli) ଓ ତାଙ୍କ ପତ୍ନୀ ଅନୁଷ୍କା ଶର୍ମା (Anushka Sharma) କୋରୋନାର ଦ୍ୱିତୀୟ ଲହର (corona second wave) ସମୟରେ ଖୋଲାଖୋଲି ଭାବେ ଦେଶର ଲୋକଙ୍କୁ ସାହାଯ୍ୟ କରୁଛନ୍ତି । ଉଭୟ ମଧ୍ୟ କୋଭିଡ-୧୯ ରିଲିଫ ପାଇଁ ପାଣ୍ଠି ସଂଗ୍ରହ କରିଥିଲେ । ଯେଉଁଥିରେ ଅଭାବୀ ଲୋକଙ୍କୁ ସାହାଯ୍ୟ କରାଯାଉଛି । ବର୍ତ୍ତମାନ ଖବର ଆସୁଛି ଯେ ଏହି ଦମ୍ପତି ଏକ ଛୋଟ ପିଲା ଆୟଂଶ ଗୁପ୍ତାଙ୍କ ଜୀବନ ରକ୍ଷା କରିଛନ୍ତି ଯିଏ ସ୍ପାଇନାଲ ମସ୍କୁଲାର ଆଟ୍ରୋଫି (spinal muscular atrophy) ନାମକ ଏକ ବିରଳ ରୋଗରେ ପୀଡିତ ଥିଲେ । ଏହି ପିଲାଟି ଦୁନିଆର ସବୁଠାରୁ ମହଙ୍ଗା ଔଷଧ ଜୋଲ୍ଗେନସ୍ମା ଆବଶ୍ୟକ କରୁଥିଲା ଯାହାର ମୂଲ୍ୟ ପ୍ରାୟ ୧୬ କୋଟି ଟଙ୍କା ଥିଲା ।

ଅଧିକ ପଢ଼ନ୍ତୁ:-ବାତ୍ୟା 'ୟାସ'ର ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ

ଶିଶୁର ଚିକିତ୍ସା ପାଇଁ ପାଣ୍ଠି ସଂଗ୍ରହ କରିବା ପାଇଁ ଆୟଂଶଙ୍କ ପିତାମାତା 'AyaanshFightsSMA' ନାମକ ଏକ ଟ୍ୱିଟର ଆକାଉଣ୍ଟ ତିଆରି କରିଥିଲେ । କିଛି ଦିନ ପୂର୍ବରୁ ଏହି ଟ୍ୱିଟର ପେଜରେ ସୂଚନା ଦିଆଯାଇଥିଲା ଯେ ଆୟଂଶ ଔଷଧ ଗ୍ରହଣ କରିଛନ୍ତି ଏବଂ ଏଥିପାଇଁ ବିରାଟ ଓ ଅନୁଷ୍କାଙ୍କୁ ଧନ୍ୟବାଦ ଅର୍ପଣ କରାଯାଇଛି ।

ଏହି ଆକାଉଣ୍ଟରୁ ଏହା ଟ୍ୱିଟ୍ କରାଯାଇଥିଲା ଯେ ଆମେ କେବେ ଭାବି ନ ଥିଲୁ ଯେ ଏହି କଠିନ ଯାତ୍ରା ଏତେ ସୁନ୍ଦର ସମାପ୍ତ ହେବ । ଆମେ ଖୁସି ଯେ ଆୟଂଶଙ୍କ ଚିକିତ୍ସା ପାଇଁ ୧୬ କୋଟି ଟଙ୍କା ଆବଶ୍ୟକ ଥିଲା ଓ ତାହା ଆମେ ପ୍ରାପ୍ତ କରିଛୁ । ଆମକୁ ସମର୍ଥନ କରୁଥିବା ସମସ୍ତଙ୍କୁ ଧନ୍ୟବାଦ । ଏହା ଆପଣଙ୍କ ବିଜୟ ।

ଅଧିକ ପଢ଼ନ୍ତୁ:-ଦେଶରେ ଏବେ ବି ଜାରି ରହିଛି କୋରୋନାର ତାଣ୍ଡବ: ଦିନକରେ ପୁଣି ୨ ଲକ୍ଷ ପାର କଲା ନୂଆ ମାମଲା, ୪,୧୭୨ ସଂକ୍ରମିତଙ୍କ ମୃତ୍ୟୁ

ଏହା ପରେ କୁହାଯାଇଥିଲା ଯେ କୋହଲି ଓ ଅନୁଷ୍କା ଆମେ ଆପଣଙ୍କୁ ଜଣେ ପ୍ରଶଂସକ ଭାବରେ ସର୍ବଦା ଭଲ ପାଉଥିଲୁ, କିନ୍ତୁ ଆପଣ ଆୟଂଶଙ୍କ ଓ ଏହି ଅଭିଯାନ ପାଇଁ ଯାହା କରିଛନ୍ତି ତାହା ଆଶାଠାରୁ ଅଧିକ ଥିଲା । ଆପଣ ଆମକୁ ଛକା ସହ ଜୀବନର ମ୍ୟାଚ୍ ଜିତିବାରେ ସାହାଯ୍ୟ କଲେ ।

କୋହଲି ଓ ଅନୁଷ୍କାଙ୍କ ବ୍ୟତୀତ ସାରା ଅଲି ଖାନ, ଅର୍ଜୁନ କପୁର ଓ ରାଜକୁମାର ରାଓଙ୍କ ପରି ଅନେକ ସେଲିବ୍ରିଟି ମଧ୍ୟ ଆୟଂଶଙ୍କ ପିତାମାତାଙ୍କୁ ସାହାଯ୍ୟ କରି ସେମାନଙ୍କ ପୁଅର ଜୀବନ ବଞ୍ଚାଇବାରେ ମଧ୍ୟ ସାହାଯ୍ୟ କରିଥିଲେ ।

ଅଧିକ ପଢ଼ନ୍ତୁ:-ସୁବୋଧ ଜୟସୱାଲ ହେଲେ ସିବିଆଇର ନୂଆ ନିର୍ଦ୍ଦେଶକ, ୨ ବର୍ଷ ହେବ କାର୍ଯ୍ୟକାଳ

ଏହାପୂର୍ବରୁ ବିରାଟ କୋହଲି ସେମାନଙ୍କ COVID-19 ପାଣ୍ଠି ସଂଗ୍ରହକାରୀଙ୍କୁ 'ଇନ୍ ଟୁ ଟୁଗର୍' ନାମକ ୨ କୋଟି ଟଙ୍କା ଦାନ କରିଥିଲେ । ଏହି ଅଭିଯାନରେ ୧୧ କୋଟିରୁ ଅଧିକ ଟଙ୍କା ପାଣ୍ଠି ସଂଗ୍ରହ ହୋଇପାରିଥିଲା ଓ ଯାହା ସମଗ୍ର ଦେଶରେ ଅଭାବର ସମ୍ମୁଖୀନ ହେଉଥିବା ହସ୍ପିଟାଲଗୁଡ଼ିକ ପାଇଁ ଅକ୍ସିଜେନ ସିଲିଣ୍ଡର ଓ ଗୁରୁତ୍ୱପୂର୍ଣ୍ଣ ଔଷଧ କିଣିବାରେ ବ୍ୟବହୃତ ହୋଇଥିଲା ।

ବର୍ତ୍ତମାନ କୋହଲି ଇଂଲଣ୍ଡ ଗସ୍ତ ପାଇଁ ପ୍ରସ୍ତୁତିରେ ବ୍ୟସ୍ତ ଅଛନ୍ତି । ଆସନ୍ତା ମାସରେ ତାଙ୍କ ନେତୃତ୍ୱରେ ଟିମ୍ ଇଣ୍ଡିଆ ନ୍ୟୁଜିଲ୍ୟାଣ୍ଡ ବିପକ୍ଷ ବିଶ୍ୱ ଟେଷ୍ଟ ଚାମ୍ପିଅନସିପର ଅନ୍ତିମ ମ୍ୟାଚ୍ ପାଇଁ ଇଂଲଣ୍ଡ ଅଭିମୁଖେ ଯାତ୍ରା କରିବ ଓ ଆୟୋଜକଙ୍କ ବିପକ୍ଷରେ ପାଞ୍ଚ ମ୍ୟାଚ ବିଶିଷ୍ଟ ଟେଷ୍ଟ ସିରିଜ୍ ମଧ୍ୟ ଖେଳିବ ।