Virat Kohli: ନିଜ ଖରାପ ଫର୍ମକୁ ନେଇ ମୁହଁ ଖୋଲିଲେ ବିରାଟ କୋହଲି; ସମାଲୋଚକମାନଙ୍କୁ ଦେଲେ କଡ଼ା ଜବାବ

Virat Kohli reply to critics: ୩୩ ବର୍ଷୀୟ ବିରାଟ ଗତ ତିନିବର୍ଷ ଧରି ଚାଲିଆସୁଥିବା ଖରପ ଫର୍ମ ଉପରେ ନିଜ ନୀରବତା ଭାଙ୍ଗିଛନ୍ତି । ଏହି ପୂର୍ବତନ ଅଧିନାୟକ ଇଂଲଣ୍ଡରେ ହୋଇଥିବା ଭୁଲକୁ ସ୍ୱୀକାର କରିଛନ୍ତି ଓ ଏହାକୁ ସଂଶୋଧନ କରିବା ପାଇଁ ସେ କଠିନ ପରିଶ୍ରମ କରିଛନ୍ତି ବୋଲି କହିଛନ୍ତି ।

Virat Kohli reply to critics: ଭାରତର ପୂର୍ବତନ ଅଧିନାୟକ ବିରାଟ କୋହଲି (Virat Kohli ) ଆସନ୍ତା ଏସିଆ କପ୍ ୨୦୨୨ କ୍ରିକେଟ୍ ଟୁର୍ଣ୍ଣାମେଣ୍ଟରେ ଫର୍ମକୁ ଫେରି ପାଇବାକୁ ଆଶା ରଖିଛନ୍ତି । କୋହଲି ଦେଢ଼ ମାସ ପରେ କ୍ରିକେଟକୁ ଫେରିବାକୁ ଯାଉଛନ୍ତି । ଅଗଷ୍ଟ ୨୮ ରେ ପାକିସ୍ତାନ ବିପକ୍ଷ ଟୁର୍ଣ୍ଣାମେଣ୍ଟରେ ଭାରତକୁ ନିଜର ପ୍ରଥମ ମ୍ୟାଚ୍ ଖେଳିବାକୁ ପଡିବ ଓ ଏହି ମ୍ୟାଚରେ ସମସ୍ତ ଆଖି କୋହଲିଙ୍କ ବ୍ୟାଟିଂ ଉପରେ ରହିବ । ଏହି ମ୍ୟାଚ୍ ବିରାଟଙ୍କ କ୍ୟାରିୟରର ୧୦୦ ତମ ଟି-୨୦ ଆନ୍ତର୍ଜାତୀୟ ମ୍ୟାଚ୍ ହେବ । ପୂର୍ବତନ ଅଧିନାୟକ ୧୦୦୦ ଦିନରୁ ଅଧିକ ସମୟ ଧରି ଶତକ ହାସଲ କରିନାହାଁନ୍ତି । ସେ ଇଂଲଣ୍ଡ ଗସ୍ତରେ ନିଜର ଶେଷ ମ୍ୟାଚ୍ ଖେଳିଥିଲେ, ଯେଉଁଠାରେ ତାଙ୍କର ସର୍ବାଧିକ ସ୍କୋର ୨୦ ରନ୍ ଥିଲା ।

୩୩ ବର୍ଷୀୟ ବିରାଟ ଗତ ତିନିବର୍ଷ ଧରି ଚାଲିଆସୁଥିବା ନିଜ ଖରାପ ଫର୍ମ ଉପରେ ପ୍ରତିକ୍ରିୟା ରଖିଛନ୍ତି । ପୂର୍ବତନ ଅଧିନାୟକ ଇଂଲଣ୍ଡରେ କରିଥିବା ନିଜର ଭୁଲକୁ ସ୍ୱୀକାର କରି କହିଛନ୍ତି ଯେ ସମାନ ଢାଞ୍ଚା ଖରାପ ଫର୍ମ ହେବାର ଅନ୍ୟତମ କାରଣ ଓ ସେ ଏହାକୁ ସୁଧୁରିବା ପାଇଁ କଠିନ ପରିଶ୍ରମ କରିଛନ୍ତି ।

ବିରାଟ ଷ୍ଟାର୍ ସ୍ପୋର୍ଟସ୍ ସୋ ଗେମ୍ ପ୍ଲାନରେ କହିଛନ୍ତି, "ଇଂଲଣ୍ଡରେ ଯାହା ଘଟିଥିଲା ​​ତାହା ଏକ ପାର୍ଟନ ଥିଲା, ଯାହା ଏପରି ଥିଲା, ଯାହା ଉପରେ ମୁଁ କାମ କରିପାରିଥାନ୍ତି, ଯାହା ଏପରି ମୋତେ ଦୂର କରିବାକୁ ପଡିବ । ଏବେ ଏପରି କଛିହିଁ ନାହିଁ, ଯାହାକୁ ନେଇ ଆପଣ ଏହା କହିପାରିବେ ଯେ ଏଠାରେ ସମାସ୍ୟା ହେଉଛି । ଏଥିପାଇଁ ପ୍ରକ୍ରିୟା କରିବା ମୋ ପାଇଁ ପ୍ରକୃତରେ ସହଜ, କାରଣ ମୁଁ ଜାଣେ ମୁଁ ଭଲ ବ୍ୟାଟିଂ କରୁଛି । ଏମିତି କିଛି ସମୟ ଅଛି ଯେତେବେଳେ ମୁଁ ଅନୁଭବ କରିବା ଆରମ୍ଭ କରେ ଯେ ଫର୍ମକୁ ଫେରି ଆସିଛି, ତେବେ ମୁଁ ଜାଣେ ଯେ ମୁଁ ଭଲ ବ୍ୟାଟିଂ କରୁଛି ।"

କୋହଲି ନିଜର ଖରାପ ଫର୍ମ ଯୋଗୁଁ କ୍ରିକେଟ ଏକ୍ସପର୍ଟ ଓ ପ୍ରଶଂସକଙ୍କ ସମାଲୋଚନାର ସମ୍ମୁଖୀନ ହୋଇଛନ୍ତି ଓ ଡାହାଣହାତୀ ବ୍ୟାଟ୍ସମ୍ୟାନ୍ ମଧ୍ୟ ତାଙ୍କ ସମାଲୋଚକଙ୍କୁ ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି, “ମୁଁ ଜାଣେ ମୋର ଖେଳ କେଉଁଠାରେ ଛିଡ଼ା ହୋଇଛି ଓ ଆପଣ ଆପଣଙ୍କ ଅନ୍ତର୍ଜାତୀୟ କ୍ୟାରିୟରରେ ସ୍ଥିତି ଓ ଅଡୁଆର ସମ୍ମୁଖୀନ ହେବା ଓ ବିଭିନ୍ନ ପ୍ରକାରର ବୋଲିଂର ମୁକାବିଲା କରିବାର କ୍ଷମତା ନ ଥାଇ ଆପଣ ସେତେ ଦୂର ଯାଇପାରିବ ନାହିଁ ।"

ବିରାଟ ଆଗକୁ କହିଛନ୍ତି, ଏହା ମୋ ପାଇଁ ପ୍ରକ୍ରିୟାରେ ଏକ ସହଜ ପଦକ୍ଷେପ, କିନ୍ତୁ ମୁଁ ଏହାକୁ ମୋ ପଛରେ ରଖିବାକୁ ଚାହୁଁ ନାହିଁ । ମୁଁ ଏଥିରୁ ଶିଖିବାକୁ ଚାହେଁ ଓ ମୁଁ ବୁଝିବାକୁ ଚାହେଁ ଯେ ଜଣେ ଖେଳାଳୀ ଓ ମଣିଷ ଭାବରେ ମୋର ମୂଳ ମୂଲ୍ୟ କ’ଣ? ଯେପର୍ଯ୍ୟନ୍ତ ମୁଁ ସେହି ସବୁ ଜିନିଷ ଠିକ୍ କରୁଛି, ମୁଁ ଜାଣେ ସେଠାରେ ଉତ୍ଥାନ-ପତନ ଅଛି । କିନ୍ତୁ ଯେତେବେଳେ ମୁଁ ଏହି ପର୍ଯ୍ୟାୟରୁ ବାହାରକୁ ଆସେ, ମୁଁ ଜାଣେ ଯେ ମୁଁ କେତେ ସ୍ଥିର ହୋଇପାରେ ।"