IND vs SL 2nd T20: ଟିମ୍ ଇଣ୍ଡିଆର ପରାଜୟର କାରଣ ପାଲଟିଲା ହାର୍ଦ୍ଦିକ-ଦ୍ରାବିଡଙ୍କ ଜିଦ୍! ଏହି ୨ଟି ଭୁଲ ନିଷ୍ପତ୍ତି ଯୋଗୁଁ ହାରିବାକୁ ପଡ଼ିଲା ମ୍ୟାଚ୍

IND vs SL 2nd T20: ଜାନୁଆରୀ ୩ରେ ପ୍ରଥମ T20 ମୁମ୍ବାଇରେ, ଜାନୁଆରୀ ୫ରେ ଦ୍ୱିତୀୟ T20 ପୁଣେରେ ଏବଂ ଜାନୁଆରୀ ୭ରେ ତୃତୀୟ T20 ରାଜକୋଟରେ ଠାରେ ଖେଳାଯିବ । ସେହିପରି ପ୍ରଥମ ଦିନିକିଆ ଜାନୁଆରୀ ୧୦ରେ ଗୌହାଟି, ଦ୍ୱିତୀୟ ଦିନିକିଆ ଜାନୁଆରୀ ୧୨ରେ କୋଲକାତା ଏବଂ ତୃତୀୟ ଦିନିକିଆ ଜାନୁଆରୀ ୧୫ରେ ତ୍ରିଭେନ୍ଦ୍ରମରେ ଖେଳାଯିବ ।

India vs Sri Lanka 2nd T20: ଭାରତ ଓ ଶ୍ରୀଲଙ୍କା ମଧ୍ୟରେ ତିନୋଟି ଟି-20 ମ୍ୟାଚର ଏକ ସିରିଜ ଖେଳାଯାଉଛି । ସିରିଜର ପ୍ରଥମ ମ୍ୟାଚ୍ ମୁମ୍ବାଇରେ ହୋଇଥିଲା ଓ ଏହି ମ୍ୟାଚରେ ଭାରତ ଚମତ୍କାର ଜିତିଥିଲା ।​ ଦ୍ୱିତୀୟ ମ୍ୟାଚ୍ ପୁଣେରେ ଖେଳାଯାଇଛି ଓ ଏହି ମ୍ୟାଚରେ ଟିମ୍ ଇଣ୍ଡିଆ (Team India) କୁ ପରାଜୟର ସାମ୍ନା କରିବାକୁ ପଡ଼ିଛି । ଟସ୍ ଜିତିବା ପରେ ଭାରତୀୟ ଅଧିନାୟକ ହାର୍ଦ୍ଦିକ ପାଣ୍ଡ୍ୟା (Hardik Pandya) ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ, ଯାହା ଭୁଲ ବୋଲି ପ୍ରମାଣିତ ହୋଇଛି ।

ଶ୍ରୀଲଙ୍କା ଦଳ ଦମଦାର୍ ବ୍ୟାଟିଂ କରି ଭାରତୀୟ ଦଳ ସମ୍ମୁଖରେ ୨୦୭ ରନର ଏକ ବିଶାଳ ଲକ୍ଷ୍ୟ ରଖିଥିଲା । ଏହି ଲକ୍ଷ୍ୟକୁ ପିଛା କରି ଟିମ୍ ଇଣ୍ଡିଆ ମାତ୍ର ୧୯୦ ରନ୍ ସ୍କୋର ହିଁ କରିପାରିଥିଲା ଓ ଟାର୍ଗେଟ ଠାରୁ ୧୬ ରନ୍ ପଛକୁ ରହିଯାଇଥିଲା । କେଉଁଠି ହେଲା ଟିମ୍ ଇଣ୍ଡିଆର ଭୁଲ? ପରାଜୟର କାରଣ କ’ଣ ଥିଲା? ଆସନ୍ତୁ ଜାଣିବା...

୧. ଟସ୍ ଜିତିବା ପରେ ଭୁଲ ନିଷ୍ପତ୍ତି

ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା । ଅନ୍ୟପଟେ ପୁଣେର ଏହି ଗ୍ରାଉଣ୍ଡରେ ଅଧିକାଂଶ ମ୍ୟାଚ୍ ପ୍ରଥମେ ବ୍ୟାଟିଂ କରିଥିବା ଦଳ ହିଁ ଜିତିଛି । ଏଭଳି ପରିସ୍ଥିତିରେ ପୂର୍ବ ରେକର୍ଡକୁ ଅଣଦେଖା କରିବା ଓ ପରିସ୍ଥିତି ବିରୋଧରେ ବୋଲିଂ ବାଛିବା ଏକ ଭୁଲ ନିଷ୍ପତ୍ତି ଥିଲା । ଯଦି ବୋର୍ଡରେ ଅଧିକ ସ୍କୋର ଅଛି, ପିଛା କରୁଥିବା ଦଳ ଚାପରେ ରହିଥାଏ । ସେହିଭଳି ଟିମ୍ ଇଣ୍ଡିଆ ସହିତ ଦେଖିବାକୁ ମିଳିଥିଲା । ୨୦୭ ରନର ଟାର୍ଗେଟକୁ ପିଛା କରି ଟିମ୍ ଇଣ୍ଡିଆର ବ୍ୟାଟ୍ସମ୍ୟାନମାନେ କ୍ରିଜକୁ ଆସିବା ପୂର୍ବରୁ ମଧ୍ୟ ଚାପରେ ଥିଲେ । ଦ୍ରୁତ ଖେଳିବାର ଚାପ ତାଙ୍କ ଉପରେ ଥିଲା, ଦ୍ରୁତ ଖେଳିବା ପ୍ରକ୍ରିୟାରେ ଜଣେ ପରେ ଜଣେ ବ୍ୟାଟ୍ସମ୍ୟାନ୍ ନିଜ ୱିକେଟ ହରାଇ ବସିଲେ ।

୨. ସୂର୍ଯ୍ୟକୁମାର ଯାଦବଙ୍କ ସ୍ଥାନରେ ରାହୁଲ ତ୍ରିପାଠୀଙ୍କୁ ନମ୍ବର ୩ରେ ପଠାଇବା 

ଯେତେବେଳେ ବିରାଟ କୋହଲି ଦଳରେ ଖେଳନ୍ତି, ସେତେବେଳେ କେବଳ ସୂର୍ଯ୍ୟକୁମାର ଯାଦବ ଟି-20ରେ ​​ନମ୍ବର ୩ରେ ବ୍ୟାଟିଂ କରିବାକୁ ଆସନ୍ତି । ଏହି ନମ୍ୱରରେ ତାଙ୍କର ରେକର୍ଡ ମଧ୍ୟ ଉତ୍କୃଷ୍ଟ ରହିଛି । ଟିମ୍ ଇଣ୍ଡିଆ ପାଇଁ ୨୦୭ ରନର ଏକ ବଡ଼ ଟାର୍ଗେଟକୁ ପିଛା କରୁଥିବା ବେଳେ ସୂର୍ଯ୍ୟକୁମାର ଯାଦବଙ୍କୁ ନମ୍ବର ୩ରେ ପଠାଇବା ଉଚିତ୍ ଥିଲା, କିନ୍ତୁ ଏଠାରେ ଏକ ଚାପ ମ୍ୟାଚରେ ଡେବ୍ୟୁ କରୁଥିବା ରାହୁଲ ତ୍ରିପାଠୀଙ୍କୁ ପଠାଇଥିଲେ । ତ୍ରିପାଠୀ ଗୋଟିଏ ଚୌକା ସହାୟତାରେ ୫ଟି ବଲରେ ୫ ରନ୍ ସ୍କୋର କରିଥିଲେ । ସୂର୍ଯ୍ୟକୁମାର ଯାଦବ ଚତୁର୍ଥ ନମ୍ବରରେ ଆସିଥିଲେ ଯେତେବେଳେ ଦଳ ଉପରେ ଆହୁରି ଚାପ ବଢ଼ିଯାଇଥିଲା । ମଇଦାନକୁ ଆସିବା ମାତ୍ରେ ସେ ନିଜର ନ୍ୟାଚୁରାଲ ଆଟାକିଂ ଗେମ୍ ଖେଳି ପାରିନଥିଲେ । 

ମ୍ୟାଚରେ କ’ଣ ହେଲା?

ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଟସ୍ ଜିତି ଏହି ମ୍ୟାଚରେ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ଦଳରେ ମଧ୍ୟ ପରିବର୍ତ୍ତନ କରିଥିଲେ । ଅର୍ଶଦୀପ ସିଂ ଦଳକୁ ଫେରିଥିଲେ, ରାହୁଲ ତ୍ରିପାଠୀ ଡେବ୍ୟୁ କରିଥିଲେ । କିନ୍ତୁ ଆଜି ବୋଲିଂରେ ଭାରତୀୟ ବୋଲରଙ୍କ ଦିନ ନଥିଲା । ଅର୍ଶଦୀପ ସିଂ ଦୁଇ ଓଭରରେ ୩୮ ରନ୍ ଦେଇଥିଲେ । ପାଞ୍ଚଟି ନୋ ବଲ ପକାଇଥିଲେ । ଅନ୍ୟପକ୍ଷରେ, ଶେଷ ମ୍ୟାଚର ହିରୋ ଶିବମ ମାଭି ନିଜେ ଦ୍ୱିତୀୟ ମ୍ୟାଚରେ ଚାରି ଓଭରରେ ୫୩ ରନ୍ ଦେଇଥିଲେ । ଉମ୍ରାନ ମଲିକ ନିଶ୍ଚିତ ଭାବେ ତିନୋଟି ୱିକେଟ୍ ପାଇଛନ୍ତି । କିନ୍ତୁ ସେ ଚାରି ଓଭରରେ ୪୮ ରନ୍ ଦେଇଥିଲେ ।

ଅନ୍ୟପଟେ ଶ୍ରୀଲଙ୍କା ଅଧିନାୟକ ଦାସୁନ୍ ଶାନାକା ଶ୍ରୀଲଙ୍କା ଦଳ ପାଇଁ ଚମତ୍କାର ବ୍ୟାଟିଂ କରିଥିଲେ । ସେ ଶେଷ ପର୍ଯ୍ୟନ୍ତ ନ ଆଉଟ୍ ହୋଇ ଭାରତୀୟ ବୋଲିଂ ଆଟାକକୁ ଧ୍ୱସ୍ତ କରିଦେଇଥିଲେ । ଏବଂ ୨୨ ବଲରେ ୫୬ ରନର ଇନିଂସ ଖେଳିଥିଲେ । ତାଙ୍କ ବ୍ୟତୀତ କୁସଲ ମେଣ୍ଡିସ ମଧ୍ୟ୫୨ ରନର ଇଂନିସ ଖେଳିଥିଲେ । ଯାହା ସାହାଯ୍ୟରେ ଶ୍ରୀଲଙ୍କା ସ୍କୋରବୋର୍ଡରେ ୨୦୬ ରନ୍ ସ୍କୋର କରିଥିଲା ।​

ଏହା ପରେ ଭାରତୀୟ ଦଳ ଏହି ଟାର୍ଗେଟକୁ ଗୋଡ଼ାଇବା ପାଇଁ ପଡ଼ିଆକୁ ଓହ୍ଲାଇଥିଲା । କିନ୍ତୁ  ଭାରତୀୟ ବ୍ୟାଟ୍ସମ୍ୟାନମାନେ ମଧ୍ୟ ଏହି ଟାର୍ଗେଟକୁ ପାର କରିପାରି ନଥିଲେ । ଦଳ ପାୱାରପ୍ଲେ ଭିତରେ ଚାରୋଟି ବଡ଼ ୱିକେଟ୍ ହରାଇଲା । ଇଶାନ କିଶନ ୨ ରନ, ଶୁଭମାନ ଗିଲ ୫ ରନ, ରାହୁଲ ତ୍ରିପାଠୀ ୫ ରନ, କ୍ୟାପଟେନ ହାର୍ଦ୍ଦିକ ପାଣ୍ଡ୍ୟା ୧୨ ରନ ।

୩୪/୪ ବ୍ୟାଟ୍ସମ୍ୟାନ ପ୍ୟାଭିଲିୟନକୁ ଫେରିବା ପରେ ଦୀପକ ହୁଡା ମଧ୍ୟ ଦଶମ ଓଭରରେ ୯ ରନ୍ ସ୍କୋର କରିବା ପରେ ୱିକେଟ୍ ହରାଥିଲେ । କିନ୍ତୁ ଏହି ପାଞ୍ଚଟି ୱିକେଟ୍ ପରେ ସୂର୍ଯ୍ୟକୁମାର ଯାଦବ ଓ ଅକ୍ସର ପଟେଲ କ୍ରିଜକୁ ଆସିଥିଲେ । ଏହି ଉଭୟ ବ୍ୟାଟ୍ସମ୍ୟାନ୍ ମାତ୍ର ୪୦ ବଲରେ ୯୧ ରନର ପାର୍ଟନରଶିପ୍ କରିଥିଲେ । ଦୁହେଁ ଏପରି ବ୍ୟାଟିଂ କରିଥିଲେ ଯେ ସମସ୍ତେ ଭାରତର ବିଜୟ ଦେଖିବା ଆରମ୍ଭ କରିଥିଲେ । କିନ୍ତୁ ତା’ପରେ ୧୬ ତମ ଓଭରରେ ସୂର୍ଯ୍ୟକୁମାର (୫୧ ରନ୍) ଓ ଶେଷ ଓଭରରେ ଅକ୍ସର ପଟେଲ (୬୫ ରନ୍) ଏବଂ ମାଭି (୨୬ ରନ୍) ଙ୍କ ୱିକେଟ୍ ଯିବା ପରେ ଭାରତର ଆଶା ଶେଷ ହୋଇଥିଲା । ଶେଷ ଓଭରରେ ଶ୍ରୀଲଙ୍କାର ଅଧିନାୟକ ଦାସୁନ୍ ଶାନାକା ମଧ୍ୟ ବୋଲିଂ କରି ଦୁଇଟି ୱିକେଟ୍ ନେଇଥିଲେ । ଏହା ଦୁଇ ଦଳ ମଧ୍ୟରେ ସବୁଠାରୁ ବଡ ପାର୍ଥକ୍ୟ ଥିଲା ।

​ଅଧିକ ପଢ଼ନ୍ତୁ:-ଅର୍ଶଦୀପ, ମାଭି କିମ୍ବା ବ୍ୟାଟିଂ ନୁହେଁ...ହାର୍ଦ୍ଦିକ ପାଣ୍ଡ୍ୟା କହିଲେ, ଏହି କାରଣରୁ ଟିମ୍ ଇଣ୍ଡିଆ ହାରିଲା ମ୍ୟାଚ୍!

ଅଧିକ ପଢ଼ନ୍ତୁ:-ମିଛ ଦୁଷ୍କର୍ମ ମାମଲାରେ ୨ ବର୍ଷ ଜେଲରେ ଥିଲେ ଏହି ବ୍ୟକ୍ତି, ବର୍ତ୍ତମାନ ରାଜ୍ୟ ସରକାର ବିରୋଧରେ ୧୦,୦୦୦ କୋଟି ଟଙ୍କାର କଲେ ମକଦ୍ଦମା ଦାୟର

ଭାରତ ବନାମ ଶ୍ରୀଲଙ୍କା ଟି20 ସିରିଜ୍ 

ପ୍ରଥମ ଟି-20 ମ୍ୟାଚ୍, ଜାନୁଆରୀ ୩, ସନ୍ଧ୍ୟା ୭ଟା, ମୁମ୍ବାଇ

ଦ୍ୱିତୀୟ ଟି-20 ମ୍ୟାଚ୍, ଜାନୁଆରୀ ୫, ସନ୍ଧ୍ୟା ୭ଟା, ପୁଣେ 

ତୃତୀୟ ଟି-20 ମ୍ୟାଚ୍, ଜାନୁଆରୀ ୭, ସନ୍ଧ୍ୟା ୭ଟା, ରାଜକୋଟ 

ଶ୍ରୀଲଙ୍କା ବିପକ୍ଷ ସିରିଜ ପାଇଁ T20 ଭାରତୀୟ ଦଳ

ହାର୍ଦ୍ଦିକ ପାଣ୍ଡ୍ୟା (ଅଧିନାୟକ), ଇଶାନ କିଶନ (ୱିକେଟ୍ କିପର), ଋତୁରାଜ ଗାଇକୱାଡ, ଶୁଭମନ ଗିଲ, ସୂର୍ଯ୍ୟକୁମାର ଯାଦବ (ଉପ-ଅଧିନାୟକ), ଦୀପକ ହୁଡା, ରାହୁଲ ତ୍ରିପାଠୀ, ସଞ୍ଜୁ ସାମସନ (ୱିକେଟ୍ କିପର), ୱାଶିଂଟନ୍ ସୁନ୍ଦର, ଯଜୁବେନ୍ଦ୍ର ଚହଲ, ଅକ୍ଷର ପଟେଲ, ହର୍ଷଲ ପଟେଲ, ଉମରାନ ମଲିକ, ଶିବମ ମାବୀ ଏବଂ ମୁକେଶ କୁମାର ।

ଶ୍ରୀଲଙ୍କା ବିପକ୍ଷ ସିରିଜ ପାଇଁ ଦିନିକିଆ ଭାରତୀୟ ଦଳ

ରୋହିତ ଶର୍ମା (ଅଧିନାୟକ), ଶୁଭମାନ ଗିଲ, ବିରାଟ କୋହଲି, ସୂର୍ଯ୍ୟକୁମାର ଯାଦବ, ଶ୍ରେୟସ ଆୟର, କେ.ଏଲ ରାହୁଲ, ଇଶାନ କିଶନ (ୱିକେଟ୍ କିପର), ହାର୍ଦ୍ଦିକ ପାଣ୍ଡ୍ୟା (ଉପ-ଅଧିନାୟକ), ୱାଶିଂଟନ ସୁନ୍ଦର, ୟୁଜବେନ୍ଦ୍ର ଚହଲ, କୁଲଦୀପ ଯାଦବ, ଅକ୍ଷାର ପଟେଲ, ମହମ୍ମଦ ସିରାଜ, ଉମରାନ ମଲିକ ଏବଂ ଅର୍ଶଦୀପ ସିଂହ ।

ଏଠାରେ କହି ରଖୁଛୁ ଯେ, ଜାନୁଆରୀ ୩ରେ ପ୍ରଥମ T20 ମୁମ୍ବାଇରେ, ଜାନୁଆରୀ ୫ରେ ଦ୍ୱିତୀୟ T20 ପୁଣେରେ ଏବଂ ଜାନୁଆରୀ ୭ରେ ତୃତୀୟ T20 ରାଜକୋଟରେ ଠାରେ ଖେଳାଯିବ । ସେହିପରି ପ୍ରଥମ ଦିନିକିଆ ଜାନୁଆରୀ  ୧୦ରେ ଗୌହାଟି, ଦ୍ୱିତୀୟ ଦିନିକିଆ ଜାନୁଆରୀ ୧୨ରେ କୋଲକାତା ଏବଂ ତୃତୀୟ ଦିନିକିଆ ଜାନୁଆରୀ ୧୫ରେ ତ୍ରିଭେନ୍ଦ୍ରମରେ ଖେଳାଯିବ ।