ବଡ଼ ଖବର! ମଧ୍ୟପ୍ରଦେଶ ଉପନିର୍ବାଚନ ପୂର୍ବରୁ ସିନ୍ଧିଆ କ୍ୟାମ୍ପର ଦୁଇ ମନ୍ତ୍ରୀ ଦେଲେ ଇସ୍ତଫା

ଭୋପାଳ: MP Bypolls 2020: ମଧ୍ୟପ୍ରଦେଶ ବିଧାନସଭାର ୨୮ଟି ଆସନ ପାଇଁ ଉପନିର୍ବାଚନ (MP Bypolls)ହେବାର ଅଛି । ଏଥିପାଇଁ ଦୁଇ ମୁଖ୍ୟ ରାଜନୈତିକ ଦଳ କଂଗ୍ରେସ-ବିଜେପି ସମେତ କିଛି କ୍ଷେତ୍ରୀୟ ଦଳ ଓ ସ୍ୱାଧୀନ ପ୍ରାର୍ଥୀ ନିର୍ବାଚନୀ ମୈଦାନରେ ଜୋରସୋରରେ ଓହ୍ଲାଇଛନ୍ତି । ଏହି ସମୟରେ ଏକ ବଡ଼ ଖବର ସାମ୍ନାକୁ ଆସିଛି । ବିଧାୟକ ନହୋଇ ମଧ୍ୟ ମଧ୍ୟପ୍ରଦେଶର ମନ୍ତ୍ରୀ ଥିବା ତୁଲସୀ ସିଲାୱଟ (Tulsiram Silawat) ଏବଂ ଗୋବିନ୍ଦ ରାଜପୁତ (Govind Rajput) ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କୁ ନିଜର ଇସ୍ତଫା ପଠାଇଛନ୍ତି । ଏଭଳି ପରିସ୍ଥିତିରେ ମୁଖ୍ୟମନ୍ତ୍ରୀ ଉଭୟ ମନ୍ତ୍ରୀଙ୍କ ଇସ୍ତଫା ଗ୍ରହଣ କରି  ରାଜ ଭବନକୁ ପଠାଇଛନ୍ତି । ଉଭୟ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ (Jyotiraditya Scindia) ଙ୍କ ସହ କଂଗ୍ରେସ (Congress0 ଛାଡି ବିଜେପି (BJP) ରେ ଯୋଗ ଦେଇଥିଲେ । ଏଥି ସହିତ ଉପନିର୍ବାଚନରେ ମଧ୍ୟ ପ୍ରତିଦ୍ୱନ୍ଦ୍ୱିତା କରୁଛନ୍ତି ।

ଅଧିକ ପଢ଼ନ୍ତୁ:-ମୋଦି ସରକାରଙ୍କ ବଡ଼ ନିଷ୍ପତ୍ତି, ୩୦ ଲକ୍ଷ କେନ୍ଦ୍ର କର୍ମଚାରୀଙ୍କୁ ମିଳିବ ବୋନସ୍

ବାସ୍ତବରେ, ଏକ ସାମ୍ବିଧାନିକ ବ୍ୟବସ୍ଥା ରହିଛି ଯେ କୌଣସି ମନ୍ତ୍ରୀ ଗୃହର ସଦସ୍ୟ ନ ହୋଇ ୬ ମାସରୁ ଅଧିକ ସମୟ ମନ୍ତ୍ରୀପଦରେ ରହିପାରିବେ ନାହିଁ । ଏଭଳି ପରିସ୍ଥିତିରେ, ଏହି ପ୍ରକ୍ରିୟା ଯୋଗୁଁ ଉଭୟ ନେତାଙ୍କୁ ଇସ୍ତଫା ଦେବାକୁ ପଡ଼ିଛି । ଉପନିର୍ବାଚନ ବିଷୟରେ କହିବାକୁ ଗଲେ ସାମ୍ୱେର ବିଧାନସଭା ଆସନରୁ ବିଜେପିର ତୁଲସୀରାମ ସିଲାୱଟ ଏବଂ କଂଗ୍ରେସର ପ୍ରେମଚାନ୍ଦ ଗୁଣ୍ଡୁଙ୍କ ମଧ୍ୟରେ ଲଢ଼େଇ ହେବ ।

ଅଧିକ ପଢ଼ନ୍ତୁ:-ବିହାରରେ ତେଜସ୍ୱୀ ଯାଦବଙ୍କ ନିର୍ବାଚନୀ ସଭାରେ ଅସମ୍ଭାଳ ଭିଡ଼, ଦେଖନ୍ତୁ ଫଟୋ

ନିକଟ ଅତୀତରେ ଜଳସମ୍ପଦ ମନ୍ତ୍ରୀ ତୁଲସୀରାମ ସିଲାୱଟ ନାମାଙ୍କନପତ୍ର ଦାଖଲ କରିଥିବାବେଳେ ପରଦିନ ପ୍ରେମଚାନ୍ଦ ଗୁଦୁ ନାମାଙ୍କନପତ୍ର ଦାଖଲ କରିଛନ୍ତି । ଉଭୟ ନାମାଙ୍କନ ସହିତ ସେମାନଙ୍କର ଆୟ ଆଫିଡେଭିଟ୍ ମଧ୍ୟ ଦାଖଲ କରିଛନ୍ତି । ମଧ୍ୟପ୍ରଦେଶ ସରକାରଙ୍କ ଜଳ ସମ୍ପଦ ମନ୍ତ୍ରୀ ତୁଲସୀରାମ ସିଲାଭଟ, ଯିଏକି ସାମ୍ୱେରରୁ ଚାରିଥର କଂଗ୍ରେସ ବିଧାୟକ ରହିସାରିଛନ୍ତି । ସେ ଏଥର ବିଜେପି ପ୍ରାର୍ଥୀ ଭାବେ ନାମାଙ୍କନପତ୍ର ଦାଖଲ କରିଛନ୍ତି ।