Team India New Coach: ପଣ୍ଟିଂ-ଲେଙ୍ଗରକୁ ଦିଆଯାଇନାହିଁ କୌଣସି କୋଚିଂ କରିବାକୁ ଅଫର, ଜୟ ଶାହ କହିଲେ 'ମିଛୁଆ'

Jay Shah On Team India New Coach: ଅଷ୍ଟ୍ରେଲୀୟ ଦୁଇ ପୂର୍ବତନ କ୍ରିକେଟର ରିକି ପଣ୍ଟିଙ୍ଗ ଓ ଜଷ୍ଟିନ ଲେଙ୍ଗରଙ୍କୁ ନେଇ ଖବର ଆସିଥିଲା ​​ଯେ ଉଭୟଙ୍କୁ ଟିମ୍ ଇଣ୍ଡିଆର ନୂତନ ମୁଖ୍ୟ କୋଚ୍ ପଦବୀ ପାଇଁ ବିସିସିଆଇ ପକ୍ଷରୁ ଯୋଗଯୋଗ କରାଯାଇଛି। ଯାହାକୁ ଜୟ ଶାହ ଅସ୍ୱୀକାର କରି ଦେଇଛନ୍ତି।

India's next head coach: ଟିମ୍ ଇଣ୍ଡିଆର ମୁଖ୍ୟ କୋଚ୍ ରାହୁଲ ଦ୍ରାବିଡଙ୍କ (Rahul Dravid) କାର୍ଯ୍ୟକାଳ ଜୁନ୍ ୨୦୨୪ ରେ ଶେଷ ହେବାକୁ ଯାଉଛି ଓ ବିସିସିଆଇ (BCCI) ମଧ୍ୟ ଏକ ନୂତନ ମୁଖ୍ୟ କୋଚ୍ ଖୋଜିବା ଆରମ୍ଭ କରିଛି। ନୂତନ ମୁଖ୍ୟ କୋଚ୍ ପଦ ପାଇଁ ବିସିସିଆଇ ଆବେଦନ କରିବା ଆରମ୍ଭ କରିଛି। ବିସିସିଆଇ ସଚିବ ଜୟ ଶାହା (Jay Shah) କହିଛନ୍ତି ଯେ ଏଥର ଜଣେ ବିଦେଶୀ କୋଚ୍ ମଧ୍ୟ ଏହି ପଦ ପାଇପାରନ୍ତି। ଏହା ପରେ ଗଣମାଧ୍ୟମରେ ବିଭିନ୍ନ ନାମ ବିଷୟରେ ଆଲୋଚନା ଆରମ୍ଭ ହୋଇଥିଲା। ଗଣମାଧ୍ୟମ ରିପୋର୍ଟ ଅନୁଯାୟୀ, ବିସିସିଆଇ ଅଷ୍ଟ୍ରେଲୀୟ ପୂର୍ବତନ କ୍ରିକେଟର ରିକି ପଣ୍ଟିଙ୍ଗ, ଜଷ୍ଟିନ ଲେଙ୍ଗର, ନ୍ୟୁଜିଲ୍ୟାଣ୍ଡର ପୂର୍ବତନ ଅଧିନାୟକ ଷ୍ଟିଫେନ ଫ୍ଲେମିଙ୍ଗ ଏବଂ ଗୌତମ ଗମ୍ଭୀରଙ୍କ ନିକଟକୁ ଯାଇ କୋଚ୍ ପଦ ପାଇଁ ଯୋଗାଯୋଗ କରିଥିଲେ କିନ୍ତୁ ରିକି ପଣ୍ଟିଂ ଓ ଜଷ୍ଟିନ ଲେଙ୍ଗର ମଧ୍ୟ ଖୋଲାଖୋଲି ଭାବେ ଭାରତୀୟ ମୁଖ୍ୟ କୋଚ୍ ପଦ ଗ୍ରହଣ କରିବାକୁ ମନା କରି ଦେଇଛନ୍ତି, ଏହା ଉପରେ ଜୟ ଶାହ ସ୍ପଷ୍ଟିକରଣ ଦେଇ କହିଛନ୍ତି ଯେ ସେ କିମ୍ବା କୌଣସି ବିସିସିଆଇ ଅଧିକାରୀ ଏହି ପଦ ପାଇଁ କୌଣସି ଅଷ୍ଟ୍ରେଲୀୟଙ୍କ ସହ ଯୋଗାଯୋଗ କରି ନାହାଁନ୍ତି।

ଜୟ ଶାହ ଏକ ବୟାନରେ କହିଛନ୍ତି, 'ଭାରତୀୟ କ୍ରିକେଟ୍ ଦଳ ପାଇଁ ଉପଯୁକ୍ତ କୋଚ୍ ବାଛିବା ଏକ ଲମ୍ବା ପ୍ରକ୍ରିୟା। ଆମେ ସେହି ଲୋକମାନଙ୍କୁ ଖୋଜୁଛୁ, ଯେଉଁମାନେ ଭାରତୀୟ କ୍ରିକେଟ୍ ଗଠନ ବିଷୟରେ ସମ୍ପୂର୍ଣ୍ଣ ବୁଝନ୍ତି। ଏହା ଜରୁରୀ ଯେ ନୂତନ ମୁଖ୍ୟ କୋଚଙ୍କ ଭାରତୀୟ ଘରୋଇ କ୍ରିକେଟ୍ ବିଷୟରେ ସମ୍ପୂର୍ଣ୍ଣ ବୁଝାମଣା ରହିଛି ଏବଂ ଭାରତୀୟ ଦଳକୁ ଆହୁରି ଆଗକୁ ନେବା ଉଚିତ୍। ଇଣ୍ଡିଆନ୍ ପ୍ରିମିୟର ଲିଗରେ ରିକି ପଣ୍ଟିଂ ଦିଲ୍ଲୀ ରାଜଧାନୀ ସହିତ ଜଷ୍ଟିନ ଲେଙ୍ଗର ଲକ୍ଷ୍ନୌ ସୁପର ଜିଆଣ୍ଟସ୍ ଏବଂ ଷ୍ଟିଫେନ୍ ଫ୍ଲେମିଂ ଚେନ୍ନାଇ ସୁପର କିଙ୍ଗ୍ସ ସହିତ ଜଡିତ ଅଛନ୍ତି। ଏହା ବ୍ୟତୀତ, ଯଦି ଆମେ ଗୌତମ ଗମ୍ଭୀରଙ୍କ ବିଷୟରେ କଥା ହେବା, ସେ କୋଲକାତା ନାଇଟ୍ ରାଇଡର୍ସର ମେଣ୍ଟର। ଯଦି ସେ ଭାରତର ମୁଖ୍ୟ କୋଚ୍ ହୁଅନ୍ତି ତାଙ୍କୁ ଆଇପିଏଲ୍ ଫ୍ରାଞ୍ଚାଇଜ୍ ଦଳ ଛାଡିବାକୁ ପଡିବ।

23rd May - Ricky Ponting and Justin Langer declined the BCCI's offer to Head Coach team India.

24th May - Jay Shah confirms the BCCI did not contact any Australian for the Head Coach post. pic.twitter.com/0zDYluDLN1

— Mufaddal Vohra (@mufaddal_vohra) May 24, 2024

ଆଇସିସିକୁ ଦିଆଯାଇଥିବା ଏକ ସାକ୍ଷାତକାରରେ ରିକି ପଣ୍ଟିଂ କହିଛନ୍ତି ଯେ ଆଇପିଏଲ ସମୟରେ ୱାନ୍ ଟୁ ୱାନ ଭାବେ କିଛି ଆଲୋଚନା ହୋଇଛି, ଏହା ଜାଣିବା ପାଇଁ ଯେ କ'ଣ ମୁଁ ଏହି ଭୂମିକା ଗ୍ରହଣ କରିବାକୁ ପ୍ରସ୍ତୁତ କି ନୁହଁ। ବିଭିନ୍ନ କାରଣ ଦର୍ଶାଇ ଉଭୟ ପଣ୍ଟିଂ ଓ ଲେଙ୍ଗର ଭାରତୀୟ ମୁଖ୍ୟ କୋଚ୍ ପଦ ଗ୍ରହଣ କରିବାକୁ ମନା କରି ଦେଇଛନ୍ତି। ତେବେ ଜୟ ଶାହଙ୍କ ଅନୁଯାୟୀ ବିସିସିଆଇ ଏମାନଙ୍କ ସହ କେବେବି ଯୋଗାଯୋଗ କରି ନାହିଁ।