Pm Modi Odisha Visit: ଆଜି ଓଡି଼ଶା ଆସୁଛନ୍ତି ମୋଦି, ଜାଣନ୍ତୁ କ'ଣ ରହିଛି କାର୍ଯ୍ୟକ୍ରମ?

Pm Modi Odisha Visit: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଦିନିକିଆ ଓଡି଼ଶା ଗସ୍ତରେ ଆସୁଛନ୍ତି। ସେ ତିନୋଟି ସଭାରେ ଯୋଗ ଦେବାର କାର୍ଯ୍ୟକ୍ରମ ରହିଛି । ଏନେଇ ସୁରକ୍ଷା ବ୍ୟବସ୍ଥା କଡ଼ାକଡି଼ କରାଯାଇଛି। ପଢନ୍ତୁ ପୂରା ରିପୋର୍ଟ...

Pm Modi Odisha Visit: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଦିନିକିଆ ଓଡି଼ଶା ଗସ୍ତରେ ଆସୁଛନ୍ତି। ସେ ତିନୋଟି ସଭାରେ ଯୋଗ ଦେବାର କାର୍ଯ୍ୟକ୍ରମ ରହିଛି । ମୋଦି ଆଜି ମଧ୍ୟାହ୍ନ ୧୨ଟା ୩୦ରେ ବାରିପଦାର  ଛଉ ପଡ଼ିଆ, ଅପରାହ୍ନ ୨ଟାରେ ବାଲେଶ୍ବର ରେମୁଣା ସ୍ଥିତ ନରହରି ପଡ଼ିଆ  ଏବଂ ଅପରାହ୍ନ ୪ଟାରେ କେନ୍ଦ୍ରାପଡା ବରୁଆ ପଡ଼ିଆ ଠାରେ  ଅନୁଷ୍ଠିତ ବିଜୟ ସଂକଳ୍ପ ସମାବେଶର ଯୋଗ ଦେବାର କାର୍ଯ୍ୟକ୍ରମ ରହିଛି।  ଏନେଇ ସୁରକ୍ଷା ବ୍ୟବସ୍ଥା କଡ଼ାକଡି଼ କରାଯାଇଛି। 

ସେହିପରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ସକାଳ ୯ଟା ୩୦ରେ ଜଗତସିଂହପୁର ଲୋକସଭା ନିର୍ବାଚନ ମଣ୍ତଳୀର ନିମାପଡ଼ା ,ସକାଳ ୧୦ଟା ୩୦ରେ କାକଟପୁର, ମଧ୍ୟାହ୍ନ ୧୧ଟା ୩୦ରେ ପାରାଦୀପ, ମଧ୍ୟାହ୍ନ ୧୨ଟା ୩୦ରେ ଜଗତସିଂହପୁର, ଅପରାହ୍ନ ୧ଟା ୩୦ରେ ତିର୍ତ୍ତୋଲ୍, ଅପରାହ୍ନ ୨ଟା ୪୫ରେ ଭଦ୍ରକର ଚାନ୍ଦବାଲି ଓ ଅପରାହ୍ନ ୪ଟା ୩୦ରେ ଧାମନଗର ଠାରେ ବିଜୟ ସଂକଳ୍ପ ସମାବେଶରେ ଯୋଗ ଦେବାର କାର୍ଯ୍ୟକ୍ରମ ରହିଛି। ତାରକା ପ୍ରଚାରକ ତଥା ଅଭିନେତା ଶ୍ରୀତମ ଦାଶ ଆଜି ସକାଳ ୧୦ଟା ୩୦ରେ ଭଣ୍ତାରୀ ପୋଖରୀ ,ଅପରାହ୍ନ ୨ଟାରେ ଖଇରା, ସିମୁଳିଆ, ସନ୍ଧ୍ୟା ୫ଟାରେ ଭଦ୍ରକ ସହରରେ ଅନୁଷ୍ଠିତ ରୋଡ ଶୋ କାର୍ଯ୍ୟକ୍ରମରେ ଯୋଗ ଦେବାର କାର୍ଯ୍ୟକ୍ରମ ରହିଛି। ସେହିପରି ସାଂସଦ ଅପରାଜିତା ସଂଡଙ୍ଗୀ ଆସନ୍ତାକାଲି ସକାଳ ୧୦ଟା ୩୦ ମିନିଟ୍ ସମୟରେ ଚାନ୍ଦବାଲି ନିର୍ବାଚନ ମଣ୍ତଳୀର ଧାମରା ଠାରେ ରୋଡ଼ ଶୋ କରିବା ସହ ଜନସଭାରେ ଯୋଗ ଦେବେ।  ଏବଂ ୨ଟା ୩୦ରେ ଭଣ୍ତାରୀପୋଖରୀ ଠାରେ ଅନୁଷ୍ଠିତ ଜନସଭାକୁ ସମ୍ବୋଧିତ କରିବେ।