ଛପାକ ଓ ତାନାଜୀକୁ ନେଇ ରାଜନୀତି ସରଗରମ

ମୁମ୍ବାଇ: ଦୀପିକାଙ୍କ ଫିଲ୍ମ  ଛପାକ ଏବଂ ଅଜୟ ଦେବଗନଙ୍କ ଫିଲ୍ମ ତାନାଜୀ ମଧ୍ୟରେ ଟକ୍କର । ଦୁଇ ଫିଲ୍ମକୁ ନେଇ ବକ୍ସ ଅଫିସରେ ପ୍ରତିଯୋଗୀତା ଆରମ୍ଭ ହୋଇ ଯାଇଥିବା ବେଳେ ରାଜନୀତି ବି ସରଗରମ ହୋଇଯାଇଛି ।
କଂଗ୍ରେସ ସରକାର ଛପାକକୁ ଟ୍ୟାକ୍ସ ଛାଡ଼ କରିଥିବା ବେଳେ ତାନାଜୀକୁ ଟ୍ୟାକ୍ସ ଫ୍ରି କରିବା ପାଇଁ  ବିଜେପି ଦାବି କରିଛି  ।  ଦୁଇଟି ଫିଲ୍ମକୁ ନେଇ ବିଜେପି ଓ କଂଗ୍ରେସ ମୁହାଁମୁହିଁ ହୋଇଛନ୍ତି । ବିଜେପି ଦୀପିକାଙ୍କ ଫିଲ୍ମକୁ ଟ୍ୟାକ୍ସ ଫ୍ରି  କରାଯିବାକୁ ବିରୋଧ କରୁଥିବା ବେଳେ କଂଗ୍ରେସ  ସମର୍ଥନ କରୁଛି ।

ଛପାକ ସିନେମା ଲକ୍ଷ୍ମୀ ଅଗ୍ରୱାଲଙ୍କ ଏସିଡି ଆଟାକ କାହାଣୀକୁ ନେଇ ହୋଇଥିବା ବେଳେ ତାନାଜୀ ମରାଠା ସାମ୍ରାଜ୍ୟର ମହାନ ଯୋଦ୍ଧା ତାନାଜୀ ମାଲସାରେଙ୍କ ଜୀବନ କାହାଣୀକୁ ନେଇ ନିର୍ମାଣ କରାଯାଇଛି । ଛପାକରେ ଦୀପିକା ପାଦୁକୋନ ନଜର ଆସୁଥିବା ବେଳେ ତାନାଜୀରେ ସିଂହମ ଅଜୟ ଦେବଗନ ଓ କାେଜୋଲ ଦେବଗନ ନଜର ଆସିଛନ୍ତି । ଦୁଇଟି ଯାକ ସିନେମାକୁ ସୋସାଲ ମିଡିଆରେ ୟୁଜର୍ସ ଭଲ ରେସପନସ ଦେଇଛନ୍ତି ।