IND vs AUS: ଭାରତ ବିପକ୍ଷରେ ଗୋଲାପୀ ବଲ ଟେଷ୍ଟ ପାଇଁ ପ୍ଲେଇଂ-11 ଘୋଷଣା କଲା ଅଷ୍ଟ୍ରେଲିଆ, ବାଦ୍ ପଡିଲେ ଏହି ଖେଳାଳି

Australia Playing 11 announced: ବୋର୍ଡର-ଗାଭାସ୍କର ଟେଷ୍ଟ ସିରିଜର ପ୍ରଥମ ଟେଷ୍ଟରେ ୨୯୫ ରନ୍ ହାରିଥିବା ଅଷ୍ଟ୍ରେଲିଆ କ୍ରିକେଟ୍ ଟିମ୍ ଗୁରୁବାର ଦିନ (୫ ଡିସେମ୍ବର) ଦିନ ଆଡିଲେଡରେ ହେବାକୁ ଥିବା ଦ୍ୱିତୀୟ ଟେଷ୍ଟ ପାଇଁ ପ୍ଲେଇଂ-୧୧ ଘୋଷଣା କରିଛି। ଏହି ଗୋଲାପୀ ବଲ୍ ଟେଷ୍ଟ ପାଇଁ ଅଷ୍ଟ୍ରେଲିଆ ନିଜର ପ୍ଲେଇଂ ଇଲେଭେନରେ ଗୋଟିଏ ପରିବର୍ତ୍ତନ କରିଛି।

IND vs AUS 2nd Test: ବୋର୍ଡର-ଗାଭାସ୍କର ଟେଷ୍ଟ ସିରିଜର ପ୍ରଥମ ଟେଷ୍ଟରେ ୨୯୫ ରନ୍ ହାରିଥିବା ଅଷ୍ଟ୍ରେଲିଆ କ୍ରିକେଟ୍ ଟିମ୍ ଗୁରୁବାର ଦିନ (୫ ଡିସେମ୍ବର) ଦିନ ଆଡିଲେଡରେ ହେବାକୁ ଥିବା ଦ୍ୱିତୀୟ ଟେଷ୍ଟ ପାଇଁ ପ୍ଲେଇଂ-୧୧ ଘୋଷଣା କରିଛି। ଏହି ଗୋଲାପୀ ବଲ୍ ଟେଷ୍ଟ ପାଇଁ ଅଷ୍ଟ୍ରେଲିଆ ନିଜର ପ୍ଲେଇଂ ଇଲେଭେନରେ ଗୋଟିଏ ପରିବର୍ତ୍ତନ କରିଛି। କ୍ୟାପଟେନ ପ୍ୟାଟ୍ କମିନ୍ସ ସୂଚନା ଦେଇଛନ୍ତି ଯେ ଆହତ ଜୋଶ ହାଜଲେଉଡଙ୍କ ସ୍ଥାନରେ ସ୍କଟ ବୋଲାଣ୍ଡ ଖେଳିବେ। ଏହା ଏକ ଆଶ୍ଚର୍ଯ୍ୟଜନକ ନିଷ୍ପତ୍ତି ନୁହେଁ। ହାଜଲେଉଡ୍ ଦ୍ୱିତୀୟ ଟେଷ୍ଟରୁ ବାଦ୍ ପଡିବା ପରେ ଏହା ଘଟିବା ନିଶ୍ଚିତ ଥିଲା।

ପ୍ରାୟ ୧୮ ମାସ ପରେ ସ୍କଟ ବୋଲାଣ୍ଡ ଅଷ୍ଟ୍ରେଲିଆ ପାଇଁ ନିଜର ପ୍ରଥମ ମ୍ୟାଚ୍ ଖେଳୁଥିବା ଦେଖିବାକୁ ମିଳିବ। ଗତ ବର୍ଷ ଆଶେସ ସିରିଜରେ ବୋଲାଣ୍ଡ ନିଜର ଶେଷ ଟେଷ୍ଟ ମ୍ୟାଚ୍ ଖେଳିଥିଲେ। ଦ୍ୱିତୀୟ ଟେଷ୍ଟରେ ମିଚେଲ ମାର୍ଶ ବୋଲିଂ କରିବେ ବୋଲି କମିନ୍ସ ସୂଚନା ଦେଇଛନ୍ତି। ଏହି ଅଲରାଉଣ୍ଡର କମର ଆଘାତ ସହିତ ସଂଘର୍ଷ କରୁଛନ୍ତି। ଏହି କାରଣରୁ ସେ ଭାରତର ପ୍ରଥମ ଟେଷ୍ଟର ଦ୍ୱିତୀୟ ଇନିଂସରେ ପୂର୍ଣ୍ଣ ବେଗରେ ବୋଲିଂ କରିପାରି ନଥିଲେ।

ଅଷ୍ଟ୍ରେଲିଆର ବ୍ୟାଟିଂରେ କୌଣସି ପରିବର୍ତ୍ତନ ନ ହେବାର ଅର୍ଥ ଏହ ଯେ ନାଥନ୍ ମ୍ୟାକସ୍ୱେନି ଉସମାନ ଖାୱାଜାଙ୍କ ସହ ଓପନିଂ କରିବେ। ଷ୍ଟିଭ ସ୍ମିଥଙ୍କ ଆଘାତ ଗୁରୁତର ନୁହେଁ। ସ୍ମିଥଙ୍କୁ ନିକଟରେ ଅଭ୍ୟାସ କରିବା ସମୟରେ ଆଙ୍ଗୁଠିରେ ଆଘାତ ଲାଗିଥିଲା। ଭାରତୀୟ ଦଳ ପ୍ଲେଇଂ ଇଲେଭେନ ଘୋଷଣା କରିନାହିଁ ସତ, କିନ୍ତୁ ପ୍ରଥମ ଟେଷ୍ଟ ଜିତିବା ପରେ ମଧ୍ୟ ୨ଟି ପରିବର୍ତ୍ତନ ନିଶ୍ଚିତ। ରୋହିତ ଶର୍ମା ଓ ଶୁବମନ ଗିଲ ପ୍ଲେଇଂ ଇଲେଭେନକୁ ଫେରିବେ।

CONFIRMED!

Scotty Boland is back 

MORE  https://t.co/SzANV2KjOw#AUSvIND pic.twitter.com/0bIedDKzSW

— Fox Cricket (@FoxCricket) December 5, 2024

ଅଷ୍ଟ୍ରେଲିଆର ପ୍ଲେଇଂ-11
ଉସମାନ ଖାୱାଜା, ନାଥାନ୍ ମ୍ୟାକସ୍ୱେନି, ମାର୍ନସ୍ ଲାବୁସାଗ୍ନେ, ଷ୍ଟିଭ୍ ସ୍ମିଥ୍, ଟ୍ରାଭିସ୍ ହେଡ୍, ମିଚେଲ ମାର୍ଶ, ଆଲେକ୍ସ କେରି (wk), ପ୍ୟାଟ୍ କମିନ୍ସ (ଅଧିନାୟକ), ମିଚେଲ ଷ୍ଟାର୍କ, ନାଥାନ ଲିୟନ, ସ୍କଟ ବୋଲାଣ୍ଡ।

ଭାରତର ସମ୍ଭାବ୍ୟ ପ୍ଲେଇଂ-11
ଯଶସ୍ୱୀ ଜୈସୱାଲ, କେ.ଏଲ୍ ରାହୁଲ, ଶୁବମନ ଗିଲ, ବିରାଟ କୋହଲି, ଋଷଭ ପନ୍ତ, ରୋହିତ ଶର୍ମା (ଅଧିନାୟକ), ନୀତୀଶ ରେଡ୍ଡୀ, ୱାଶିଂଟନ୍ ସୁନ୍ଦର / ରବିନ୍ଦ୍ର ଜାଡେଜା, ହର୍ଷିତ ରାଣା, ମହମ୍ମଦ ସିରାଜ, ଜସପ୍ରୀତ ବୁମ୍ରା (ଉପ-ଅଧିନାୟକ)।