ନୀତିଶ-ତେଜସ୍ୱୀଙ୍କ ସହ ଅଛନ୍ତି ଏସବୁ ଦଳ, ଏହିପରି ମିଳିଲା ୧୬୫ ବିଧାୟକଙ୍କ ସମର୍ଥନ

Bihar Politics: ପ୍ରକାଶ ଥାଉକି, ୨୦୧୭ରେ ନୀତିଶ କୁମାର ରାଷ୍ଟ୍ରୀୟ ଜନତା ଦଳର ନେତାଙ୍କ ବିରୋଧରେ ଦୁର୍ନୀତି ଅଭିଯୋଗ ଆଣି ମହାମେଣ୍ଟରୁ ଓହରି ଯାଇଥିଲେ । ଏହା ପରେ ସେ ଭାରତୀୟ ଜନତା ପାର୍ଟି (BJP) ସହିତ ସରକାର ଗଠନ କରିଥିଲେ ।

ପାଟନା: Bihar Politics: ବିହାରରେ ନୀତିଶ କୁମାର (Nitish Kumar) ଏନଡିଏ (NDA) ସହ ସମ୍ପର୍କ ଭାଙ୍ଗିବା ପରେ ଗତକାଲି ସନ୍ଧ୍ୟାରେ ରାଜ୍ୟପାଳଙ୍କୁ ଭେଟି ୧୬୫ ଜଣ ବିଧାୟକଙ୍କ ସମର୍ଥନ ଦାବି ଉପସ୍ଥାପନ କରିଛନ୍ତି । ଏହା ପରେ ତାଙ୍କୁ ସରକାର ଗଠନ ପାଇଁ ନିମନ୍ତ୍ରଣ କରାଯାଇଛି । ଜେଡିୟୁ (JDU) ଓ ଆରଜେଡି (RJD) ନେତୃତ୍ୱରେ ମହାମେଣ୍ଟର ନୂତନ ସରକାର (Grand Alliance Govt) ଆଜି ଅପରାହ୍ନ ୨ଟାରେ ରାଜ ଭବନରେ ଶପଥ ଗ୍ରହଣ କରିବେ ।

ରାଷ୍ଟ୍ରୀୟ ଜନତା ଦଳ ନିଜର ଟ୍ୱିଟର ହ୍ୟାଣ୍ଡେଲରୁ କରାଯାଇଥିବା ଏକ ଟ୍ୱିଟରେ ଶପଥ ଗ୍ରହଣ ବିଷୟରେ ସୂଚନା ଦିଆଯାଇଛି । ତେବେ ନୂଆ ସରକାରରେ କିଏ ମୁଖ୍ୟମନ୍ତ୍ରୀ (Bihar CM) ହେବେ ଓ କିଏ ଉପମୁଖ୍ୟମନ୍ତ୍ରୀ (Bihar Deputy CM) ହେବେ ତାହା ଦଳ କହିନାହିଁ । ତେବେ ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ, ମୁଖ୍ୟମନ୍ତ୍ରୀ ନୀତିଶ କୁମାର (Nitish Kumar) ରହିବେ ଓ ତେଜସ୍ୱୀ ଯାଦବ (Tejashwi Yadav) ଙ୍କୁ ଉପମୁଖ୍ୟମନ୍ତ୍ରୀ ପଦ ମିଳିବ । ୨୦୧୫ ବିଧାନସଭା ନିର୍ବାଚନରେ ​ମହାମେଣ୍ଟ ସରକାର ଗଠନ କରିଥିଲା । ଯେଉଁଥିରେ ନୀତିଶ କୁମାର ମୁଖ୍ୟମନ୍ତ୍ରୀ ହୋଇଥିଲେ ଓ ତେଜସ୍ୱୀ ଯାଦବ ଉପମୁଖ୍ୟମନ୍ତ୍ରୀ ହୋଇଥିଲେ ।

ପ୍ରକାଶ ଥାଉକି, ୨୦୧୭ରେ ନୀତିଶ କୁମାର ରାଷ୍ଟ୍ରୀୟ ଜନତା ଦଳର ନେତାଙ୍କ ବିରୋଧରେ ଦୁର୍ନୀତି ଅଭିଯୋଗ ଆଣି ମହାମେଣ୍ଟରୁ ଓହରି ଯାଇଥିଲେ । ଏହା ପରେ ସେ ଭାରତୀୟ ଜନତା ପାର୍ଟି (BJP) ସହିତ ସରକାର ଗଠନ କରିଥିଲେ । ୨୦୨୦ ନିର୍ବାଚନରେ ​କୌଣସି ଦଳ ସଂଖ୍ୟାଗରିଷ୍ଠତା ହାସଲ କରିନାହାଁନ୍ତି । ତେଜସ୍ୱୀ ଯାଦବଙ୍କ ନେତୃତ୍ୱରେ ରାଷ୍ଟ୍ରୀୟ ଜନତା ଦଳ ସର୍ବବୃହତ ଦଳ ଭାବେ ନିର୍ବାଚିତ ହୋଇଥିଲେ ମଧ୍ୟ ସରକାର ଗଠନ ପାଇଁ ତା' ପାଖରେ ସଂଖ୍ୟାବଳ ନଥିଲା । ତା’ପରେ ଜେଡିୟୁ ବିଜେପି ସହାୟତାରେ ସରକାର ଗଠନ କଲା । ଜେଡିୟୁ ଅପେକ୍ଷା ବିଜେପି ଅଧିକ ଆସନ ପାଇଛି । କିନ୍ତୁ ଏନଡିଏ ଜେଡିୟୁ ନେତା ନୀତିଶ କୁମାରଙ୍କ ନେତୃତ୍ୱରେ ସରକାର ଗଠନ କରିବାକୁ ନିଷ୍ପତ୍ତି ନେଇଥିଲା ।

ବିହାରରେ ମୋଟ ୨୪୩ ବିଧାନସଭା ଆସନ ଅଛି । ସରକାର ଗଠନ ପାଇଁ ୧୨୨ ଜଣ ବିଧାୟକ ଆବଶ୍ୟକ । ଏଭଳି ପରିସ୍ଥିତିରେ ନୀତିଶ କୁମାର ବର୍ତ୍ତମାନ ସାତୋଟି ଦଳର ବିଧାୟକ ଓ ଜଣେ ସ୍ୱାଧୀନ ବିଧାୟକଙ୍କ ସମର୍ଥନ ଯୋଡି ସଂଖ୍ୟାଗରିଷ୍ଠତା ଅପେକ୍ଷା ୪୩ଟି ଆସନ ଅଧିକ ପାଇଛନ୍ତି । ସରକାର ଗଠନ ପାଇଁ ନୀତୀଶଙ୍କୁ RJD, HAM, କଂଗ୍ରେସ, ବାମ ଏବଂ AIMIM ଦଳ ସମର୍ଥନ କରୁଛନ୍ତି ।

କାହାର କେତେ ବିଧାୟକ

ଜେଡିୟୁ- ୪୫
ଆରଜେଡି-୭୯
କଂଗ୍ରେସ- ୧୯
CPI (ML)-୧୨
ହାମ୍-୪
CPI (M)-୨
CPI-୨
AIMIM-୧
ସ୍ୱାଧୀନ- ୧
ମୋଟ- ୧୬୫

ଏହା ବି ପଢ଼ନ୍ତୁ:-ଆଜି ଠାରୁ ଅଗଷ୍ଟ ୧୩ ପର୍ଯ୍ୟନ୍ତ ପ୍ରବଳ ବର୍ଷିବ! ଏସବୁ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା

ଏହା ବି ପଢ଼ନ୍ତୁ:-ଇତିହାସରେ ପ୍ରଥମ ଥର ପାଇଁ ଆମେରିକା ନେଲା ଭାରତ ପାଇଁ ବଡ଼ ପଦକ୍ଷେପ, ଚୀନର ବଢ଼ିଲା ଟେନସନ୍

ଏହା ବି ପଢ଼ନ୍ତୁ:-ପୁଣି ଡରାଇଲାଣି କୋରୋନା: ରାଜଧାନୀରେ ଦିନକରେ କୋଭିଡ୍ ମାମଲାରେ ବଡ଼ ଧରଣର ବୃଦ୍ଧି, ପଜିଟିଭ ରେଟ୍ ୧୫ ପ୍ରତିଶତରୁ ଅଧିକ

ନିକଟ ଅତୀତରେ ଦଣ୍ଡ ଘୋଷଣା ପରେ ଆରଜେଡିର ମୋକାମାରୁ ବିଧାୟକ ଅନନ୍ତ ସିଂଙ୍କ ବିଧାନସଭା ସଦସ୍ୟତା ଚାଲିଯାଇଥିଲା । ଏଥି ସହିତ ବିହାର ବିଧାନସଭାରେ ବିଜେପିର ୭୭ ଜଣ ବିଧାୟକ ଅଛନ୍ତି । ବିଜେପି ଆରଜେଡି ପରେ ଗୃହରେ ଦ୍ୱିତୀୟ ବୃହତ୍ତମ ଦଳ ।

ସୂଚନାଯୋଗ୍ୟ, ଏହାପୂର୍ବରୁ ନୀତିଶ କୁମାର ମଙ୍ଗଳବାର ଅପରାହ୍ନ ୪ଟାରେ ରାଜ୍ୟପାଳ ଫାଗୁ ଚୌହାନଙ୍କୁ ଭେଟିବା ପରେ ଜେଡିୟୁ ଓ ବିଜେପି ମେଣ୍ଟର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ଇସ୍ତଫା ଦେବା ପରେ ନୀତିଶ କୁମାର ପୁଣିଥରେ ରାଜ୍ୟପାଳଙ୍କୁ ଭେଟିଥିଲେ । ସାତୋଟି ଦଳର ୧୬୪ ଜଣ ବିଧାୟକ ଓ ଜଣେ ସ୍ୱାଧୀନତା ବିଧାୟକଙ୍କ ସମର୍ଥନ ବିଷୟରେ ସେ ଏକ ନୂତନ ସରକାର ଗଠନ ପାଇଁ ଦାବି ଉପସ୍ଥାପନ କରିଛନ୍ତି । ନୂତନ ସରକାର ଗଠନ ଦାବିରେ ନୀତିଶ କୁମାର, ଆରଜେଡି ନେତା ତେଜସ୍ୱୀ ଯାଦବ ଏବଂ ଜେଡିୟୁ ସଭାପତି ଲଲନ ସିଂ ଗୋଟିଏ କାରରେ ରାଜ ଭବନରେ ପହଞ୍ଚିଥିଲେ ।