IND vs SA 5th T20: ଅନ୍ତିମ ମ୍ୟାଚରେ ଟିମ୍ ଇଣ୍ଡିଆ ଏହି ଖେଳାଳିଙ୍କୁ ମିଳିପାରେ ସ୍ଥାନ, ଜାଣନ୍ତୁ କିଏ ପଡ଼ିବ ବାଦ

India vs South Africa: ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଟି-୨୦ ସିରିଜର ଅନ୍ତିମ ମ୍ୟାଚ୍ ବାଙ୍ଗାଲୋରରେ ଖେଳାଯିବ । ଏହି ମ୍ୟାଚ୍ ପାଇଁ ପ୍ଲେଇଂ ଇଲେଭେନରେ ପରିବର୍ତ୍ତନ କରାଯାଇପାରେ ।

India vs South Africa 5th T20 : ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଟି-୨୦ ସିରିଜର ଶେଷ ମ୍ୟାଚ ରବିବାର ଦିନ ବାଙ୍ଗାଲୋରରେ ଖେଳାଯିବ । ଏହି ମ୍ୟାଚ୍ ପୂର୍ବରୁ ଉଭୟ ଦଳ ୨-୨ ରେ ବରାବର ରହିଛନ୍ତି । ତେଣୁ ଏହା ଏକ ନିର୍ଣ୍ଣାୟକ ମ୍ୟାଚ୍ ବୋଲି ପ୍ରମାଣିତ ହେବ । ସମ୍ଭବତଃ ଟିମ୍ ଇଣ୍ଡିଆ ଏହି ମ୍ୟାଚର ପ୍ଲେଇଂ ଇଲେଭେନରେ କୌଣସି ପରିବର୍ତ୍ତନ ନ କରିପାରେ । ଦକ୍ଷିଣ ଆଫ୍ରିକାର ପ୍ଲେଇଂ ଇଲେଭେନରେ ପରିବର୍ତ୍ତନ କରିପାରେ । ଦଳର ଅଧିନାୟକ ଟେମ୍ବୋ ବାଭୁମା ଏହି ମ୍ୟାଚରୁ ବାଦ ପଡିପାରନ୍ତି । ତାଙ୍କ ଅନୁପସ୍ଥିତିରେ କେଶବ ମହାରାଜଙ୍କୁ ଅଧିନାୟକତ୍ୱ ମିଳିପାରେ ।

ଟି-୨୦ ସିରିଜର ଚତୁର୍ଥ ମ୍ୟାଚ୍ ରାଜକୋଟରେ ଖେଳାଯାଇଥିଲା । ଏଥିରେ ଭାରତ ଏକ ଜବରଦସ୍ତ ବିଜୟ ହାସଲ କରିଥିଲା । ଦୀନେଶ କାର୍ତ୍ତିକ ଓ ହାର୍ଦ୍ଦିକ ପାଣ୍ଡ୍ୟା ଭାରତ ପାଇଁ ବହୁତ ଭଲ ଖେଳ ପ୍ରଦର୍ଶନ କରିଥିଲେ । କାର୍ତ୍ତିକ ଅର୍ଦ୍ଧଶତକ ହାସଲ କରିଥିଲେ । ଭାରତର ବୋଲିଂ ୟୁନିଟ୍ ମଧ୍ୟ ସନ୍ତୁଳିତ ଦେଖାଯାଉଛି । ତେଣୁ, ବୋଧହୁଏ ଅଧିନାୟକ ଋଷଭ ପନ୍ତଙ୍କ ପ୍ଲେଇଂ ଇଲେଭେନରେ କୌଣସି ପରିବର୍ତ୍ତନ କରିବାକୁ ଚାହିଁବେ ନାହିଁ ।

ଶେଷ ମ୍ୟାଚ୍ ସମୟରେ ଦକ୍ଷିଣ ଆଫ୍ରିକା ଅଧିନାୟକ ଅଧା ଖେଳରୁ ଆଘାତ ଯୋଗୁଁ ବାହାରକୁ ଚାଲିଯାଇଥିଲେ । ଭୁବନେଶ୍ୱର କୁମାରଙ୍କ ଡେଲିଭରିରେ ବାଭୁମା ଆହତ ହୋଇଥିଲେ । ଏଭଳି ପରିସ୍ଥିତିରେ, ସେ ଅନ୍ୟ ଜଣେ ଖେଳାଳିଙ୍କୁ ପ୍ଲେଇଂ ଇଲେଭେନରେ ସାମିଲ କରିବା ସମ୍ଭବ ଅଟେ । ଯଦି ବାଭୁମା ନ ଖେଳନ୍ତି ତେବେ କେଶବ ମହାରାଜ ଅଧିନାୟକତ୍ୱ କରିପାରନ୍ତି ।

ସମ୍ଭାବ୍ୟ ପ୍ଲେଇଂ ଇଲେଭେନ-

ଭାରତ: ରିତୁରାଜ ଗାଇକ୍ଵାଡ, ଇଶାନ କିଶାନ, ଶ୍ରେୟାସ ଆୟର, ଋଷଭ ପନ୍ତ (wk/ ଅଧିନାୟକ), ହାର୍ଦ୍ଦିକ ପାଣ୍ଡ୍ୟା, ଦୀନେଶ କାର୍ତ୍ତିକ, ଅକ୍ଷର ପଟେଲ, ହର୍ଷଲ ପଟେଲ, ଭୂବନେଶ୍ୱର କୁମାର, ୟୁଜବେନ୍ଦ୍ର ଚହଲ, ଆଭେଶ ଖାନ

ଦକ୍ଷିଣ ଆଫ୍ରିକା: ଟେମ୍ବୋ ବାଭୁମା (ଅଧିନାୟକ), କ୍ୱିଣ୍ଟନ୍ ଡି କକ୍ (wk), ଡୱେନ ପ୍ରିଟୋରିୟସ୍, ରାସି ଭାନ୍ ଡେର୍ ଡୁସେନ୍, ହେନ୍ରିଚ୍ କ୍ଲାସେନ୍, ଡେଭିଡ ମିଲର, ୱେନ ପାର୍ନେଲ, କାଗିସୋ ରବାଡା, କେଶବ ମହାରାଜ, ଏନ୍ରିକ୍ ନର୍ଟେ, ଲୁଙ୍ଗି ଏଙ୍ଗିଡି