ପ୍ରଶ୍ନପତ୍ର ଲିକ ମାମଲା, ଦୋଷୀ ବିରୋଧରେ ହେବ ଦୃଢ଼ କାର୍ଯ୍ୟାନୁଷ୍ଠାନ

ସବୁବେଳେ ଦୁଇ ସେଟ ପ୍ରଶ୍ନ ପତ୍ର ପ୍ରସ୍ତୁତ କରାଯାଉଥିବା ବେଳେ ଜରୁରୀକାଳୀନ ଅବସ୍ଥାରେ ଦ୍ଵିତୀୟ ସେଟ ପ୍ରଶ୍ନ ପତ୍ର ବଣ୍ଟାଯାଇଥାଏ ।

ପ୍ରଶ୍ନପତ୍ର ଲିକ ମାମଲା, ଦୋଷୀ ବିରୋଧରେ ହେବ ଦୃଢ଼ କାର୍ଯ୍ୟାନୁଷ୍ଠାନ
ଫାଇଲ ଫଟୋ

ସମ୍ବଲପୁର: ସମ୍ବଲପୁର ବିଶ୍ୱବିଦ୍ୟାଳୟରେ ଚାଲିଥିବା ଯୁକ୍ତ ୩ ଥାର୍ଡ ସେମିଷ୍ଟର ପରୀକ୍ଷାର ପ୍ରଶ୍ନ ପତ୍ର ଲିକ୍ । ବୁଧବାର ବିଳମ୍ବିତ ରାତିରେ କେମେଷ୍ଟ୍ରି ଓ ଜୁଲୋଜିର ପ୍ରଶ୍ନ ପତ୍ର ଲିକ୍ ହୋଇଥିବାର ଖବର ପାଇଥିଲେ ପରୀକ୍ଷା ନିୟନ୍ତ୍ରକ ସୂର୍ଯ୍ୟ ନାରାୟଣ ନାୟକ । ଶୁକ୍ରବାର ଯେହେତୁ ପରୀକ୍ଷା ରହିଥିଲା ତୁରନ୍ତ ଜରୁରୀକାଳୀନ ବୈଠକ ଡାକି ବିକଳ୍ପ ବ୍ୟବସ୍ଥା କରାଯାଇଥିଲା । ସବୁବେଳେ ଦୁଇ ସେଟ ପ୍ରଶ୍ନ ପତ୍ର ପ୍ରସ୍ତୁତ କରାଯାଉଥିବା ବେଳେ ଜରୁରୀକାଳୀନ ଅବସ୍ଥାରେ ଦ୍ଵିତୀୟ ସେଟ ପ୍ରଶ୍ନ ପତ୍ର ବଣ୍ଟାଯାଇଥାଏ । ଏହି କ୍ଷେତ୍ରରେ ସେହି ପନ୍ଥା ଅବଲମ୍ବନ କରାଯାଇଥିଲା । 

ପରୀକ୍ଷାର ଠିକ ପୂର୍ବରୁ ଦ୍ଵିତୀୟ ସେଟ ପ୍ରଶ୍ନ ପତ୍ର ଦେଇ ପରୀକ୍ଷା କରାଯାଇଥିଲା । କେଉଁଠି ପ୍ରଶ୍ନ ପତ୍ର ଲିକ ହୋଇଛି ଏବଂ ଏଥିରେ କାହାର ହାତ ହୋଇଛି, ସେ ବିଷୟରେ ଏକ ଟିମକୁ ଅନୁସନ୍ଧାନ ପାଇଁ ଦାୟିତ୍ୱ ଅର୍ପଣ କରାଯାଇଛି । ସେଥିରେ ସେ ଯାହାକୁ ଦୋଷୀ ବୋଲି ସାବ୍ୟସ୍ତ କରିବେ ସେମାନଙ୍କ ପ୍ରତି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ସମ୍ବଲପୁର ବିଶ୍ୱବିଦ୍ୟାଳୟର ପରୀକ୍ଷା ନିୟନ୍ତ୍ରକ ସୂର୍ଯ୍ୟ ନାରାୟଣ ନାୟକ ।