• ଦେଶରେ ଦୈନିକ କୋରୋନା ସଂକ୍ରମଣ ୨ ଲକ୍ଷ ପାର୍
  • ଦେଶରେ ଗତ ଦିନକରେ ୨ ଲକ୍ଷ ୭୩୮ ସଂକ୍ରମିତ ଚିହ୍ନଟ
  • କୋରୋନାରେ ୧ ହଜାର ୩୮ ଜଣଙ୍କ ମୃତ୍ୟୁ
  • ଗତ ଦିନକରେ କୋରୋନାରୁ ୯୩ ହଜାର ୫୨୮ ସୁସ୍ଥ
  • ଦେଶରେ ସଂକ୍ରମତି ସଂଖ୍ୟା ୧ କୋଟି ୪୦ ଲକ୍ଷ ୭୪, ୫୬୪କୁ ବୃଦ୍ଧି
  • କୋରୋନାରୁ ମୋଟ ୧ କୋଟି ୨୪ ଲକ୍ଷ ୨୯, ୫୬୪ ସୁସ୍ଥ
  • ଦେଶରେ ୧୪ ଲକ୍ଷ ୭୧, ୮୭୭ କୋରୋନା ସଂକ୍ରମିତ ସକ୍ରିୟ
  • କୋରୋନାରେ ମୋଟ ମୃତ୍ୟୁ ସଂଖ୍ୟା ୧ ଲକ୍ଷ ୭୩, ୧୨୩କୁ ବୃଦ୍ଧି
  • ଆଜି ଯାଏ ୧୧ କୋଟି ୪୪ ଲକ୍ଷ ୯୩, ୨୩୮ଜଣଙ୍କୁ ଟିକାକରଣ
  • ଦେଶରେ ଗତ ଦିନକରେ ୧୩ ଲକ୍ଷ ୮୪, ୫୪୯ ନମୁନା ପରୀକ୍ଷା

'ଇଟା ଖଣ୍ଡେ ଖଣ୍ଡେ ଦିଅ, ରାଷ୍ଟ୍ରୀୟ ମନ୍ଦିର ଗଢିବା'

ଦଳ ପାଇଁ ଭୋଟ୍, ରାମ ମନ୍ଦିର ପାଇଁ ଇଟା ମାଗୁଛନ୍ତି ଯୋଗୀ

 'ଇଟା ଖଣ୍ଡେ ଖଣ୍ଡେ ଦିଅ, ରାଷ୍ଟ୍ରୀୟ ମନ୍ଦିର ଗଢିବା'
ଫାଇଲ ଫଟୋ

ନୂଆଦିଲ୍ଲୀ: ଝାଡଖଣ୍ଡ ବିଧାନସଭା ନିର୍ବାଚନ ପାଇଁ ପ୍ରଚାର ସରଗରମ ରହିଛି । ୪ଟି ପର୍ଯ୍ୟୟ ମଦଦାନ ସରିଲାଣି । ପଞ୍ଚମ ତଥା ଶେଷ ପର୍ଯ୍ୟୟ ମତଦାନ ଆସନ୍ତା ୨୦ ତାରିଖରେ ହେବ । ଗଡ ବଜାଏ ରଖିବା ପାଇଁ ବିଜେପି ଜୋରସୋରରେ ପ୍ରଚାର କରୁଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ, ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରମୁଖ ପ୍ରଚାରରେ ମାତିଛନ୍ତି । ତେବେ ବିଭିନ୍ନ ରାଲିରେ ପ୍ରଚାର ବେଳେ ଯୋଗୀ କେବଳ ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗୁନାହାଁନ୍ତି,  ରାମ ମନ୍ଦିର ପାଇଁ ଇଟା ମଧ୍ୟ ମାଗୁଛନ୍ତି । 

ଦଳ ପାଇଁ ଭୋଟ, ମନ୍ଦିର ପାଇଁ ଇଟା । ରାମ ମନ୍ଦିର ପାଇଁ ଇଟା ଯୋଗାଡରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ । ପରିବାର ପିଛା ଗୋଟିଏ ଲେଖାଏଁ ଇଟା ଦେବାକୁ ଯୋଗୀଙ୍କ ନିବେଦନ । ନିର୍ବାଚନ ପ୍ରଚାର ବେଳେ ଯୋଗୀ ଏମିତି କିଛି ଢଙ୍ଗରେ ଇଟା ମାଗୁଛନ୍ତି । କହୁଛନ୍ତି, ''ରାମ ମନ୍ଦିର ରାଷ୍ଟ୍ରୀୟ ମନ୍ଦିର ହେବ । ଭଗବାନ ଶୀରାମଙ୍କ ଜନ୍ମଭୂମିରେ ଏହାକୁ ନିର୍ମାଣ କରାଯିବ । ଭାରତର ଆତ୍ମା ହେବ ରାମ ମନ୍ଦିର । ବିଶ୍ୱରେ ଦେଶର ଗଣତନ୍ତ୍ର ଏବଂ ନ୍ୟାୟପାଳିକାକୁ ଏହା ମଜଭୁତ କରିବ ।''

ଏହି ମନ୍ଦିର ନିର୍ମାଣ ପାଇଁ ୫ଶହ ବର୍ଷ ହେଲା ହିନ୍ଦୁମାନେ ସଂଗ୍ରାମ କରିଥିଲେ । ବହୁ ହିନ୍ଦୁ ନିଜ ଜୀବନ ସମର୍ପଣ କରିଥିଲେ ବୋଲି କହିଛନ୍ତି ଯୋଗୀ । ପରିବାର ପିଛା ଗୋଟିଏ ଇଟା ଶହ ୧୧ଟଙ୍କା ଦେବାକୁ ସେ ନିବେଦନ କରୁଛନ୍ତି । ଗତ ନଭେମ୍ବର ୯ରେ ରାମ ମନ୍ଦିର ନିର୍ମାଣ ପାଇଁ ପଥ ପରିଷ୍କାର କରିଥିଲେ ଦେଶର ସର୍ବୋଚ୍ଚ ଅଦାଲତ । 

ଆହୁରି ପଢନ୍ତୁ; 'ଆମେ ବଦଳିବୁନି, ହିନ୍ଦୁତ୍ୱବାଦୀ ହୋଇ ରହିବୁ'