୫୭ ବର୍ଷ ତଳେ ଅଲଗା ହୋଇଯାଇଥିବା ଦୁଇ ଭାଇଙ୍କୁ ଏକ କଲା ରେଡିଓ

ଓଡ଼ିଶାର ଝାରସୁଗୁଡ଼ା ଜିଲ୍ଲାର ଚାରୁ ବସାନ

୫୭ ବର୍ଷ ତଳେ ଅଲଗା ହୋଇଯାଇଥିବା ଦୁଇ ଭାଇଙ୍କୁ ଏକ କଲା ରେଡିଓ

ନୂଆଦିଲ୍ଲୀ: ହାମ୍ ରେଡିଓ ସାହାଯ୍ୟରେ ୫୭ ବର୍ଷ ପରେ ବଡ଼ ଭାଇକୁ ଭେଟିଲା ସାନଭାଇ । ପଶ୍ଚିମବଙ୍ଗର ଚବିଶ ପ୍ରଗଣା ଅନ୍ତର୍ଗତ ସୋଦପୁର ରେଲୱେ ଷ୍ଟେସନରେ ନିଜ ବଡ଼ଭାଇକୁ ନାଟକୀୟ ଢଙ୍ଗରେ ଭେଟିଲା ସାନଭାଇ ।  ଦୀର୍ଘ ୫୭ ବର୍ଷ ପରେ ନିଜ ପରିବାରକୁ ଭେଟିବାକୁ ଯାଉଛନ୍ତି ଓଡ଼ିଶାର ଝାରସୁଗୁଡ଼ା ଜିଲ୍ଲାର ଚାରୁ ବସାନ । 
ସୋଦପୁର ଷ୍ଟେସନରେ ଖଣ୍ଡେ ଚାଦର ଘୋଡ଼ିହୋଇ ଏକ ବେଞ୍ଚରେ ସବୁବେଳେ ବସି ରହୁଥିଲେ ଚାରୁ । ଏହା ଥିଲା ଗତ ୪୦ ବର୍ଷ ଧରି ତାଙ୍କର ନିତିଦିନଆ କାମ । ମାତ୍ର ହାମ୍ ରେଡିଓ ସଦସ୍ୟଙ୍କ ସହାୟତାରେ ତାଙ୍କୁ ନିଜ ହଜି ଯାଇଥିବା ପରିବାର ମିଳିଯାଇଛି । 

ଓଡ଼ିଶାର ଝାରସୁଗୁଡ଼ା ଜିଲ୍ଲା ବ୍ରଜରାଜନଗର ଷ୍ଟେସନରେ ନିଜ ସାନଭାଇ ସହ ଆଉ କିଛି ସମୟ ପରେ ପହଞ୍ଚିବାକୁ ଯାଉଛନ୍ତି ଚାରୁ ବସାନ ।  ସେପଟେ ଦୀର୍ଘ ୫୭ ବରଷ ତଳେ ନିଜ ଭାଇଙ୍କୁ ହରାଇଥିବା ସାନଭାଇ ଅଯୋଧ୍ୟା ବସାନ ତାଙ୍କ ସନ୍ଧାନ ପାଇବା ପରେ ହୋଇ ଉଠିଛନ୍ତି ଆତ୍ମହରା । 

ପ୍ଲାଟଫର୍ମରେ ବସିଥିବା ଚାରୁଙ୍କ ଗତିବିଧିକୁ ଦେଖି ସନ୍ଦେହ କରିଥିଲେ ହାମ୍ ରେଡିଓ କର୍ମକର୍ତ୍ତା ।  ଏହାପରେ ତାଙ୍କ ସହ କଥାହେବାରୁ ସେ ଅଧା ବଙ୍ଗଳା ଓ ଅଧା ଓଡ଼ିଆରେ କହିଥିଲେ ସେ ।  ଜଣେ ଓଡ଼ିଆ ବୋଲି ତାଙ୍କ ଘର ଝାରସୁଗୁଡ଼ାରେ ବୋଲି ଜାଣିବା ପରେ ରେଡିଓ କର୍ମକର୍ତ୍ତା ତାଙ୍କପରିବାର ସହ ଯୋଗାଯୋଗ କରିଥିଲେ ।  ସାନଭାଇ ଅଯୋଧ୍ୟାଙ୍କ ସହ ସମ୍ପର୍କ ହେବାରୁ ସେ ତୁରନ୍ତ ଭାଇଙ୍କୁ ଭେଟିବାକୁ ଚାଲି ଆସିଥିଲେ ପଶ୍ଚିମବଙ୍ଗ । ଏହିପରି ଭାବରେ ଦୀର୍ଘ ୫୭ ବର୍ଷ ପରେ ଭାଇ ସହ ଭାଇର ମିଳନ ହୋଇଥିଲା । 

Tags: