close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ଶିବସେନା ଭିତରେ ନୂଆ ଆଶା ସଞ୍ଚାର କଲା ଏନସିପି, ହେଲେ ଏହି ସର୍ତ୍ତରେ...

ମହାରାଷ୍ଟ୍ର ରାଜନୀତିରେ ଏବେ ଘଡିକେ ଘୋଡା ଛୁଟୁଛି . ଦିନକୁ ଦିନ ଏହା ଆହୁରି ରୋଚକୀୟ ମୋଡ ନେଉଛି . ନେତୃତ୍ୱକୁ ନେଇ ବିଜେପି-ଶିବସେନା ଭିତରେ ଛକାପଞ୍ଝା ଜାରିରହିଛି . ଅନ୍ୟପଟେ ଏବେ ପୁଣିଥରେ ସରକାର ଗଠନରେ ସମର୍ଥନ ଦେବା ନେଇ ଶିବସେନା ଭିତରେ ଆଶା ସଞ୍ଚାର କରିଛି ଏନସିପି . ହେଲେ ଏଥିପାଇଁ ଏକପ୍ରକାର ସର୍ତ୍ତ ରଖିଲା ପରି ବୟାନ ଦେଇଛନ୍ତି ଏନସିପିର ମୁଖପାତ୍ର ନୱାବ ମଲ୍ଲିକ . ଅନ୍ୟପଟେ ଆଜି ବି ଦଳର ମୁଖପତ୍ର ସାମନାରେ ବିଜେପି ଉପରେ ଜୋରଦାର ବର୍ଷିଛି ଶିବସେନା . 

ଶିବସେନା ଭିତରେ ନୂଆ ଆଶା ସଞ୍ଚାର କଲା ଏନସିପି, ହେଲେ ଏହି ସର୍ତ୍ତରେ...
ଫାଇଲ ଫଟୋ

ନୂଆଦିଲ୍ଲୀ: ମହାରାଷ୍ଟ୍ର ରାଜନୀତିରେ ଏବେ ଘଡିକେ ଘୋଡା ଛୁଟୁଛି . ଦିନକୁ ଦିନ ଏହା ଆହୁରି ରୋଚକୀୟ ମୋଡ ନେଉଛି . ନେତୃତ୍ୱକୁ ନେଇ ବିଜେପି-ଶିବସେନା ଭିତରେ ଛକାପଞ୍ଝା ଜାରିରହିଛି . ଅନ୍ୟପଟେ ଏବେ ପୁଣିଥରେ ସରକାର ଗଠନରେ ସମର୍ଥନ ଦେବା ନେଇ ଶିବସେନା ଭିତରେ ଆଶା ସଞ୍ଚାର କରିଛି ଏନସିପି . ହେଲେ ଏଥିପାଇଁ ଏକପ୍ରକାର ସର୍ତ୍ତ ରଖିଲା ପରି ବୟାନ ଦେଇଛନ୍ତି ଏନସିପିର ମୁଖପାତ୍ର ନୱାବ ମଲ୍ଲିକ . ଅନ୍ୟପଟେ ଆଜି ବି ଦଳର ମୁଖପତ୍ର ସାମନାରେ ବିଜେପି ଉପରେ ଜୋରଦାର ବର୍ଷିଛି ଶିବସେନା . 

ବିରୋଧୀ ଦଳର ଦାୟିତ୍ୱ ତୁଲାଇବା ପାଇଁ ଆମକୁ ଜନାଦେଶ ଆସିଛି . ତେଣୁ ଆମେ ବିରୋଧୀ ଦଳ ଆସନରେ ବସିବୁ . ଶୁକ୍ରବାର ଏମିତି କିଛି ବୟାନ ଦେଇଥିଲେ ଏନସିପି ମୁଖ୍ୟ ଶରତ ପାୱାର . ଫଳରେ ଏନସିପି ଏବଂ କଂଗ୍ରେସ ସମର୍ଥନରେ ଶିବସେନା ଯେଉଁ ସରକାର ଗଢିବା ସ୍ୱପ୍ନ ଦେଖୁଥିଲା, ସେଥିରେ ଗୋଟିଏ ପ୍ରକାର ପୁନଚ୍ଛେଦ ପଡିଥିଲା . ହେଲେ ଏବେ ପୁଣିଥରେ ଶିବସେନା ଭିତରେ ଆଶା ସଞ୍ଚାର କରିଛି ଏନସିପି . ଦଳର ମୁଖପାତ୍ର ନୱାବ ମଲ୍ଲିକଙ୍କ ଟ୍ୱିଟ ହିଁ ଏପରି କିଛି କହୁଛି . 

ନିଜ ଟ୍ୱିଟରେ ସେ ଶିବସେନାର ଆଭିମୁଖ୍ୟ କଣ, ତାହା ସ୍ପଷ୍ଟ କରିବାକୁ କହିଛନ୍ତି . ଆଉ ଏନେଇ 'ଲୋକଙ୍କ ସରକାର' ଉପରେ ସେ ଗୁରୁତ୍ୱାରୋପ କରିଛନ୍ତି . ଯଦି ବିଜେପି ବ୍ୟତୀତ  'ଲୋକମାନଙ୍କ ସରକାର' ଗଢିବାକୁ ପ୍ରସ୍ତୁତ ଅଛ, ଯାହାର କଳ୍ପନା ଛତ୍ରପତି ଶିବାଜୀ ମହାରାଜ କରିଥିଲେ ତେବେ ଏନସିପି ସକରାତ୍ମକ ଭୂମିକା ନିଭାଇବ ବୋଲି କହିଛନ୍ତି ନୱାବ ମଲ୍ଲିକ . ସେ ଆହୁରି ମଧ୍ୟ କହିଛନ୍ତି, ଯଦି ଶିବସେନା ଲୋକଙ୍କ ହିତ ପାଇଁ କିଛି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବ ତେବେ ବିକଳ୍ପ ସରକାରର ଦ୍ୱାର ଖୋଲିପାରେ . ଆଉ ଏଥିପାଇଁ ଶିବସେନା ହିଁ ପ୍ରଥମେ ନିଜଆଡୁ ଆଗେଇ ଆସିବା ଉଚିତ .  

କେବଳ ଏତିକି ନୁହେଁ, ବିଜେପି ନେତା ତଥା ମହାରାଷ୍ଟ୍ର ସରକାରଙ୍କ ଅର୍ଥମନ୍ତ୍ରୀ ସୁଧୀର ମୁନଙ୍ଗତିୱାରଙ୍କ ରାଷ୍ଟ୍ରପତି ଶାସନ ବୟାନର କଡା ପ୍ରତିକ୍ରିୟା ଦେଇଛନ୍ତି ନୱାବ ମଲ୍ଲିକ. ମହାରାଷ୍ଟ୍ରରେ ରାଷ୍ଟ୍ରପତି ଶାସନ ଲାଗୁ କରିବାର ପ୍ରଶ୍ନ ଉଠୁନାହିଁ . ଏନସିପି ମହାରାଷ୍ଟ୍ରକୁ ଗଣତାନ୍ତ୍ରିକ ତରିକାରେ ନୂଆ ଦିଶା ଦେବା ପାଇଁ ପ୍ରୟାସ କରିବ ବୋଲି କହିଛନ୍ତି ଏନସିପି ମୁଖପାତ୍ର . ଯଦି ଆସନ୍ତା ୭ ତାରିଖ ଭିତରେ କେହି ସରକାର ଗଠନ ପାଇଁ ଦାବି ନକରନ୍ତି, ତେବେ ମହାରାଷ୍ଟ୍ରରେ ରାଷ୍ଟ୍ରପତି ଶାସନ ଲାଗୁ ହୋଇପାରେ ବୋଲି କହିଥିଲେ ମହାରାଷ୍ଟ୍ର ସରକାରଙ୍କ ଅର୍ଥମନ୍ତ୍ରୀ ସୁଧୀର ମୁନଙ୍ଗତିୱାର . 

ତେବେ ଏନସିପି ନେତାଙ୍କ ଏହି ଟ୍ୱିଟକୁ ନେଇ ଏବେ ମହାରାଷ୍ଟ୍ର ରାଜନୀତି ଆହୁରି ସରଗରମ ହୋଇଯାଇଛି . ଶରତ ପାୱାରଙ୍କ ରୋକଠୋକ ବୟାନ ପରେ ବିଜେପି ପ୍ରତି ଟିକିଏ ନରମି ଯାଇଥିବା ଶିବସେନା ପୁଣିଥରେ ଉଗ୍ରରୂପ ଧାରଣ କରିଛି . ଦଳର ମୁଖପତ୍ର ସାମନାରେ କୁହାଯାଇଛି, ମୁଣ୍ଡ ତଳକୁ କରିବନି ଶିବସେନା . ଯାହା ହିଁ ମହାରାଷ୍ଟ୍ର ଗଣିତକୁ ଆହୁରି ସମପେନ୍ସ ଭିତରେ ଛନ୍ଦି ଦେଇଛି .