Uttar Pradesh: ରାଜ୍ୟ ପ୍ରଶାସନ ପାଖରୁ ବିଶୃଙ୍ଖଳିତ ଅଧିକାରଙ୍କ ତାଲିକା ମାଗିଲେ ମୁଖ୍ୟମନ୍ତ୍ରୀ ଯୋଗୀ

CM Yogi on UP Bureaucracy: ପ୍ରଥମ ଥର ପାଇଁ ଦଳୀୟ କର୍ମୀଙ୍କ ଉଦ୍ଦେଶ୍ୟରେ ଅମଲାତନ୍ତ୍ର ବିରୋଧରେ ଏପରି କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି ମୁଖ୍ୟମନ୍ତ୍ରୀ ଯୋଗୀ।

UP CM Yogi Adityanath: ଉତ୍ତର ପ୍ରଦେଶ ରାଜ୍ୟ ପ୍ରଶାସନରେ ହୋଇପାରେ ବଡ଼ ଧରଣର ଅଦଳବଦଳ। କାରଣ ରାଜ୍ୟରେ କ୍ଷମତାସୀନ ବିଜେପି ସରକାରର ନେତୃତ୍ୱ ନେଉଥିବା ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଅଧିକାରୀଙ୍କ ତାଲିକା ମାଗିଛନ୍ତି ଯେଉଁମାନେ କଥିତ ରୂପରେ ଶାସକ ଦଳର ନେତାଙ୍କ ଅଭିଯୋଗ ଶୁଣିବା ଏବଂ କିମ୍ବା ସେମାନଙ୍କର ସମସ୍ୟାର ସମାଧାନ କରିବାକୁ ମନା କରା ଦେଇଛନ୍ତି। ପ୍ରଥମ ଥର ପାଇଁ ଦଳୀୟ କର୍ମୀଙ୍କ ଉଦ୍ଦେଶ୍ୟରେ ଅମଲାତନ୍ତ୍ର ବିରୋଧରେ ଏପରି କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି ମୁଖ୍ୟମନ୍ତ୍ରୀ ଯୋଗୀ।

ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହି ନିର୍ଦ୍ଦେଶ ସେତେବେଳେ ଦେଇଛନ୍ତି ଯେତେବେଳେ ବୁଧବାର ସନ୍ଧ୍ୟାରେ ସାହାରନପୁର ପୋଲିସ ଲାଇନ ରେ ବିଧାୟକ ତଥା ଅନ୍ୟାନ୍ୟ ସ୍ଥାନୀୟ ନେତାଙ୍କ ସହ ବୈଠକ ପରେ ଅଭିଯୋଗ ହୋଇଥିଲା ଯେ ଜିଲ୍ଲାର କିଛି ଅଧିକାରୀ ସେମାନଙ୍କ କଥା ଶୁଣୁ ନାହାଁନ୍ତି। ଯେଉଁ କାରଣରୁ ସାର୍ବଜନୀନ କାର୍ଯ୍ୟ ବାଧାପ୍ରାପ୍ତ ହେଉଛି।

ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି ଯେ ଏଭଳି ଅଧିକାରୀଙ୍କ ତାଲିକା ତାଙ୍କୁ ପାଖରେ ଉପଲବ୍ଧ ରହିବା ଆବଶ୍ୟକ। ଯଦି କୌଣସି ଦଳ କିମ୍ବା ବ୍ୟକ୍ତିର କାର୍ଯ୍ୟ ଯଥାର୍ଥ ତାହେଲେ ତାହାକୁ କରାଯିବା ଆବଶ୍ୟକ। ମୁଖ୍ୟମନ୍ତ୍ରୀ ଏହା ମଧ୍ୟ କହିଛନ୍ତି ଯେ କୌଣସି ବିଜେପି କର୍ମକର୍ତ୍ତା ଏହା  ଭାବିବା ଉଚିତ ନୁହେଁ ଯେ ତାଙ୍କୁ କୌଣସି ସୁପାରିଶ ଆବଶ୍ୟକ। ସେ ହେଲ୍ପଲାଇନ ନମ୍ବର ଡାଏଲ କରିପାରିବେ କିମ୍ବା ମୁଖ୍ୟମନ୍ତ୍ରୀଙ୍କ ପୋର୍ଟାଲ ଜରିଆରେ ନିଜର ଅଭିଯୋଗ ଲେଖିପାରିବେ। ଯଦି ତାଙ୍କର କୌଣସି ସମସ୍ୟାର ସମାଧାନ ନ ହୁଏ ତାହେଲେ ସେ ମୋ ପାଖକୁ ସିଧାସଳଖ ତାଙ୍କର ଅଭିଯୋଗ ବାବଦରେ ଜଣାଇ ପାରିବେ।

ଏନେଇ ପ୍ରତିକ୍ରିୟା ରଖି ସାହାରନପୁର ଜିଲ୍ଲାର ଜଣେ ବିଜେପି ନେତା କହିଛନ୍ତି ଯେ ମୁଖ୍ୟମନ୍ତ୍ରୀ ପ୍ରଥମ ଥର ପାଇଁ ଆମର ଭାବନାକୁ ଶାନ୍ତ କରିଛନ୍ତି। ଆମେ ନିଶ୍ଚିତ ଯେ ଅମଲାତନ୍ତ୍ରୀଙ୍କ ନିକଟକୁ ବର୍ତ୍ତମାନ ମୁଖ୍ୟମନ୍ତ୍ରୀଙ୍କ ବାର୍ତ୍ତା ଯିବା ପରେ ଏହା ସ୍ପଷ୍ଟ ହୋଇଛି ଏବଂ ଦଳୀୟ କର୍ମକର୍ତ୍ତାଙ୍କ ଅଭିଯୋଗ ଉପରେ ପ୍ରଶାସନିକ ଅଧିକାରୀ କାର୍ଯ୍ୟାନୁଷ୍ଠାନ ଗ୍ରହଣ କରିବେ।

ଅନ୍ୟ ଜଣେ ବିଜେପି ନେତା କହିଛନ୍ତି ଦଳୀୟ କର୍ମକର୍ତ୍ତାଙ୍କ ମଧ୍ୟରେ ଅସନ୍ତୋଷର ଏକ ପ୍ରମୁଖ କାରଣ ହେଉଛି ନିମ୍ନ ସ୍ତରର ପୋଲିସ କର୍ମଚାରୀଙ୍କ ମନୋଭାବ। ଏନେଇ ପୂର୍ବତନ ଜିଲ୍ଲା ବିଜେପି ସଭାପତି କହିଛନ୍ତି ଥାନା ଇନ୍ସପେକ୍ଟର, ପ୍ରଭାରୀ, ଡେପୁଟି ଏସପି କୌଣସି ପ୍ରସଙ୍ଗ ଉପରେ ବିଚାର କରୁନାହାଁହିଁ। ଏହା କେବଳ ଆମ ପାଇଁ ଅପମାନଜନକ ନୁହେଁ ବରଂ ଯେଉଁମାନଙ୍କ ଅଭିଯୋଗର ସମାଧାନ କରାଯାଇନଥାଏ ସେମାନଙ୍କ ପାଇଁ ମଧ୍ୟ ଦୁଃଖଦାୟକ। ଆମେ ଏହି ଘଟଣା ବାବଦରେ ବାରମ୍ବାର ଆମର ସ୍ଥାନୀୟ ନେତା ତଥା ମନ୍ତ୍ରୀଙ୍କୁ ଅବଗତ କରାଇଛୁ। ଶେଷରେ ତାଙ୍କର ପ୍ରତିକ୍ରିୟା ଆମକୁ ମିଳିଥିବାରୁ ଆମେ ଖୁସି।

ମୁଖ୍ୟମନ୍ତ୍ରୀ ଏହି ବୈଠକରେ ୨୦୨୪ ଲୋକସଭା ନିର୍ବାଚନ ପାଇଁ ପ୍ରସ୍ତୁତ ରହିବାକୁ ଉପସ୍ଥିତ ବିଜେପି କର୍ମକର୍ତ୍ତାଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ଯୋଗୀ। ମାଫିଆଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି। ସେ କହିଛନ୍ତି ଯେ ଧାର୍ମିକ ଏବଂ ଅନ୍ୟାନ୍ୟ ସ୍ଥାନରୁ ଅପସାରିତ ଲାଉଡ ସ୍ପୀକର ଆଉ ସ୍ଥାପନ କରାଯିବା ଠିକ ନୁହେଁ।