ଜାଣନ୍ତୁ ୨୦୧୯ର ଟ୍ରେଣ୍ଡରେ ଥିବା ଟପ୍ ୧୦ ବ୍ୟକ୍ତିବିଶେଷଙ୍କ ବିଷୟରେ

ଜାଣନ୍ତୁ ୨୦୧୯ ମସିହାରେ ଗୁଗୁଲରେ ସବୁଠାରୁ ଅଧିକ ସର୍ଚ୍ଚ କରାଯାଇଥିବା ବ୍ୟକ୍ତିଙ୍କ ବିଷୟରେ... ଯେଉଁମାନଙ୍କୁ ସବୁଠୁ ଅଧିକ ଖୋଜିଛି ଭାରତ

ପ୍ରଜ୍ଞା ପାରମିତା ପତ୍ରୀ, ଭୁବନେଶ୍ୱର: ଶେଷ ହେବାକୁ ଯାଉଛି ୨୦୧୯ର ଯାତ୍ରା । ପାଖେଇ ଆସିଲାଣି ନୂତନ ବର୍ଷ ୨୦୨୦ । ବର୍ଷ ଶେଷ ହେବା ପୂର୍ବରୁ ଗୁଗୁଲ ପ୍ରକାଶ କରିଛି ୨୦୧୯ରେ ସବୁଠାରୁ ଅଧିକ ଟ୍ରେଣ୍ଡରେ ଥିବା, ଅଧିକ ଲାଇକ ପାଇଥିବା ବା ଟ୍ୱିଟରରେ ଅଧିକ ଟ୍ରେଣ୍ଡ ଓ ରିଟ୍ୱିଟ କରାଯାଇଥିବା ବ୍ୟକ୍ତିଙ୍କ ବିଷୟରେ । ସମସ୍ତଙ୍କ ମଧ୍ୟରୁ ଟପ୍ ୧ରେ ଥିବା ବ୍ୟକ୍ତିବିଶେଷ ହେଉଛନ୍ତି ଅଭିନନ୍ଦନ ବର୍ତ୍ତମାନ । ଯିଏ ପୁଲୱାମା ଆଟାର୍କ ପରେ ଶତ୍ରୁଙ୍କ ଦେଶରେ ବିମାନ ଉଡାଇବାବେଳେ ପଡିଯାଇଥିଲେ । ତେବେ ଆଖି ପକାଇ ନିଅନ୍ତୁ ବାକି ବ୍ୟକ୍ତି ବିଶେଷଙ୍କ ଉପରେ ।

୧. ଅଭିନନ୍ଦନ ବର୍ତ୍ତମାନ

ୱିଙ୍ଗ କମାଣ୍ଡର ଅଭିନନ୍ଦନ ବର୍ତ୍ତମାନ ଯାହାକୁ ବୀରଚକ୍ର ସମ୍ମାନରେ ସମ୍ମାନୀତ କରାଯାଇଛି । ଅଭିନନ୍ଦନ ପାକିସ୍ତାନୀ ଲଢୁଆ ବିମାନକୁ ତଳକୁ ଖସାଇବା ସହିତ ନିଜେ ପାକିସ୍ତାନ କବଜାକୁ ପଳାଇଥିଲେ । ୨୦୧୯ ବର୍ଷର ସବୁଠାରୁ ଅଧିକ ସର୍ଚ୍ଚ ହୋଇଥିବା ବ୍ୟକ୍ତିବିଶେଷଙ୍କ ଲିଷ୍ଟ ମଧ୍ୟରୁ ଶୀର୍ଷରେ ଅଛନ୍ତି ଅଭିନନ୍ଦନ ।

୨. ଲତା ମଙ୍ଗେସ୍କର

ଗାୟିକା ଲତା ମଙ୍ଗେସ୍କର ସୁସ୍ଥ ହୋଇ ଘରକୁ ଫେରିଛନ୍ତି । ଲତା ନିମୋନିଆ ରୋଗରେ ପୀଡ଼ିତ ହୋଇ ମୁମ୍ୱାଇର ବ୍ରିଚ କ୍ୟାଣ୍ଡି ଡାକ୍ତରଖାନାରେ ୨୮ ଦିନ ପାଇଁ ଭର୍ତ୍ତି ହୋଇଥିଲେ । ୯୦ ବର୍ଷିୟା ଲତା ବର୍ତ୍ତମାନ ସୁସ୍ଥ ଅଛନ୍ତି । ତାଙ୍କର ସ୍ୱାସ୍ଥ୍ୟବସ୍ଥା ମଝିରେ ଗୁରୁତ୍ୱର ହେବା କାରଣରୁ ତାଙ୍କୁ ମଧ୍ୟ ୨୦୧୯ ବର୍ଷରେ ଖୁବ ସର୍ଚ୍ଚ କରାଯାଇଛି ।

୩. ଯୁବରାଜ ସିଂହ

ଭାରତର ପୂର୍ବତନ ଅଲ ରାଉଣ୍ଡର ଯୁବରାଜ ସିଂହ ଟପ ଟ୍ରେଣ୍ଡିଙ୍ଗ ଲିଷ୍ଟରେ ତୃତୀୟ ସ୍ଥାନ ପାଇଛନ୍ତି ।

୪. ଆନନ୍ଦ କୁମାର

ଗଣିତଜ୍ଞ ଓ ସୁପର ୩୦ ପାଇଁ ପ୍ରସିଦ୍ଧି ଲାଭ କରିଥିବା ଆନନ୍ଦ କୁମାର ମଧ୍ୟ ଗୁଗୁଲର ମୋଷ୍ଟ ଟ୍ରେଣ୍ଡିଂ ବ୍ୟକ୍ତିବିଶେଷଙ୍କ ମଧ୍ୟରୁ ଚତୁର୍ଥ ସ୍ଥାନରେ ଅଛନ୍ତି । ହ୍ରିତିକ ରୋଶନଙ୍କ ଅଭିନୀତ ଫିଲ୍ମ ସୁପର ୩୦ ଚଳିତ ବର୍ଷ ରିଲିଜ ହୋଇଥିଲା । ଯାହାକି ଆନନ୍ଦ କୁମାରଙ୍କ ସଫଲତାର କାହାଣୀ ମଧ୍ୟ ଥିଲା ।

୫. ଭିକି କୌଶଲ

ଉରି, ଦ ସର୍ଜିକାଲ ଷ୍ଟ୍ରାଇକରେ ଅଭିନୟ କରିଥିବା ଅଭିନେତା ଭିକି କୌଶଲ ୨୦୧୯ ମସିହାର ଟପ ଟ୍ରେଣ୍ଡିଂ ବ୍ୟକ୍ତିତ୍ୱଙ୍କ ମଧ୍ୟରେ ପଞ୍ଚମ ସ୍ଥାନରେ ଅଛନ୍ତି । ତାଙ୍କ ଅଭିନୀତ ଫିଲ୍ମ ଚଳିତ ବର୍ଷ ରିଲିଜ ହୋଇଥିଲା ।

୬. ରିଷଭ ପନ୍ଥ

୨୨ ବର୍ଷିୟ ୱିକେଟ କିପର ଏବଂ ବ୍ୟାଟ୍ସମ୍ୟାନ ରିଷଭ ପନ୍ଥ ମଧ୍ୟ ଗିଗିଲର ହିଟ୍ ଲିଷ୍ଚରେ ନିଜର ସ୍ଥାନ ବନାଇ ପାରିଛନ୍ତି । ରିଷଭ ଚଳିତ ବର୍ଷ ହୋଇଥିବା କ୍ରିକେଟ ୱାଲ୍ଡକପରେ ନିଜର ଜବରଦସ୍ତ ପଫମାନ୍ସ ପାଇଁ ଦର୍ଶକ ବା ନିଜ ଫ୍ୟାନ୍ସଙ୍କ ମନ ଜିଣିପାରିଥିଲେ ।

୭. ରାନୁ ମଣ୍ଡଳ

ଷ୍ଟେସନରୁ ସିଧା ବଲିଉଡ ଦୁନିଆରେ ଏଣ୍ଟ୍ରି କରିଥିବା ରାନୁ ମଣ୍ଡଳ ମଧ୍ୟ ଗୁଗୁଲର ହିଟ୍ ଲିଷ୍ଟରେ ଅଛନ୍ତି ।

୮. ତାରା ସୁତାରିଆ

୨୪ ବର୍ଷିୟ ତାରା ସୁତାରିଆ ଷ୍ଟୁଡେଣ୍ଟ ଅଫ ଦି ଇଅରରେ ଟାଇଗର, ଅନନ୍ୟା ପାଣ୍ଡେଙ୍କ ସହ ଅଭିନୟ କରିଥିଲେ ।  ସେ ଗୁଗୁଲ ଟ୍ରେଣ୍ଡିଂ ହିଟ୍ ଲିଷ୍ଟରେ ଅଷ୍ଟମ ସ୍ଥାନରେ ଅଛନ୍ତି ।

୯. ସିଦ୍ଧାର୍ଥ ସୁକଲା

ଟେଲି ଜଗତର ଅଭିନେତା ସିଦ୍ଧାର୍ଥ ଯିଏକି ବିଗ୍ ବସ ୧୩ରେ ଭାଗ ନେଇଛନ୍ତି ସେ ମଧ୍ୟ ଟପ ଟ୍ରେଣ୍ଡିରେ ସାମିଲ ହୋଇପାରିଛନ୍ତି ।

୧୦. କୋଏନା ମିତ୍ରା

ଅଭିନେତ୍ରୀ କୋଏନା ମଧ୍ୟ ବିଗ ବସ ସିଜନ୍ ୧୩ ଜରିଆରେ ଟପ ଟେନରେ  ସାମିଲ ହୋଇଛନ୍ତି ।