Venkatesh Prasad: ସିଲେକ୍ସନ କମିଟିର ମୁଖ୍ୟ ହେବେ ଭେଙ୍କଟେସ, ଜାଣନ୍ତୁ ଟିମ ଇଣ୍ଡିଆକୁ କେମିତି ମିଳିବ ଫାଇଦା

Venkatesh Prasad News: ପ୍ରକୃତରେ ଏହାକୁ ନେଇ କୌଣସି ଔପଚାରିକ ଭାବେ ଘୋଷଣା ନହୋଇଥିଲେ ମଧ୍ୟ ଭେଙ୍କଟେସ ପ୍ରସାଦଙ୍କୁ ସିଲେକ୍ଟିଂ ଟିମର ଅଧ୍ୟକ୍ଷ ରୂପରେ ନୋମିନେଟ କରିବା ନେଇ ବେଶ ଚର୍ଚ୍ଚା ଲାଗିରହିଛି। ତେବେ ଟିମ ଇଣ୍ଡିଆର ସିଲେକ୍ସନ କମିଟିର ଚେୟାର ପର୍ସନ କିଏ ହେବ ତା ଉପରେ କ୍ରିକେଟ ପ୍ରେମୀଙ୍କ ନଜର ରହିଛି। ଖୁବଶୀଘ୍ର ଏନେଇ ବିସିସିଆଇ ଘୋଷଣା କରିବା ନେଇ ଚର୍ଚ୍ଚା ହେଉଛି।

Venkatesh Prasad: ପୂର୍ବତନ ଭାରତୀୟ ଦ୍ରୁତ ବୋଲର ଭେଙ୍କଟେସ ପ୍ରସାଦ ବିସିସିଆଇର ସିଲେକ୍ଟିଂ କମିଟିର ନୂଆ ଅଧ୍ଯକ୍ଷ ରୂପରେ ଦାୟିତ୍ୱ ନେବାକୁ ପ୍ରସ୍ତୁତି ଜାରି ରଖିଛନ୍ତି। ବିସିସିଆଇର ସୂତ୍ର ଅନୁସାରେ, ମୁଖ୍ୟ ସିଲେକ୍ଟର୍ସ ପଦ ପାଇଁ ଆବେଦନ କରିଥିବା ସବୁ ତାଲିକାରୁ ଭେଙ୍କଟେସ ପ୍ରସାଦ ହିଁ ସବୁଠାରୁ କୁଶଳ କ୍ରିକେଟର ବୋଲି ଜଣାପଡିଛି।  ତେବେ କୁହାଯାଉଛି ଯେ, ତାଙ୍କୁ ଶୀଘ୍ର ହିଁ ସିଲେକ୍ଟିଂ ଟିମର ଅଧ୍ୟକ୍ଷ ପଦର ଦାୟିତ୍ୱ ଦିଆଯାଇପାରେ। ଏହି କଥାକୁ ନେଇ ଜୋରଦାର ଚର୍ଚ୍ଚା ଲାଗିରହିଛି। ଏକ ନୂଆ କମିଟି ପାଇଁ ବିସିସିଆଇ ଏକ ଚୟନକର୍ତ୍ତା ରୂପରେ ଜଣେ T-20 ବିଶେଷଜ୍ଞଙ୍କୁ ଖୋଜୁଛି। 

ଭେଙ୍କଟେସ ପ୍ରସାଦ ନିଜ କ୍ୟାରିୟର (Venkatesh Prasad Carrer)ରେ ଜଣେ ଭଲ ବୋଲର ଭାବେ ପରିଚିତ। ତାଙ୍କ କ୍ୟାରିୟରରେ ସେ ୩୩ଟି ଟେଷ୍ଟ ଓ ୧୬୧ ଟି ୱାନଡେ ଖେଳିଛନ୍ତି। ସେ ନିଜ କ୍ୟାରିୟରରେ ୨୯୦ ଟି ଅନ୍ତଃରାଷ୍ଟ୍ରୀୟ ୱିକେଟ ନିଜ ଦଖଲରେ ନେଇଛନ୍ତି। ସେଥିପାଇଁ ନୂଆ ସିଲେକ୍ଟର୍ସ ପଦ ପାଇଁ ସେ ହେଉଛନ୍ତି ସବୁଠାରୁ ଅନୁଭବୀ କ୍ରିକେଟର । ତେବେ BCCI ତାଙ୍କ ନାଁ ଚୟନକର୍ତ୍ତାର ଅଧ୍ୟକ୍ଷ ପଦରେ ମୋହର ମାରିବା ନେଇ ଚର୍ଚ୍ଚା ଜୋରଦାର ଲାଗିରହିଛି। ବିସିସିଆଇ ନିକଟତମ ସୂତ୍ର ହିସାବରେ ଯଦି ଦେଖିବା ସିଲେକ୍ଟିଂ କମିଟିକୁ ଅନ୍ତିମ ରୂପ ଦେବାରେ ଆଉ କିଛିଦିନ ବାକି ଅଛି। ଆଉ ଆଶା କରାଯାଉଛି ଯେ, ଚଳିତ ମାସ ଶେଷ ବେଳକୁ ହିଁ ଏହାର ଘୋଷଣା କରିଦିଆଯାଇପାରେ। 

ବିସିସିଆଇର ଆକଳନ ଅନୁସାରେ, ପୂର୍ବତନ କ୍ରିକେଟର ଭେଙ୍କଟେସ ପ୍ରସାଦ (Former Cricketer Venkatesh Prasad) ଅନୁଭବି କ୍ରିକେଟରଙ୍କ ମଧ୍ୟରୁ ଜଣେ।  ପ୍ରକୃତରେ ଏହାକୁ ନେଇ କୌଣସି ଔପଚାରିକ ଭାବେ ଘୋଷଣା ନହୋଇଥିଲେ ମଧ୍ୟ ଭେଙ୍କଟେସ ପ୍ରସାଦଙ୍କୁ ସିଲେକ୍ଟିଂ ଟିମର ଅଧ୍ୟକ୍ଷ ରୂପରେ ନୋମିନେଟ କରିବା ନେଇ ବେଶ ଚର୍ଚ୍ଚା ଲାଗିରହିଛି। ସେହିପରି ପୂର୍ବତନ କ୍ରିକେଟ ଖେଳାଳୀ ମଦନଲାଲ, ଆରପି ସିଂ, ସୁଲକ୍ଷଣା ନାଇକଙ୍କ ୪୪  ଆବେଦନ ଯାଞ୍ଚ କରିବା ପରେ ସେଥିମଧ୍ୟରୁ ୫ ଜଣଙ୍କ ସାକ୍ଷାତକାର ନେବାକୁ ନିଷ୍ପତ୍ତି ନେଇଛନ୍ତି। 

BCCI ସୂତ୍ର ଅନୁଯାୟୀ, ତିନି ଜଣିଆ କମିଟି ଭେଙ୍କଟେସ ପ୍ରସାଦ, ପୂର୍ବତନ ସ୍ପିନର ସୁନୀଲ ଯୋଶୀ, କ୍ରିକେଟରରୁ ଆନାଉନସର ହୋଇଥିବା ଏଲ ଶିବରାମକ୍ରିଷ୍ଣ, ପୂର୍ବତନ ଦ୍ରୁତ ବୋଲର ହରବିନ୍ଦର ସିଂ ଓ ପୂର୍ବତନ ସ୍ପିନର ରାଜେଶ ଚୌହାନଙ୍କୁ ନେଇ କଥାବାର୍ତ୍ତା ଚାଲିଛି।