ଭାରତୀୟ କ୍ରିକେଟ୍ ଦଳ (Team India) ଦକ୍ଷିଣ ଆଫ୍ରିକା ଗସ୍ତରେ ଯିବକୁ କି ନାହିଁ, ସେନେଇ ବିସିସିଆଇ ସଭାପତି ସୌରଭ ଗାଙ୍ଗୁଲି (Sourav Ganguly) ଏକ ବଡ଼ ଖୁଲାସା କରିଛନ୍ତି । ଏହି ଯାତ୍ରା ଆସନ୍ତା ମାସର 17 ତାରିଖରୁ ଆରମ୍ଭ ହେବାର କାଯ୍ୟକ୍ରମ ରହିଛି ।
Trending Photos
6
15
5
4 "ବାତିଲ ହେବ କି ଭାରତର ଦକ୍ଷିଣ ଆଫ୍ରିକା ଗସ୍ତ? BCCI ସଭାପତି ଗାଙ୍ଗୁଲି ଦେଲେ ଏହି ବଡ଼ ବୟାନ")
ନୂଆଦିଲ୍ଲୀ: ଟିମ୍ ଇଣ୍ଡିଆକୁ (Team India) ଆସନ୍ତା ମାସରେ ଦକ୍ଷିଣ ଆଫ୍ରିକା ଗସ୍ତ (South Africa Tour) କରିବାର ଅଛି । ବିରାଟ କୋହଲି ବାହିନୀ ନିଶ୍ଚିତ ଭାବରେ ଏହି ସିରିଜ୍ ଉପରେ ଦୀର୍ଘଦିନ ଧରି ନଜର ରଖି ଆସିଛି । କାରଣ ଆଜି ପର୍ଯ୍ୟନ୍ତ ଭାରତ ଆଫ୍ରିକୀୟ ମାଟିରେ କୌଣସି ଟେଷ୍ଟ ସିରିଜ୍ ଜିତି ନାହିଁ । କିନ୍ତୁ କୋରୋନା ଭାଇରସର ନୂଆ ଓମିକ୍ରନ୍ ଭାରିଆଣ୍ଟର (Omicron) ଆଗମନ ସହିତ, ବିପଦ ଯଥେଷ୍ଟ ବୃଦ୍ଧି ପାଇଛି ଏବଂ ଏହି ଗସ୍ତ ବାତିଲ୍ ହୋଇପାରେ ବୋଲି ଜଣାପଡିଛି । ତେବେ ଏହି ଗସ୍ତ ହେବ ବ କି ନାହିଁ ତାହା ଉପରେ ବିସିସିଆଇ ସଭାପତି ସୌରଭ ଗାଙ୍ଗୁଲି (Sourav Ganguly) ଏକ ବଡ଼ ଖୁଲାସା କରିଛନ୍ତି ।
ଗାଙ୍ଗୁଲିର ବଡ ଖୁଲାସା
ମଙ୍ଗଳବାର ଦିନ ବିସିସିଆଇର (BCCI) ସଭାପତି ସୌରଭ ଗାଙ୍ଗୁଲି (Sourav Ganguly) କହିଛନ୍ତି ଯେ ଦକ୍ଷିଣ ଆଫ୍ରିକା ଗସ୍ତ ପୂର୍ବ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ହେବ ଏବଂ ସେ କୋଭିଡ-19 ର ନୂତନ ଭାରିଆଣ୍ଟର ଉତ୍ପତ୍ତି ସହ ଜଡିତ ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଛନ୍ତି । ଓମିକ୍ରନ୍ ନାମକ କୋଭିଡ୍ -19 ର ଏକ ଭାରିଆଣ୍ଟର ବିସ୍ତାର ବିଷୟରେ ଚିନ୍ତା ବଢ଼ାଉଛି । ଦକ୍ଷିଣ ଆଫ୍ରିକାରେ ଏହାର ପ୍ରଥମ ମାମଲା ରିପୋର୍ଟ ହୋଇଥିଲା । ଗାଙ୍ଗୁଲି ଏକ ଗସ୍ତ ଉପରେ କହିଛନ୍ତି, 'ପରିସ୍ଥିତି ଅନୁଯାୟୀ ଏହି ଗତ ଅନୁଷ୍ଠିତ ହେବ । ନିଷ୍ପତ୍ତି ନେବାକୁ ଆମ ପାଖରେ ଯଥେଷ୍ଟ ସମୟ ଅଛି । ପ୍ରଥମ ଟେଷ୍ଟ 17 ଡିସେମ୍ବରରୁ ଅନୁଷ୍ଠିତ ହେବ । ଆମେ ଏହା ଉପରେ ବିଚାର କରିବୁ ।
ଚାର୍ଟାର୍ଡ ବିମାନ ଦ୍ୱାରା ଦକ୍ଷିଣ ଆଫ୍ରିକାରେ ପହଞ୍ଚିବ ଟିମ୍
3 ଡିସେମ୍ବରରୁ ମୁମ୍ବାଇରେ ନ୍ୟୁଜିଲାଣ୍ଡ ବିପକ୍ଷରେ ଭାରତ ଦ୍ୱିତୀୟ ତଥା ଅନ୍ତିମ ଟେଷ୍ଟ ଖେଳିବ, ଏହା ପରେ ଦଳ ସେଠାରୁ ଡିସେମ୍ବର 8 କିମ୍ବା 9 ରେ ଜୋହାନ୍ସବର୍ଗ ଅଭିମୁଖେ ଯାତ୍ରା କରିବାର କାର୍ଯ୍ୟକ୍ରମ ରହିଛି । ଗାଙ୍ଗୁଲି କହିଛନ୍ତି, “ଖେଳାଳିଙ୍କ ସ୍ୱାସ୍ଥ୍ୟ ଏବଂ ନିରାପତ୍ତା ସର୍ବଦା ବିସିସିଆଇର ପ୍ରଥମ ପ୍ରାଥମିକତା ଅଟେ । ଆଗାମୀ ଦିନରେ କ’ଣ ହେବ ଏହା ଉପରେ ବିଚାର କରିବୁ ।
ଆଫ୍ରିକାରେ କେବେ ବି ଜିତି ନାହିଁ ଭାରତ
ଦକ୍ଷିଣ ଆଫ୍ରିକାରେ ଭାରତୀୟ କ୍ରିକେଟ୍ ଦଳର ରେକର୍ଡ ବିଷୟରେ ଆଲୋଚନା କରିବାକୁ ଗଲେ ଭାରତୀୟ ଦଳ ଆଜି ପର୍ଯ୍ୟନ୍ତ ଏଠାରେ କୌଣସି ଗୋଟିଏ ଟେଷ୍ଟ ସିରିଜ୍ ମଧ୍ୟ ଜିତିବାରେ ସକ୍ଷମ ହୋଇନାହିଁ । ବିରାଟ କୋହଲିଙ୍କ ଅଧିନାୟକତ୍ୱରେ, ଭାରତୀୟ ଦଳ ଶେଷଥର 2018 ମସିହାରେ ଦକ୍ଷିଣ ଆଫ୍ରିକା ଗସ୍ତ କରିଥିଲା । ଭାରତୀୟ ଦଳ ମଧ୍ୟ ଏହି ଟେଷ୍ଟ ସିରିଜ ଜିତିବାର ଅତି ନିକଟତର ହୋଇଥିଲା, କିନ୍ତୁ ଶେଷରେ ଏହି ସିରିଜରେ 2-1 ପରାଜୟର ସମ୍ମୁଖୀନ ହୋଇଥିଲା । ଯଦିଓ ବର୍ତ୍ତମାନର ଟିମ୍ ଇଣ୍ଡିଆ ସେତେବେଳର ଟିମ୍ ଠାରୁ ଆହୁରି ଅଧିକ ଶକ୍ତିଶାଳୀ ହୋଇଛି ।
ଏହା ବି ପଢ଼ନ୍ତୁ: UPA କ’ଣ? ବର୍ତ୍ତମାନ କୌଣସି ୟୁପିଏ ନାହିଁ: ମମତା ବାନାର୍ଜୀ
ଏହା ବି ପଢ଼ନ୍ତୁ: ଭାରତରେ ଜନ୍ମିତ ପାରାଗ ଅଗ୍ରୱାଲଙ୍କର ଟ୍ୱିଟର CEO ହେବା ପର୍ଯ୍ୟନ୍ତ କିଛି ଏହିପରି ଥିଲା ଯାତ୍ରା
ଏହା ବି ପଢ଼ନ୍ତୁ: Hair Care Tips: କେଶ ଧଳା ହୋଇଯାଉଛି କି? ସକାଳୁ ଉଠି ପ୍ରତିଦିନ ଗୁଡ଼ ସହ ଖାଆନ୍ତୁ ଏହି ମଞ୍ଜି
