• ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କୋଭିଡ୍ ସମୀକ୍ଷା ବୈଠକ
  • ଅଧିକ ସଂକ୍ରମିତ ୧୦ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କଲେ ମୋଦି
  • ଭୁବନେଶ୍ୱର: ବନ୍ଧୁକ ବିକ୍ରି ପାଇଁ ଡିଲ୍ ବେଳେ ବେପାରୀ ଗିରଫ
  • ରାଜ୍ୟରେ ଆଜି ପୁଣି ରେକର୍ଡ ଭାଙ୍ଗିଲା କରୋନା
  • ଦିନକରେ ୬ ହଜାର ୨୧୫ କରୋନା ସଂକ୍ରମିତ ଚିହ୍ନଟ, ୮ ମୃତ
  • ଦିଲ୍ଲୀର ସାର୍‌ ଗଙ୍ଗାରାମ ହସ୍ପିଟାଲରେ ଅକ୍ସିଜେନ ଅଭାବରୁ ୨୫ ରୋଗୀଙ୍କ ମୃତ୍ୟୁ
  • ମହାରାଷ୍ଟ୍ରର ଏକ କୋଭିଡ୍ ହସ୍ପିଟାଲରେ ଅଗ୍ନିକାଣ୍ଡ
  • ଆଇସିୟୁ ୱାଡରେ ନିଆଁ ଲାଗି ୧୩ ରୋଗୀ ମୃତ
  • ଡ୍ରୋନରେ ଟିକା ଯୋଗାଣ ପରୀକ୍ଷଣକୁ DGCAର ଅନୁମତି
  • ପଶ୍ଚିମବଙ୍ଗରୁ ଆସିଲେ ୧୪ ଦିନ କ୍ୱାରେଣ୍ଟାଇନ୍‌ରେ ରହିବାକୁ ପଡ଼ିବ: ମୁଖ୍ୟ ଶାସନ ସଚିବ

ମହାରାଷ୍ଟ୍ର ସମ୍ଭାଳିବେ ପୁରୁଖାଙ୍କ ପିଢ଼ି

ରାଜା ପୁଅ 'ମହା' ରାଜା !

ମହାରାଷ୍ଟ୍ର ସମ୍ଭାଳିବେ ପୁରୁଖାଙ୍କ ପିଢ଼ି
ରାଜା ପୁଅ 'ମହା' ରାଜା !

ନୂଆଦିଲ୍ଲୀ: ଆଜି ପ୍ରଥମ ଥର ପାଇଁ ଉଦ୍ଧବ ସରକାର ମନ୍ତ୍ରିମଣ୍ଡଳ ସମ୍ପ୍ରସାରଣ କରିଛନ୍ତି । ଶପଥ ନେଇଛନ୍ତି ଏନସିପି-କଂଗ୍ରେସ ଓ ଶିବସେନାର ୩୬ ମନ୍ତ୍ରୀ । ଏମାନଙ୍କ ଭିତରେ ରହିଛନ୍ତି 'ମହା' ନାଟକ ବେଳେ ହିଟ୍ ଲିଷ୍ଟରେ ଥିବା ଏନସିପି ନେତା ଅତିତ ପାୱାର ।  ୩୮ ଦିନ ବ୍ୟବଧାନରେ ଦ୍ୱିତୀୟ ଥର ପାଇଁ ଉପମୁଖ୍ୟମନ୍ତ୍ରୀ ହୋଇଛନ୍ତି ଅଜିତ । ଅନ୍ୟପଟେ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ପୁଅ ଆଦିତ୍ୟ ଠାକରେ ରାଜ୍ୟମନ୍ତ୍ରୀ ଭାବରେ ଶପଥ ନେଇଛନ୍ତି । 

ତେବେ ପୁରା ମନ୍ତ୍ରିମଣ୍ଡଳକୁ ଦେଖିଲେ ମନେହେଉଛି, ଏହା ଅଭିଜ୍ଞ ନେତାଙ୍କ ପୁରୁଖା ଶାସନ । ଯଦିଓ ପୁରୁଖାମାନେ ଏକପ୍ରକାର ରାଜନୀତିରୁ ଓହରି ଗଲେଣି, ତଥାପି ସେମାନଙ୍କ ଉତ୍ତରାଧିକାରୀଙ୍କୁ ନେଇ ଗଠିତ ହୋଇଛି ନୂଆ ମନ୍ତ୍ରିମଣ୍ଡଳ । ମହା ମନ୍ତ୍ରିମଣ୍ଡଳରେ ରାଜନୈତିକ ଖାନଦାନରୁ ଆସିଥିବା ବହୁ ନେତାଙ୍କ ସନ୍ତାନସନ୍ତତି ଏବଂ ସମ୍ପର୍କୀୟ ସ୍ଥାନ ପାଇଛନ୍ତି । ଯେପରିକି ପୂର୍ବତନ ମୁଖ୍ୟମନ୍ତ୍ରୀ ବିଳାସରାଓ ଦେଶମୂଖଙ୍କ ପୁଅ ଅମିତ ଦେଶମୁଖ, ପୂର୍ବତନ ଉପମୁଖ୍ୟମନ୍ତ୍ରୀ ତଥା ବିଜେପି ନେତା ଗୋପିନାଥ ମୁଣ୍ଡେଙ୍କ ଭଣଜା ଧନଞ୍ଜୟ ମୁଣ୍ଡେ, କଂଗ୍ରେସର ବରିଷ୍ଠନେତା ଏକନାଥ ଗାଏକ୍ୱାଆଡଙ୍କ ଝିଅ ବର୍ଷା ଗାଏକ୍ୱାଆଡ ପ୍ରମୁଖ ମନ୍ତ୍ରୀ ଭାବରେ ଶପଥ ନେଇଛନ୍ତି । 

ସେହିପରି ମୁଖ୍ୟମନ୍ତ୍ରୀ ପଦ ସମ୍ଭାଳିଥିବା ଉଦ୍ଧବ ଠାକରେଙ୍କ ପୁଅ ଆଦିତ୍ୟ ଠାକରେଙ୍କୁ ବି ମିଳିଛି ମନ୍ତ୍ରୀ ପଦ । ଆଶା କରାଯାଉଛି ମହାରାଷ୍ଟ୍ରର ଏହି ସର୍ବକନିଷ୍ଠ ମନ୍ତ୍ରୀଙ୍କୁ କୌଣସି ଗୁରୁ ଦାୟିତ୍ୱ ମିଳିପାରେ ।  ଉଦ୍ଧବ ଠାକରେ ହେଉଛନ୍ତି ଭେଟରାନ ରାଜନେତା ତଥା ଶିବସେନାର ପ୍ରତିଷ୍ଠାତା ବାଲାସାହେବ ଠାକରେଙ୍କ ପୁଅ । ଅନ୍ୟପଟେ ଚତୁର୍ଥ ଥର ପାଇଁ ଉପମୁଖ୍ୟମନ୍ତ୍ରୀ ହୋଇଥିବା ଅଜିତ ପାୱାର ପୋଖତ ରାଜନେତା ତଥା ପୂର୍ବତନ ମୁଖ୍ୟମନ୍ତ୍ରୀ ଶରଦ ପାୱାରରଙ୍କ ପୁତୁରା । 

ଆହୁରି ପଢ଼ନ୍ତୁ; ହେମନ୍ତ ସରକାର ଅଢ଼େଇ ଦିନିଆ ନୁହେଁ ତ ?