କିଛି ଅଶୁଭ ହେବା ପୂର୍ବରୁ ମିଳିଥାଏ ଏହି ୭ଟି ସଙ୍କେତ, ଆପଣଙ୍କୁ ମିଳୁନି ତ...

ଅଶୁଭ ବା କିଛି ଅଘଟଣ ହେବା ପୂର୍ବରୁ ମଣିଷକୁ ମିିଳିଥାଏ ଏହିସବୁ ସଙ୍କେତ

ପ୍ରଜ୍ଞା ପାରମିତା ପତ୍ରୀ, ନୂଆଦିଲ୍ଲୀ: ମଣିଷ ଆଜି ବିଂଶ ଶତାଦ୍ଧୀରେ ପାଦ ଦେଇଥିଲେ ମଧ୍ୟ ଆଜି ବି ଜ୍ୟୋତିଷ ଶାସ୍ତ୍ର, ବାସ୍ତୁ ପରି ଜିନିଷରେ ବିଶ୍ୱାସ ରଖେ । ଏହା ହୁଏତ ସତ ଯେ ଅନେକ ଲୋକ ଏହି ଜନିଷରେ ଖୁବ ଅଧିକ ବିଶ୍ୱାସ କରନ୍ତି ତ ଆଉ କିଛି ଅଛନ୍ତି ଯେଉଁମାନେ ଏହି ସବୁ ଜିନିଷରେ ଆଦୌ ବିଶ୍ୱାସ ରଖନ୍ତି ନାହିଁ । ଜ୍ୟୋତିଷ ଶାସ୍ତ୍ର ଅନୁସାରେ ମନୁଷ୍ୟର ଗ୍ରହ ଓ ନକ୍ଷତ୍ରର ସ୍ଥିତି ଦେଖି ଗଣନା କରାଯାଇ ଭବିଷ୍ୟତ ବିଷୟରେ ଅନୁମାନ କରାଯାଏ । 

ତେବେ ଯେଉଁମାନେ ଏହିସବୁ ଜିନିଷରେ ବିଶ୍ୱାସ ରଖନ୍ତି ସେମାନଙ୍କ ପାଇଁ ଟିପ୍ସ ଅଛି ଯେ କିଛି ଖରାପ ହେବା ପୂର୍ବରୁ କିପରି ପୂର୍ବ ସୂଚନା ମିଳିଥାଏ ...

୧. ଘରେ ଅନେକ ଲୋକ ଗୃହପାଳିତ ପଶୁ ରଖନ୍ତି । ଗାଁ ଗହଳିରେ ଲୋକେ ଗାଈଗୋରୁ ପାଳୁଥିବା ବେଳେ ସହରୀଲୋକମାନେ ନିଜର ଗୃହପାଳିତ ପଶୁ ଭାବରେ ସାଧାରଣତଃ କୁକୁର ପାଳିଥାଆନ୍ତି । ତେବେ ଆପଣ ପାଳିଥିବା ପଶୁପକ୍ଷୀର ଯଦି ହଠାତ ବିନା କାରଣରେ ମୃତ୍ୟୁ ହୁଏ ତେବେ ଜାଣନ୍ତୁ ତାହା ଆଗକୁ ଘର ପ୍ରତି ମାଡ଼ି ଆସୁଥିବା ବିପଦର ସୂଚନା ଦେଇଥାଏ ।

୨. ଆଜି ବି ଘରେ କାହାର ସୁନା, ରୂପା ହଜିଗଲେ ତାକୁ ଅଶୁଭ ବୋଲି ମନାଯାଏ । ଆଉ ଏହା ଅନେକମାତ୍ରାରେ ଠିକ୍ ମଧ୍ୟ । ସୁନା ରୂପା ହଜିଗଲେ ଜୀବନ ପ୍ରତି ବଡ଼ ବିପଦ ମାଡ଼ି ଆସୁଥିବାର ସୂଚନା ମିଳିଥାଏ । ତେଣୁ କୌଣସି ମୂଲ୍ୟବାନ ଧାତୁ ହଜିହଗଲେ ସତର୍କ ରୁହନ୍ତୁ ।

୩. ଘରର ଉର୍ଜା ଠିକ ରହିବା ପାଇଁ ଓ ଘରରେ ଉପକୂଳ ବାତାବରଣ ପାଇଁ ଲୋକେ ଘରେ ତୁଳସୀ ଗଛ, ଆମ୍ୱଗଛ, ଆଦି ରଖିଥାଆନ୍ତି । ଯଦି କୌଣସି କାରଣରୁ ଏହି ଗଛ ମରିଯାଏ ତେବେ ତାକୁ ଅଶୁଭ ମନା ଯିବା ସହିତ ଘର ପ୍ରତି ବିପଦ ଆସୁଥିବାର ସଙ୍କେତ ମିଳିଥାଏ ।

୪. ଘରେ ଥିବା ଇଲେକ୍ଟ୍ରନିକ ଜିନିଷ ଥାଏ ଆଉ ତାହା ବାରମ୍ଭାର ଖରାପ ହେଉଥାଏ ତେବେ ତାହା ଧନ ହାନିର ସବଚନା ଦେଇଥାଏ । ତେଣୁ ସେଥିପ୍ରତି ସତର୍କ ରୁହନ୍ତୁ । 

୫. ଆପଣଙ୍କ ଅନାମିକା ଆଙ୍ଗୁଳିର ତଳଭାଗରେ ଯଦି କୌଣସି ଦାଗ ଦେଖାଯାଏ ତେବେ ନିଜ ଲୋକ ଆପଣଙ୍କୁ ଧୋକା ଦେବାର ସମ୍ଭାବନା ଥାଏ । ସେଥିପ୍ରତି ହୁସିଆର ରୁହନ୍ତୁ ।

୬. ଯଦି ବିନା କାରଣରେ ଦାମ୍ପତ୍ୟ ଜୀବନରେ ଝଗଡ଼ଝାଟି ଲାଗି ରୁହେ ତେବେ ତାହା ମଧ୍ୟ ଧନ ହାନିର ସୂଚନା ଦେଇଥାଏ ।

୭. ଘରେ ଥିବା କାଚ ଜିନିଷ ଭାଙ୍ଗିବା ସ୍ୱଭାବିକ ହୋଇଥାଏ । ମାତ୍ର ଯଦି ଏହି ଜିନିଷ ବାରମ୍ବାର ଭାଙ୍ଗିବ ତେବେ ଜାଣନ୍ତୁ ଯେ ଘର ପ୍ରତି ବିପଦ ଘନେଇ ଆସୁଛି ।   

ଅଧିକ ପଢନ୍ତୁ: ଗୀତା ଅନୁସାରେ ଏହି ସମୟରେ ମୃତ୍ୟୁ ହେଲେ ହୁଏ ପୁନର୍ଜନ୍ମ