ଆହୁରି ୨୪ ଘଣ୍ଟା ଥରାଇବ, ୮ ଜିଲ୍ଲାକୁ Yellow Warning

ଶୀତ ଲହରୀ ନେଇ ରାଜ୍ୟର ୮ ଜିଲ୍ଲା ଯଥା ଝାରସୁଗୁଡା, ସୁନ୍ଦରଗଡ, ଦେଓଗଡ, କେଉଁଝର, ମୟୂରଭଞ୍ଜ, କନ୍ଧମାଳ, କଳାହାଣ୍ଡି ନବରଙ୍ଗପୁର ପାଇଁ ୟେଲୋ ୱାର୍ଣ୍ଣିଂ ଜାରି ହୋଇଛି।

ଶାନ୍ତସ୍ବରୂପ ରାଉତ,ଭୁବନେଶ୍ବର: ରାଜ୍ୟରେ ବିଗତ ୩ ଦିନ ଧରି ଜାରି ରହିଛି ଶୀତ ଲହରୀ। ପାଣିପାଗ ବିଜ୍ଞାନ କେନ୍ଦ୍ର ଆକଳନ ଅନୁସାରେ ଆସନ୍ତାକାଲି ସକାଳ ସାଢେ ୮ଟା ପର୍ଯ୍ୟନ୍ତ ଏହାର ପ୍ରକୋପ ବଳବତ୍ତର ରହିବ। ଏହାକୁ ଦୃଷ୍ଟିରେ ରଖି ୮ ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ।

ଶୀତ ଲହରୀ (Cold Wave) ନେଇ ରାଜ୍ୟର ୮ ଜିଲ୍ଲା ଯଥା ଝାରସୁଗୁଡା, ସୁନ୍ଦରଗଡ, ଦେଓଗଡ, କେଉଁଝର, ମୟୂରଭଞ୍ଜ, କନ୍ଧମାଳ, କଳାହାଣ୍ଡି ନବରଙ୍ଗପୁର ପାଇଁ ୟେଲୋ ୱାର୍ଣ୍ଣିଂ (Yellow Warning) ଜାରି ହୋଇଛି। ଏହି ଜିଲ୍ଲାରେ ଥଣ୍ଡା ସହ୍ୟ ହେଲେ ମଧ୍ୟ ଛୋଟ ଶିଶୁ ଓ ଗର୍ଭବତୀ ଏଥିରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି। ଏହା ପରେ ଆସନ୍ତାକାଲି ଠାରୁ ରାଜ୍ୟରେ ଶୀତ ଲହରୀ କମିବା ସହ ହାଲୁକା କୁହୁଡି ଦେଖାଯିବାର ସମ୍ଭାବନା ରହିଛି।

ସେପଟେ ଆଜି ରାଜ୍ୟର ୯ଟି ସ୍ଥାନରେ ୧୦ ଡିଗ୍ରୀ ତାପମାତ୍ରା ରେକର୍ଡ ହୋଇଛି। କନ୍ଧମାଳ ଜିଲ୍ଲାର ଜି.ଉଦୟଗିରି ଠାରେ ୩.୫ ଡ଼ିଗ୍ରୀ, ଫୁଲବାଣୀରେ ୫ ଡ଼ିଗ୍ରୀ, ଦାରିଙ୍ଗବାଡି ୭, କେନ୍ଦୁଝରରେ, କୋରାପୁଟ ଓ ବୌଦ୍ଧରେ ୯ ଡିଗ୍ରୀ ଏବଂ ଝାରସୁଗୁଡାରେ ଓ ଭବାନୀପାଟଣାରେ ୯.୨ ଡିଗ୍ରୀ ଏବଂ ବଲାଙ୍ଗୀର ୯.୪ ଡ଼ିଗ୍ରୀ ରାତିର ତାପମାତ୍ର ରେକର୍ଡ ହୋଇଛି। ଏହାସହ ଫୁଲବାଣୀ, ଭବାନୀପାଟଣା, କେନ୍ଦୁଝର, ଝାରସୁଗୁଡାରେ ଶୀତ ଲହରୀ ଅନୁଭୂତ ହୋଇଥିବା ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି।