One Nation One Election: ଦେଶରେ "ଗୋଟିଏ ଦେଶ, ଗୋଟିଏ ନିର୍ବାଚନ" ଲାଗି ଗଠିତ ହୋଇଛି ଏକ ସମିତି। ଯେଉଁଥିରେ ମୋଟ ୮ ଜଣ ସଦସ୍ୟ ଅଛନ୍ତି।
Trending Photos
5
12
5
3 "Indian Politics: 'ଗୋଟିଏ ଦେଶ-ଗୋଟିଏ ନିର୍ବାଚନ' ପାଇଁ କମିଟି ଘୋଷିତ, ଜାଣନ୍ତୁ କିଏ କିଏ ଅଛନ୍ତି ସଦସ୍ୟ?")
One Nation One Election Committee: କେନ୍ଦ୍ରରେ କ୍ଷମତାସୀନ ବିଜେପି ନେତୃତ୍ୱାଧିନ ଏନଡିଏ ସରକାର "ଗୋଟିଏ ଦେଶ, ଗୋଟିଏ ନିର୍ବାଚନ" ଦିଗରେ ଆଉ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛନ୍ତି। ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଅଧ୍ୟକ୍ଷତାରେ ଆଇନ ମନ୍ତ୍ରଣାଳୟ ଏହି ପ୍ରସଙ୍ଗରେ ଏକ ସମିତି ଗଠନ କରିଛି। ସମିତି ସହ ଜଡ଼ିତ ସଦସ୍ୟଙ୍କ ନାମ ମଧ୍ୟ ଘୋଷଣା କରାଯାଇଛି। କେନ୍ଦ୍ର ସରକାରଙ୍କ ଦ୍ୱାରା ଗଠିତ ସମିତିରେ ମୋଟ ୮ ଜଣ ସଦସ୍ୟ ଅଛନ୍ତି।
ପୂର୍ବତନ ରାଷ୍ଟ୍ରପତିଙ୍କ ବ୍ୟତୀତ କେନ୍ଦ୍ର ଗୃହମନ୍ତ୍ରୀ ଅମିତ ଶାହ, କଂଗ୍ରେସ ସଂସଦୀୟ ଦଳ ନେତା ଅଧିର ରଞ୍ଜନ ଚୌଧୁରୀ, ରାଜ୍ୟସଭାର ପୂର୍ବତନ ବିରୋଧୀ ଦଳ ନେତା ଗୁଲାମ ନବୀ ଆଜାଦ, ପଞ୍ଚଦେଶ ଅର୍ଥ କମିଶନ ପୂର୍ବତନ ଅଧ୍ୟକ୍ଷ ଏନ.କେ ସିଂହ, ପୂର୍ବତନ ଲୋକସଭା ମହାସଚିବ ସୁଭାଷ କଶ୍ୟପ, ବରିଷ୍ଠ ଆଇନଜୀବୀ ହରିଶ ସାଲଭେ ଏବଂ ପୂର୍ବତନ ମୁଖ୍ୟ ଭିଜିଲାନ୍ସ କମିଶନର ସଞ୍ଜୟ କୋଠାରୀ ପ୍ରମୁଖ ସଦସ୍ୟ ଅଛନ୍ତି।
"ଗୋଟିଏ ଦେଶ, ଗୋଟିଏ ନିର୍ବାଚନ" ଉପରେ ପ୍ରତିକ୍ରିୟା କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି ଯେ ବର୍ତ୍ତମାନ ଏକ କମିଟି ଗଠନ କରାଯାଇଛି। କମିଟି ପକ୍ଷରୁ ଏକ ରିପୋର୍ଟ ଆସିବ। ଯାହା ଉପରେ ଆଲୋଚନା ହେବ। ସଂସଦ ପରିପକ୍ୱ ଏବଂ ସେଠାରେ ଆଲୋଚନା ହେବ। ଭୟଭୀତ ହେବାର କୌଣସି ଆବଶ୍ୟକତା ନାହିଁ। ଭାରତ ବର୍ଷକୁ ଗଣତନ୍ତ୍ରର ଜନନୀ କୁହାଯାଏ। ଦେଶର ବିକାଶ ହୋଇଛି। ମୁଁ ସଂସଦର ସ୍ୱତନ୍ତ୍ର ଅଧିବେଶନର ଏଜେଣ୍ଡା ବିଷୟରେ ଆଲୋଚନା କରିବି।
"ଗୋଟିଏ ଦେଶ, ଗୋଟିଏ ନିର୍ବାଚନ" ସପକ୍ଷରେ ପ୍ରଧାନମନ୍ତ୍ରୀ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ "ଗୋଟିଏ ଦେଶ, ଗୋଟିଏ ନିର୍ବାଚନ" ପ୍ରକ୍ରିୟାକୁ ସମର୍ଥନ କରିଛନ୍ତି। ଏହି ବିଲ୍ ସମର୍ଥନ ପଛରେ ଦିଆଯାଉଥିବା ସବୁଠାରୁ ବଡ ଯୁକ୍ତି ହେଉଛି ଯେ ନିର୍ବାଚନରେ ଖର୍ଚ୍ଚ ହୋଇଥିବା କୋଟି କୋଟି ଟଙ୍କା ସଞ୍ଚୟ କରାଯାଇ ପାରିବ। ଅନାବଶ୍ୟକ ଅର୍ଥ ଅପଚୟକୁ ଏଡ଼ାଇବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅନେକ ଥର "ଗୋଟିଏ ଦେଶ, ଗୋଟିଏ ନିର୍ବାଚନ" ସମର୍ଥନରେ ଆସିଛନ୍ତି। ଏହାର ସପକ୍ଷରେ କୁହାଯାଇଛି ଯେ "ଗୋଟିଏ ଦେଶ, ଗୋଟିଏ ନିର୍ବାଚନ" ବିଲ୍ କାର୍ଯ୍ୟକାରୀ ହେବା ସହିତ ଦେଶରେ ପ୍ରତିବର୍ଷ ଆୟୋଜିତ ହୋଇଥିବା ନିର୍ବାଚନରେ ହେଉଥିବା ବିପୁଳ ପରିମାଣର ଅର୍ଥ ବ୍ୟୟକୁ ରୋକାଯାଇ ପାରିବ।
ଆପଣଙ୍କୁ କହିରଖୁଛୁ ଯେ ସ୍ୱାଧିନତ୍ତୋର ଭାରତ ବର୍ଷର ପ୍ରଥମ ଲୋକସଭା ନିର୍ବାଚନ ୧୯୫୧-୫୨ ମସିହାରେ ହୋଇଥିଲା। ଦେଶର ପ୍ରଥମ ଲୋକସଭା ନିର୍ବାଚନରେ ୧୧ କୋଟି ଟଙ୍କା ଖର୍ଚ୍ଚ ହୋଇଥିଲା। ମାତ୍ର ୨୦୧୯ ବର୍ଷରେ ଅନୁଷ୍ଠିତ ହୋଇଥିବା ସପ୍ତଦଶ ଲୋକସଭା ନିର୍ବାଚନରେ ୬୦ ହଜାର କୋଟି ଟଙ୍କା ଖର୍ଚ୍ଚ ହୋଇଛି। ମାତ୍ର "ଗୋଟିଏ ଦେଶ, ଗୋଟିଏ ନିର୍ବାଚନ" କାର୍ଯ୍ୟକାରୀ ହେବା ପରେ ଦେଶର ସମ୍ବଳ ସଞ୍ଚୟ ହୋଇପାରିବ ଏବଂ ବିକାଶର ଗତି ମନ୍ଥର ହେବ ନାହିଁ ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି।
"ଗୋଟିଏ ଦେଶ, ଗୋଟିଏ ନିର୍ବାଚନ" ପ୍ରକ୍ରିୟାକୁ ସମର୍ଥନ କରିବା ପଛରେ ରହିଥିବା ଅନ୍ୟ ଏକ ମୁଖ୍ୟ କାରଣ ହେଉଛି ଭାରତ ଭଳି ଏକ ବିଶାଳ ଦେଶରେ ପ୍ରତିବର୍ଷ କୌଣସି ନାଁ କୌଣସି ନିର୍ବାଚନ ଅନୁଷ୍ଠିତ ହୋଇଥାଏ। ଏହି ନିର୍ବାଚନର ଆୟୋଜନ ପାଇଁ ସମଗ୍ର ରାଜ୍ୟର ପ୍ରଶାସନିକ କଳ ଏବଂ ସମ୍ବଳ ବ୍ୟବହାର କରାଯାଏ। ହେଲେ "ଗୋଟିଏ ଦେଶ, ଗୋଟିଏ ନିର୍ବାଚନ" ବିଲ୍ କାର୍ଯ୍ୟକାରୀ ହେବା ସହିତ ଆମେ ନିର୍ବାଚନ ପାଇଁ ହେଉଥିବା ବାରମ୍ବାର ପ୍ରସ୍ତୁତିରୁ ମୁକ୍ତି ପାଇହେବ। ସମଗ୍ର ଦେଶରେ ନିର୍ବାଚନ ପାଇଁ କେବଳ ଗୋଟିଏ ଭୋଟର ତାଲିକା ରହିବ। ଯେଉଁଥିପାଇଁ ସରକାରଙ୍କ ବିକାଶ କାର୍ଯ୍ୟରେ କୌଣସି ପ୍ରତିବନ୍ଧକ ରହିବ ନାହିଁ।
"ଗୋଟିଏ ଦେଶ, ଗୋଟିଏ ନିର୍ବାଚନ" କମିଟି ସଦସ୍ୟ
