• ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କୋଭିଡ୍ ସମୀକ୍ଷା ବୈଠକ
  • ଅଧିକ ସଂକ୍ରମିତ ୧୦ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କଲେ ମୋଦି
  • ଭୁବନେଶ୍ୱର: ବନ୍ଧୁକ ବିକ୍ରି ପାଇଁ ଡିଲ୍ ବେଳେ ବେପାରୀ ଗିରଫ
  • ରାଜ୍ୟରେ ଆଜି ପୁଣି ରେକର୍ଡ ଭାଙ୍ଗିଲା କରୋନା
  • ଦିନକରେ ୬ ହଜାର ୨୧୫ କରୋନା ସଂକ୍ରମିତ ଚିହ୍ନଟ, ୮ ମୃତ
  • ଦିଲ୍ଲୀର ସାର୍‌ ଗଙ୍ଗାରାମ ହସ୍ପିଟାଲରେ ଅକ୍ସିଜେନ ଅଭାବରୁ ୨୫ ରୋଗୀଙ୍କ ମୃତ୍ୟୁ
  • ମହାରାଷ୍ଟ୍ରର ଏକ କୋଭିଡ୍ ହସ୍ପିଟାଲରେ ଅଗ୍ନିକାଣ୍ଡ
  • ଆଇସିୟୁ ୱାଡରେ ନିଆଁ ଲାଗି ୧୩ ରୋଗୀ ମୃତ
  • ଡ୍ରୋନରେ ଟିକା ଯୋଗାଣ ପରୀକ୍ଷଣକୁ DGCAର ଅନୁମତି
  • ପଶ୍ଚିମବଙ୍ଗରୁ ଆସିଲେ ୧୪ ଦିନ କ୍ୱାରେଣ୍ଟାଇନ୍‌ରେ ରହିବାକୁ ପଡ଼ିବ: ମୁଖ୍ୟ ଶାସନ ସଚିବ

ହାତରେ କୋଦାଳ ଧରି ଅଳିଆ ଗଦାରେ ପଶି ଆବର୍ଜନା ସଫା କଲେ ବିଡ଼ିଓ

ବିଡ଼ିଓଙ୍କୁ ଖୋଦ ସଫେଇ କାମ କରୁଥିବାର ଦେଖି ସ୍ଥାନୀୟ ସ୍ୱୟଂ ସହାୟିକା ଗୋଷ୍ଠୀର ମହିଳାଙ୍କ ସହ କଲେଜ ଛାତ୍ରଛାତ୍ରୀ ମଧ୍ୟ ସହଯୋଗ କରିଥିଲେ ।

ହାତରେ କୋଦାଳ ଧରି ଅଳିଆ ଗଦାରେ ପଶି ଆବର୍ଜନା ସଫା କଲେ ବିଡ଼ିଓ

ପ୍ରିୟବ୍ରତ ସାହୁ, କନ୍ଧମାଳ:  ଅଳିଆ ଗଦାରେ ପଶି ଆବର୍ଜନା ସଫା କଲେ ସରକାରୀ ବାବୁ । ଅଳିଆ ଆବର୍ଜନା ପାଇଁ ଲୋକ ହନ୍ତସନ୍ତ ହେଉଥିବାର ଅନୁଭବ କରି କନ୍ଧମାଳ ଜିଲ୍ଲା ରାଇକିଆ ବ୍ଲକର ବିଡ଼ିଓ ପ୍ରବୀଣ କୁମାର ବାଣୁଆ ନିଜେ ଆବର୍ଜନା ସଫା କରିଛନ୍ତି ।  ନିଜ ଅଞ୍ଚଳରେ ଆବର୍ଜନା ବଢୁଥିବା ଦେଖି ବିଡ଼ିଓ ଜଣକ ନିଜେ କିଛି କରିବାକୁ ଅଣ୍ଟା ଭିଡ଼ିଥିଲେ। ହାତରେ କୋଦାଳ ଧରି ଅଳିଆ ଗଦା ଭିତରକୁ ପଶିଥିଲେ ଓ ଜମିରହିଥିବା ଆବର୍ଜନାକୁ ସଫା କରିଥିଲେ ।

ତିନିମାସ ତଳେ କନ୍ଧମାଳ ଜିଲ୍ଲାର ଫିରିଙ୍ଗିଆରୁ ବଦଳି ହୋଇ ବିଡ଼ିଓ ପ୍ରବୀଣ କୁମାର ବାଣୁଆ ରାଇକିଆ ବ୍ଲକରେ ଯୋଗ ଦେଇଥିଲେ । ନିଜ ଅଞ୍ଚଳରେ ଜମି ରହିଥିବା କୁଢ଼ କୁଢ଼ ଆବର୍ଜନାକୁ ସଫା କରିବା ପାଇଁ ଶୀତତାପ ନିୟନ୍ତ୍ରିତ ଅଫିସ ଛାଡି ଅଳିଆ ଗଦା ଭିତରେ ପଶିଥିଲେ । କୋଦାଳ ମାଧ୍ୟମରେ ମାଟିରେ ମିଶିପାରୁନଥିବା ପ୍ଲାଷ୍ଟିକ ଜରି ସହ ପ୍ଲାଷ୍ଟିକ ବୋତଲକୁ କାଢି ଅଞ୍ଚଳଠାରୁ ଦୂରରେ ପକାଇବାର ବ୍ୟବସ୍ଥା ମଧ୍ୟ କରିଥିଲେ । ବିଡ଼ିଓଙ୍କୁ ଖୋଦ ସଫେଇ କାମ କରୁଥିବାର ଦେଖି ସ୍ଥାନୀୟ ସ୍ୱୟଂ ସହାୟିକା ଗୋଷ୍ଠୀର ମହିଳାଙ୍କ ସହ କଲେଜ ଛାତ୍ରଛାତ୍ରୀ ମଧ୍ୟ ସହଯୋଗ କରିଥିଲେ । ଏ ନେଇ ବିଡ଼ିଓଙ୍କ କହିବା କଥା ଯେ ନିଜ ଆଖପାଖ ଅଞ୍ଚଳକୁ ସ୍ଵଛ ରଖିବା ସମସ୍ତଙ୍କ ଦାୟିତ୍ୱ, ଏଥିରୁ ବା ସେ କିପରି ବାଦ ପଡ଼ିପାରିବେ । ନିଜ ଅଞ୍ଚଳର ସରକାରୀ ବାବୁଙ୍କ ଏହି କାମକୁ ଦେଖି ଏବେ ସମସ୍ତଙ୍କ ମୁଁହରେ ଗୋଟିଏ କଥା ମନ କିଣିନେଲେ ବିଡ଼ିଓ ବାବୁ ।