ବିୟର ବଢ଼ାଉଛି ଆୟୁ, ଦୁଗ୍ଧ ପିଇଲେ ବେମାରୀ, ପେଟାର ଦାବିରେ ଲୋକେ ଆଶ୍ଚର୍ଯ୍ୟ

ପ୍ରଦ୍ୟୁମ୍ନ କୁମାର ମାଝୀ, ନୂଆଦିଲ୍ଲୀ: ମଦ କିମ୍ୱା ବିୟର ପିଇଲେ ଶରୀର ପାଇଁ କ୍ଷତିକାରକ କୁହାଯାଇଥାଏ । ବୋଧହୁଏ ଏଥିପାଇଁ ଶରୀର ପାଇଁ ବିୟରକୁ ଲାଭଦାୟକ ଭାବେ ଗ୍ରହଣ କରାଯାଏ ନାହିଁ । ଏଥିପାଁଇ ଆମକୁ ପିଲା ବେଳୁ କ୍ଷୀର ପିଇବାର ଲାଭ ବିଷୟରେ କୁହାଯାଇଥାଏ ।  ସେପଟେ ପିପୁଲ ଫର୍ ଏଥିକାଲ ଟ୍ରିଟମେଣ୍ଟ ଅଫ୍ ଏନିମଲ୍ (People For Ethical Treatment OF Animals) ବା ପେଟା କ୍ଷୀର ପିଇବା ଠାରୁ ବିୟର ପିଇବା ଅଧିକ ଲାଭ ଦାୟକ ବୋଲି କହିଛି । ଶରୀର ଏବଂ ମାନସିକ ବିକାଶ ପାଇଁ କ୍ଷୀର ପିଇବା ଲାଭ ବିଷୟରେ ଆମକୁ ପିଲା ବେଳୁ କୁହାଯାଉଛି । ଏହାର ଶରୀର ପ୍ରତି ଲାଭକୁ ଦେଖି କିଛି ପରିବାରରେ ପ୍ରତ୍ୟେକ ଦିନ ୧ରୁ ୨ ଗ୍ଲାସ କ୍ଷୀର ପିଇବାକୁ ଦିଆଯାଇଥାଏ ।

ପେଟାର(PETA) କହିବା ଅନୁଯାୟୀ ବିୟର ପିଇବା କ୍ଷୀର ଠାରୁ ଅଧିକ ଲାଭଦାୟକ ଅଟେ । ବିୟର ହାଡ଼କୁ ମଜବୁତ କରିବା ସହ ଦୀର୍ଘାୟୁ କରିଥାଏ । ପେଟା ଲୋକଙ୍କୁ କ୍ଷୀର ନ ପିଇବାକୁ ପରାମର୍ଶ ଦେଇଛି । କେବଳ ସେତିକି ନୁହେଁ, ପେଟା କ୍ଷୀର ପିଇବା ଦ୍ୱାରା ହେଉଥିବା କ୍ଷତି ବିଷୟରେ ମଧ୍ୟ କହିଛି । ସେଥିରେ କୁହାଯାଇଛି କ୍ଷୀର ମୋଟାପଣ, ଡାଇବେଟିସ୍ ଏବଂ କ୍ୟାନ୍ସର ଭଳି ଘାତକ ରୋଗର କାରଣ ମଧ୍ୟ ହୋଇଥାଏ ।  ପେଟା ଏହା ଦାବି କରିଛି, ହାବାର୍ଡ ସ୍କୁଲ ଅଫ୍ ପବ୍ଲିକ ହେଲର ଏକ ରିପୋର୍ଟ ଆଧାରରେ କୁହାଯାଇଛି । ଏହି ବୟାନକୁ ଶାକାହାରୀ ହୋଇଥିବା ଲାଭକୁ ଯୋଡ଼ି ମଧ୍ୟ ଦେଖାଯାଇଛି । ଏହି ଦାବି ପରେ ବଡ଼ ବିତକ୍ତ ସାମନାକୁ ଆସିଛି ।

ବିୟରକୁ ଏକ ଆଲକହଲ ଯୁକ୍ତ ପାନୀୟ କୁହାଯାଇଛି । ଏହାକୁ ତିଆରି କରିବାରେ ଯେଉଁ ଜିନିଷର ବ୍ୟବହାର କରାଯାଇଥାଏ ସେଥିରେ ଅନେକ ପୋଷକତତ୍ତ୍ୱ ମିଳିଥାଏ । ବିୟର ତିଆରିରେ ଯଅ, ଗହମ, ମକା ଏବଂ ଚାଉଳର ବ୍ୟବହାର ହୋଇଥାଏ । କେବଳ ସେତିକି ନୁହେଁ, ବିୟରରେ ୯୦ ପ୍ରତିଶତ ପାଣିକୁ ଛାଡ଼ି ଫାଇବର, କ୍ୟାଲସିୟମ, ଆଇରନ୍ ସମେତ ଶରୀରକୁ ଲାଭ ପହଞ୍ଚାଉଥିବା ପୋଷକତତ୍ତ୍ୱ ସାମିଲ ରହିଛି । ବିୟର ମଣିଷର ହାଡ଼କୁ ମଧ୍ୟ ମଜବୁତ କରିଥାଏ । ଶରୀରର ମାଂସପେଶୀର ବିକାଶ ପାଇଁ ମଧ୍ୟ ଅନେକ ଲାଭଦାୟକ କୁହାଯାଇଛି । ସେପଟେ କ୍ଷୀର ପିଇବା ଦ୍ୱାରା ହୃଦରୋଗ, ମୋଟାପା, ଡାଇବେଟିସ୍ ଏବଂ କ୍ୟାନ୍ସର ଭଳି ରୋଗ ସୃଷ୍ଟି ହୋଇଥାଏ ।

ପେଟା ତରଫରୁ ଜାରି କରାଯାଇଥିବା ବୟାନରେ ଏହା ମଧ୍ୟ କୁହାଯାଇଛି, ବିୟର କ୍ଷୀର ଠାରୁ ଅଧିକ ଲାଭଦାୟକ ହୋଇପାରେ । ତଥାପି ଏହା ଏକ ଆଲକହଲ ଯୁକ୍ତ ପାନୀୟ । ଆବଶ୍ୟକତା ଠାରୁ ଅଧିକ ବିୟର ପିଇଲେ ଶରୀର ପାଇଁ କ୍ଷତିକାରକ ଅଟେ ।  ଆପଣଙ୍କୁ କହିଦେଉଛୁ କି, ଆଗରୁ ମଧ୍ୟ ବିୟର ପିଇବା ଲାଭ ଅନେକ ପରୀକ୍ଷାରୁ ସାମନାକୁ ଆସିଛି । ଏକ ପରୀକ୍ଷାରୁ କୁହାଯାଇଥିଲା କି ୱାଇନ୍ ଏବଂ ବିୟର ହାର୍ଟ ରୋଗରେ ସୁଧାର ଆଣିପାରିବ । କେବଳ ସେତିକି ନୁହେଁ ହାର୍ଟ ରୋଗ ଯୋଗୁଁ ସମୟ ପୂର୍ବରୁ ହେଉଥିବା ମୃତ୍ୟୁ ବିପଦ କମ୍ ହୋଇପାରେ ।

ୟୁନିଭରସିଟି ଅଫ୍ ଟେକ୍ସାସ୍ ଏବଂ ସୋନଡାଁନଗ ୟୁନିଭରସିଟି ପରୀକ୍ଷକ ଏହାର ଅଧ୍ୟୟନ କରିଥିଲେ । ଏହି ଅଧ୍ୟୟନ ୮ ବର୍ଷ ଧରି ୩,୩୩,୨୪୭ ଆମେରିକୀୟଙ୍କ ଉପରେ ପରୀକ୍ଷା କରାଯାଇଥିଲା । ପରୀକ୍ଷକ ଏହା ମଧ୍ୟ ଦାବି କରିଛନ୍ତି  ୱାଇନ୍ ଏବଂ ବିୟର କମ୍ ଅନୁପାତ ସେବନ କଲେ ହାର୍ଟ ପାଇଁ ଲାଭ ଦାୟକ ହୋଇପାରେ । ପରୀକ୍ଷକଙ୍କ କହିବା ଅନୁଯାୟୀ ମଧ୍ୟମ ଅନୁପାତରେ ୱାଇନ୍ ଏବଂ ବିୟର ସେବନ ଦ୍ୱାରା ସମୟ ପୂର୍ବରୁ ହେଉଥିବା ମୃତ୍ୟୁ ସଙ୍କଟକୁ ୨୨ ପ୍ରତିଶତ କମ୍ କରାଯାଇପାରେ । ସେହିପରି ହାର୍ଟ ରୋଗ ଯୋଗୁଁ ହେଉଥିବା ମୃତ୍ୟୁ ବିପଦରୁ ୨୯ ପ୍ରତିଶତ କମ୍ ହୋଇଯାଇଥାଏ ।  

ଡାକ୍ତର ବିୟର ଏବଂ ରେଡ୍ ୱାଇନ୍ କୁ ମଧ୍ୟ ଲାଭ ଦାୟକ କହିଛନ୍ତି । ଏକ ପରୀକ୍ଷା ଅନୁସାରେ ବିୟର ଏବଂ ରେଡ୍ ୱାଇନ୍ ପିଇବା ଦ୍ୱାରା ବ୍ୟକ୍ତିର ମାନସିକ ଅବସାଦରୁ ମୁକ୍ତି ମିଳିଥାଏ । ରିପୋର୍ଟରେ ଏବା ମଧ୍ୟ ଦାବି କରାଯାଇଛି ପ୍ରାୟ ୫୩ ପ୍ରତିଶତ ଲୋକ କହିଛନ୍ତି  ୱାଇନ୍ ପିଇବା ପରେ ଅଧିକ ରିଲାକ୍ସ ଅନୁଭବ କରିଥାନ୍ତି । ଯେବେକି ୱାଇନ୍ ପିଇବା ପରେ ୬୦ ପ୍ରତିଶତ ଲୋକଙ୍କୁ ଥକ୍କାପଣ ଅନୁଭବ ହୋଇଥିଲା ।

ପରୀକ୍ଷକଙ୍କ କହିବା ଅନୁଯାୟୀ, ପ୍ରତ୍ୟେକ ବିୟର ପାନୀୟରେ କିଛି ଅଲଗା ଅଲଗା ସାମଗ୍ରୀ ବ୍ୟବହାର ହୋଇଥାଏ । ଏହାସହ ବ୍ୟକ୍ତିଙ୍କ ଡ୍ରିଙ୍କ୍ସ କରିବାର କ୍ଷମତା ଅଲଗା ଅଲଗା ହୋଇଥାଏ । ସେଥିପାଇଁ ପ୍ରତ୍ୟେକ ବ୍ୟକ୍ତି ଡ୍ରିଙ୍କ୍ସ କରିବା ପରେ ଅଲଗା ଅଲଗା ଭାବେ ଅନୁଭବ କରିଥାନ୍ତି । ପରୀକ୍ଷକ ଏହାମଧ୍ୟ କହିଛନ୍ତି ମହିଳାମାନେ ଡିଙ୍କ୍ସ କରିବା ପରେ ଅନେକ ସମୟରେ ଭାବବିହ୍ୱଳ ହୋଇଯାଇଥାନ୍ତି । ଭାରତୀୟ ଖାଦ୍ୟ ସୁରକ୍ଷା ଏବଂ ମାନ ପ୍ରାଧିକରଣ   (ଏଫଏସଏସଏଆଇ)ର ଏକ ପରୀକ୍ଷାରୁ ଜଣାଯାଇଛି ଭାରତରେ ବିକ୍ରି ୧୦ ପ୍ରତିଶତ କ୍ଷୀର ଆମ ଶରୀର ପାଇଁ କ୍ଷତିକାରକ ହୋଇଥାଏ । ଏହି ୧୦ ପ୍ରତିଶତ ମାତ୍ରା ପ୍ୟାକେଟ୍ କ୍ଷୀର ହୋଇଥାଏ ।