IND vs NZ: ଭାରତକୁ ହରାଇ ବେଙ୍ଗାଲୁରୁରେ ଇତିହାସ ରଚିଲା ନ୍ୟୁଜିଲାଣ୍ଡ

IND vs NZ Test Series ନୂଆଦିଲ୍ଲୀ: ବେଙ୍ଗାଲୁରୁରେ ଖେଳାଯାଉଥିବା ପ୍ରଥମ ଟେଷ୍ଟ ମ୍ୟାଚରେ ଘରୋଇ ମାଟିରେ ଭାରତକୁ ୮ ୱିକେଟରେ ପରାସ୍ତ କରିଛି ନ୍ୟୁଜିଲ୍ୟାଣ୍ଡ। ମ୍ୟାଚର ପଞ୍ଚମ ଦିନରେ କିୱି ଦଳକୁ ଜିତିବା ପାଇଁ ୧୦୭ ରନ୍ ଟାର୍ଗେଟ ରହିଥିଲେ। ଭ୍ରମଣକାରୀ ଦଳ ମାତ୍ର ଦୁଇ ୱିକେଟ୍ ହରାଇ ବିଜୟ ଲକ୍ଷକୁ ହାସଲ କରିନେଇଥିଲା। ଶେଷ ଦିନରେ ରଚିନ୍ ରବିନ୍ଦ୍ର ଏବଂ ୱିଲ୍ ୟଙ୍ଗଙ୍କ ମଧ୍ୟରେ ୭୨ ରନ୍ ଭାଗିଦାରୀ ଟିମ୍ ଇଣ୍ଡିଆର ବିଜୟ ସୁନିଶ୍ଚିତ କରିଥିଲା। ମ୍ୟାଚର ପଞ୍ଚମ ଦିନରେ ଭାରତ ପାଇଁ ୱିକେଟ୍ ନେଇଥିବା ଏକମାତ୍ର ବୋଲର ହେଉଛନ୍ତି ଜସପ୍ରୀତ ବୁମରା। ବୁମରା ଶେଷ ଦିନରେ ଦୁଇଟି ୱିକେଟ ନେଇଥିଲେ। ତେବେ ଏହି ବିଜୟ ସହିତ ୩୬ ବର୍ଷ ପରେ ନ୍ୟୁଜିଲ୍ୟାଣ୍ଡ ଭାରତରେ ଏକ ଟେଷ୍ଟ ମ୍ୟାଚ୍ ଜିତିଛି।

ବାଙ୍ଗାଲୋର ଟେଷ୍ଟର ପ୍ରଥମ ଦିନ ବର୍ଷା ହେତୁ ମ୍ୟାଚ ଧୋଇ ଯାଇଥିବା ବେଳେ ଦ୍ୱିତୀୟ ଦିନରେ ଟସ୍ ହୋଇଥିବା ବେଳେ ଭାରତ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମେ ବ୍ୟାଟିଂ କରିବାର ଫଳାଫଳ ହେଲା କେବଳ ୪୬ ରନ୍ ସ୍କୋର କରିବା ପରେ ସମଗ୍ର ଟିମ୍ ଇଣ୍ଡିଆ ଆଉଟ୍ ହୋଇଯାଇଥିଲା। ଏହାର ଉତ୍ତରରେ ନ୍ୟୁଜିଲ୍ୟାଣ୍ଡ ୪୦୨ ରନ୍ ସଂଗ୍ରହ କରି ପ୍ରଥମ ଇନିଂସରେ ୩୫୬ ରନ୍ ସଂଗ୍ରହ କରିଥିଲା। କିୱି ଦଳ ପାଇଁ ରଚିନ୍ ରବିନ୍ଦ୍ର ୧୩୪ ରନର ଏକ ଶତକ ଇନିଂସ ଖେଳିଥିଲେ ଏବଂ ଟିମ୍ ସାଉଦି ମଧ୍ୟ ୬୫ ରନର ଗୁରୁତ୍ୱପୂର୍ଣ୍ଣ ଭାଗିଦାରୀ ଦେଇଥିଲେ।

କ୍ୟାପଟେନ ରୋହିତ ଶର୍ମା ନିଜେ କହିଥିଲେ ଯେ ପ୍ରଥମ ଇନିଂସରେ ବ୍ୟାଟିଂ କରିବା ତାଙ୍କ କ୍ୟାରିୟରର ସବୁଠାରୁ ଖରାପ ନିଷ୍ପତ୍ତି। କିନ୍ତୁ ଯେତେବେଳେ ଟିମ୍ ଇଣ୍ଡିଆ ଦ୍ୱିତୀୟ ଇନିଂସରେ ବ୍ୟାଟିଂ କରିବାକୁ ଆସିଥିଲା, ସେତେବେଳେ ଏହା ନ୍ୟୁଜିଲାଣ୍ଡ ବୋଲରଙ୍କୁ ସମସ୍ୟାରେ ପକାଇଥିଲେ। ଦ୍ୱିତୀୟ ଇନିଂସରେ ଯଦିଓ ଯଶସ୍ୱୀ ଜୟସ୍ୱାଲ ୩୫ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ରୋହିତ ଶର୍ମା ଏବଂ ବିରାଟ କୋହଲି ଯଥାକ୍ରମେ ୫୨ ଏବଂ ୭୦ ରନ୍ ଅର୍ଦ୍ଧଶତକ ଖେଳିଥିଲେ। ଏହା ପରେ ସରଫରାଜ ଖାନ ଏବଂ ଋଷଭ ପନ୍ତ ନେତୃତ୍ୱ ନେଇଥିଲେ। ଯାହାଙ୍କ ମଧ୍ୟରେ ୧୭୭ ରନ୍‌ର ଦମଦାର ଭାଗିଦାରୀ ଖେଳିଥିଲେ। ସରଫରାଜ ୧୫୦ ରନ୍ ସଂଗ୍ରହ କରିଥିବାବେଳେ ଋଷଭ ପନ୍ତଙ୍କ ଇନିଂସ ୯୯ କରି ଆଉଟ ହୋଇଥିଲେ। ଏହି ଦୁଇଜଣଙ୍କୁ ଆଉଟ ହେବା ପରେ ଚତୁର୍ଥ ଦିନରେ ଭାରତୀୟ ବ୍ୟାଟିଂ ଦଳର ବିପର୍ଯ୍ୟୟ ଘଟିଥିଲା। ଏହା ସହିତ ୪୬୨ ରନରେ ଭାରତ ଦ୍ୱିତୀୟ ଇନିଂସରେ ଅଲ ଆଉଟ ହୋଇଯାଇଥିଲେ।