IND vs BAN 1st Test: ଆସନ୍ତାକାଲି ଠାରୁ ଭାରତ-ବାଂଲାଦେଶ ମଧ୍ୟରେ ପ୍ରଥମ ଟେଷ୍ଟ, ଜାଣନ୍ତୁ ପ୍ଲେଇଂ11, ଲାଇଭ୍ ଷ୍ଟ୍ରିମିଂ ସମେତ ପିଚ୍ ରିପୋର୍ଟ

IND vs BAN 1st Test: ଭାରତ ଏବଂ ବାଂଲାଦେଶ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ୍ ୧୯ ସେପ୍ଟେମ୍ବରରୁ ଚେନ୍ନାଇରେ ଖେଳାଯିବ। ଚେନ୍ନାଇ ଟେଷ୍ଟର ପ୍ଲେଇଂ ଇଲେଭେନେ ଏବଂ ଲାଇଭ୍ ଷ୍ଟ୍ରିମିଂ ବିବରଣୀ ସହ ଜାଣନ୍ତୁ ପିଚ୍ ରିପୋର୍ଟ।

India vs Bangladesh 1st Test: ଆସନ୍ତାକାଲି (୧୯ ସେପ୍ଟେମ୍ବର) ରୁ ଚେନ୍ନାଇରେ ଭାରତ ଏବଂ ବାଂଲାଦେଶ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ୍ ଖେଳାଯିବ। ଶେଷ ଏକ ସପ୍ତାହ ଧରି ଉଭୟ ଦଳ ଏହି ମ୍ୟାଚ୍ ପାଇଁ ପ୍ରସ୍ତୁତି କରିବାରେ ବ୍ୟସ୍ତ ଅଛନ୍ତି। ଭାରତ ଏବଂ ବାଂଲାଦେଶ ମଧ୍ୟରେ ଏହି ଟେଷ୍ଟ ମ୍ୟାଚ୍ ଚେନ୍ନାଇର ଏମ ଚିଦାମ୍ବରମ୍ ଷ୍ଟାଡିୟମରେ ଖେଳାଯିବ।

ଚେନ୍ନାଇର ଏମ ଚିଦାମ୍ବରମ୍ ଷ୍ଟାଡିୟମରେ ମୋଟ୍ ୯ଟି ପିଚ୍ ଅଛି। ସେଥିମଧ୍ୟରୁ ତିନୋଟି ପିଚ୍ ମୁମ୍ବାଇରୁ ଅଣାଯାଇଥିବା ଲାଲ ମାଟିରେ ତିଆରି ହୋଇଛି। ଭାରତ ଏବଂ ବାଂଲାଦେଶ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ୍ କେବଳ ଲାଲ୍ ମାଟି ପିଚ୍ ରେ ଖେଳାଯିବ। ବାସ୍ତବରେ ଚେନ୍ନାଇରେ ସ୍ପିନରମାନେ ପ୍ରାଧାନ୍ୟ ବିସ୍ତାର କରିଥାନ୍ତି। ସ୍ପିନରମାନେ ଏଠାରେ ବହୁତ ଟର୍ଣ୍ଣ ପାଇଥାନ୍ତି । ତେବେ ଦ୍ରୁତ ବୋଲରମାନଙ୍କ ପାଇଁ ଲାଲ୍ ମାଟି ପିଚ୍ ମଧ୍ୟ ସହାୟକ ହୋଇଥାଏ, କାରଣ ନୂଆ ବଲ୍ ଏଠାରେ ବହୁତ ସୁଇଙ୍ଗ୍ ଦେଇଥାଏ ଏବଂ ବାଉନ୍ସ ମଧ୍ୟ ଭଲ ହୋଇଥାଏ।

ପ୍ରଥମ ଦିନ ହେବ ବର୍ଷା!
ପ୍ରଶଂସକଙ୍କ ପାଇଁ ଏକ ଖରାପ ଖବର ମଧ୍ୟ ଅଛି। ଭାରତ ଏବଂ ବାଂଲାଦେଶ ମଧ୍ୟରେ ପ୍ରଥମ ଟେଷ୍ଟର ପ୍ରଥମ ଦିନ ମଧ୍ୟ ବର୍ଷା ଯୋଗୁଁ ଧୋଇ ହୋଇଯାଇପାରେ। ବାସ୍ତବରେ, ଆକ୍ୱେୱେଦର କହିବାନୁସାରେ, ପ୍ରଥମ ଦିନ ଅର୍ଥାତ୍ ଗୁରୁବାର ଦିନ ଚେନ୍ନାଇରେ ୪୦ ପ୍ରତିଶତ ବର୍ଷା ହେବାର ସମ୍ଭାବନା ଅଛି। ତୃତୀୟ ଦିନରେ ମଧ୍ୟ ବର୍ଷା ହେବାର ଆଶଙ୍କା ରହିଛି।

କିପରି ଦେଖିବେ ଲାଇଭ୍ ଷ୍ଟ୍ରିମିଂ 
ଆପଣ ଭାରତ ଏବଂ ବାଂଲାଦେଶ ମଧ୍ୟରେ ପ୍ରଥମ ଟେଷ୍ଟ ପାଇଁ ଯଦି ଟିକେଟ ପାଇବାରେ ସକ୍ଷମ ହୋଇ ନାହାଁନ୍ତି, ତେବେ ଆଦୌ ଚିନ୍ତା କରିବାର ଆବଶ୍ୟକତା ନାହିଁ। ଆପଣ ସହଜରେ ଟିଭି କିମ୍ବା ମୋବାଇଲରେ ମ୍ୟାଚ୍ ଉପଭୋଗ କରିପାରିବେ। ଏହି ଟେଷ୍ଟ ମ୍ୟାଚ୍ Viacom 18 ନେଟୱାର୍କରେ ଟେଲିଭିଜନରେ ପ୍ରସାରଣ କରାଯିବ। ଆପଣ ଏହି ମ୍ୟାଚ୍ ସ୍ପୋର୍ଟସ୍ ୧୮ ଚ୍ୟାନେଲ୍ ୧ ଏବଂ ଚ୍ୟାନେଲ୍ ୨ ରେ ଦେଖିପାରିବେ। ଆହୁରି ମଧ୍ୟ ଏହି ମ୍ୟାଚ୍ ମୋବାଇଲରେ ଜିଓ ସିନେମାରେ ଦେଖିବାକୁ ମିଳିବ।

ପ୍ରଥମ ଟେଷ୍ଟରେ ବାଂଲାଦେଶର ସାମ୍ଭାବ୍ୟ ପ୍ଲେଇଂ ଇଲେଭେନ୍ - ଶାଦମାନ ଇସଲାମ, ଜାକିର ହସନ, ନାଜମୁଲ ହୁସେନ୍ ଶାନ୍ତୋ, ମୋମିନୁଲ ହକ, ଶାକିବ ଅଲ ହାସନ, ମୁଶଫିକୁର ରହୀମ, ଲିଟନ ଦାସ, ମେହେନ୍ଦି ହାସନ ମେରାଜ, ତାଇଜୁଲ ଇସଲାମ, ନାହିଦ ରାଣା ଓ ହାସନ ମହମୁଦ / ତସ୍କିନ୍ ଅହମ୍ମଦ।

ପ୍ରଥମ ଟେଷ୍ଟରେ ଟିମ୍ ଇଣ୍ଡିଆର ସାମ୍ଭାବ୍ୟ ପ୍ଲେଇଂ ଇଲେଭେନ୍ - ରୋହିତ ଶର୍ମା (ଅଧିନାୟକ), ଯଶସ୍ୱୀ ଜୈସୱାଲ, ଶୁଭମାନ ଗିଲ, ବିରାଟ କୋହଲି, କେ.ଏଲ୍ ରାହୁଲ, ଋଷଭ ପନ୍ତ (ୱିକେଟ୍ କିପର), ରବିନ୍ଦ୍ର ଜାଡେଜା, ରବିଚନ୍ଦ୍ରନ୍ ଅଶ୍ୱିନ୍, କୁଲଦୀପ ଯାଦବ, ମହମ୍ମଦ ସିରାଜ ଓ ଜସପ୍ରୀତ ବୁମ୍ରା।