close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

କରୱାଚୌଥର ଉପହାର, ଚନ୍ଦ୍ର ପୃଷ୍ଠର ଫଟୋ ସେୟାର କଲା ଇସ୍ରୋ

କରୱାଚୌଥ ଦିନରେ ଭାରତୀୟ ଗବେଷଣା ସଂସ୍ଥା (ଇସ୍ରୋ) ଜାରି କଲା ଚନ୍ଦ୍ର ପୃଷ୍ଠର ଫଟୋ । ଚନ୍ଦ୍ରଯାନ-୨ର ଆଇଆଇଆରଏସ(ଇମେଜିଙ୍ଗ ଇନଫ୍ରାରେଡ ସ୍ପେକ୍ଟ୍ରୋମିଟିର) ଏହି ଫଟୋ ଉଠାଇଛି । ଚନ୍ଦ୍ରମାରେ ପରିବର୍ତ୍ତିତ ହେଉଥିବା ସୂର୍ଯ୍ୟ କିରଣକୁ ମାପିବା ପାଇଁ ଆଇଆଇଆରଏସକୁ ଡିଜାଇନ କରାଯାଇଛି ।  

କରୱାଚୌଥର ଉପହାର, ଚନ୍ଦ୍ର ପୃଷ୍ଠର ଫଟୋ ସେୟାର କଲା ଇସ୍ରୋ
ଚନ୍ଦ୍ର ପୃଷ୍ଠର ଫଟୋ

ନୂଆଦିଲ୍ଲୀ: କରୱାଚୌଥ ଦିନରେ ଭାରତୀୟ ଗବେଷଣା ସଂସ୍ଥା (ଇସ୍ରୋ) ଜାରି କଲା ଚନ୍ଦ୍ର ପୃଷ୍ଠର ଫଟୋ । ଚନ୍ଦ୍ରଯାନ-୨ର ଆଇଆଇଆରଏସ(ଇମେଜିଙ୍ଗ ଇନଫ୍ରାରେଡ ସ୍ପେକ୍ଟ୍ରୋମିଟିର) ଏହି ଫଟୋ ଉଠାଇଛି । ଚନ୍ଦ୍ରମାରେ ପରିବର୍ତ୍ତିତ ହେଉଥିବା ସୂର୍ଯ୍ୟ କିରଣକୁ ମାପିବା ପାଇଁ ଆଇଆଇଆରଏସକୁ ଡିଜାଇନ କରାଯାଇଛି ।  

ଇସ୍ରୋ କହିଛି ଯେ, ଆଇଆଇଆରଏସ ଚନ୍ଦ୍ରରେ ସୂର୍ଯ୍ୟର ପରିବର୍ତ୍ତନ ହେଉଥିବା କିରଣ ଓ ଚନ୍ଦ୍ର ପୃଷ୍ଠରେ ଗଚ୍ଛିତ ଖଣିଜ ସମ୍ପଦର ସନ୍ଧାନ ପାଇଁ ଡିଜାଇନ କରାଯାଇଛି । ଏହି ଫଟୋ ସାମ୍ନାକୁ ଆସିବା ପରେ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ଆମ ନିକଟକୁ ଆସିପାରିବ । 

ଏହାପୂର୍ବରୁ ଅକ୍ଟୋବର ୪ରେ ଚନ୍ଦ୍ରଯାନ-୨ର ଓର୍ବିଟର ହାଇ ରେଜୁଲେଶନ କ୍ୟାମେରା ଦ୍ୱାରା ନିଆଯାଇଥିବା ଫଟୋ ଜାରି କରିଥିଲା ଇସ୍ରୋ । ଏହି ଫଟୋରେ ଚନ୍ଦ୍ର ପୃଷ୍ଠରେ ବଡ ଓ ଛୋଟ ଗାତ ରହି ଥିବାର ନଜରକୁ ଆସିଥିଲା । ଓର୍ବିଟର ହାଇ ରେଜୁଲେଶନ କ୍ୟାମେରା ଦ୍ୱାରା ନିଆଯାଇଥିବା ଫଟୋ ଇସ୍ରୋ ଜାରି କରିଥିଲା । ଏହି ହାଇ ରେଜୁଲେଶନ କ୍ୟାମେରା(ଓଏଚଆରସି) ଚନ୍ଦ୍ର ପୃଷ୍ଠ ଉପରେ ସ୍ଥିତ ଚନ୍ଦ୍ରଯାନ-୨ର ହାଇ ରେଜୁଲେଶନ ଫଟୋ ଯୋଗାଇଥାଏ । ଏହା ପ୍ୟାକ୍ରୋମ୍ୟାଟିକ ବେଣ୍ଡ(୪୫୦-୮୦୦ ଏନମି) ଦ୍ୱାରା ସଞ୍ଚାଳିତ ହୋଇଥାଏ ।

ଇସ୍ରୋ ସ୍ପଷ୍ଟ କରିଥିଲା ଯେ, ପ୍ରାରମ୍ଭିକ ତଥ୍ୟ ଅନୁସାରେ ଆମ ମିଶନ କେବଳ ୨ ପ୍ରତିଶତର କ୍ଷତି ସହିବାକୁ ପଡିଛି, ୯୮ ପ୍ରତିଶତ ମିଶନ ସଫଳ ରହିଛି । ଇସ୍ରୋ ପ୍ରମୁଖ କେ ସିବନ କହିଥିଲେ ଯେ, ଏନଆରସିର ସପୂର୍ଣ୍ଣ ଯାଞ୍ଚ ହେବା ପରେ ଆମେ ଓର୍ବିଟରରୁ ମିଳୁଥିବା ସମସ୍ତ ଡାଟା ଓ ଫଟୋ ସାର୍ବଜନୀନ କରିଦେବୁ । ରିଭ୍ୟୁ କମିଟି ଏନଆରସି ବର୍ତ୍ତମାନ ମଧ୍ୟ ଚନ୍ଦ୍ରଯାନ-୨ର ବିକ୍ରମ ଲ୍ୟାଣ୍ଡର ଖରାପ ଲ୍ୟାଣ୍ଡିଙ୍ଗର ତଥ୍ୟ ଓ ଫଟୋର ଯାଞ୍ଚ କରୁଛି ।