ଭାରତ ଆସୁଛନ୍ତି ଟ୍ରମ୍ପ, ହ୍ୱାଇଟ ହାଉସ ଦେଲା ସୂଚନା

ନୂଆଦିଲ୍ଲୀ: ଭାରତ ଗସ୍ତରେ ଆସିବେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଏନେଇ ହ୍ୱାଇଟ ହାଉସ ପକ୍ଷରୁ ତାରିଖ ସ୍ପଷ୍ଟ କରାଯାଇଛି । ଆସନ୍ତା ୨୪ରୁ ଦୁଇ ଦିନିଆ ଭାରତ ଗସ୍ତରେ ଆସିବେ ଆମେରିକା ରାଷ୍ଟ୍ରପତି । ଗସ୍ତ ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିବେ ଟ୍ରମ୍ପ । ଗସ୍ତ ବେଳେ ନୂଆଦିଲ୍ଲୀ ସମେତ ଗୁଜୁରାଟ ମଧ୍ୟ ଯିବେ ଆମେରିକା ରାଷ୍ଟ୍ରପତି । 

ହ୍ୱାଇଟ ହାଉସ ପକ୍ଷରୁ ଟ୍ୱିଟ କରି କୁହାଯାଇଛି, ଟ୍ରମ୍ପଙ୍କ ଏହି ଗସ୍ତ ଉଭୟ ଦେଶର ସମ୍ପର୍କ ଓ ସହଭାଗିତାକୁ ଆହୁରି ମଜଭୁତ କରିବ । ବିଭିନ୍ନ ଦ୍ୱିପାକ୍ଷିକ ପ୍ରସଙ୍ଗରେ ଉଭୟ ଦେଶର ମୁଖ୍ୟ ଆଲୋଚନା କରିବେ । ସେହିପରି ଗସ୍ତ ବେଳେ ଟ୍ରମ୍ପଙ୍କ ସହ ତାଙ୍କ ପତ୍ନୀ ମଧ୍ୟ ରହିବେ ବୋଲି ଜଣାପଡ଼ିଛି ।