India vs New Zealand 3rd T20I Live Update: ଶୁବମାନ ଗିଲ ଏହି ମ୍ୟାଚରେ ଏକ ଚମତ୍କାର ଇନିଂସ ଖେଳିଥିଲେ ଓ ତାଙ୍କ ଟି-20 କ୍ୟାରିୟରର ପ୍ରଥମ ଶତକ ସ୍କୋର କରିଥିଲେ । ସେ ଟି-୨୦ ରେ ଭାରତ ପାଇଁ ଗୋଟିଏ ଇନିଂସରେ ସର୍ବାଧିକ ରନ୍ ସ୍କୋରର ହୋଇଛନ୍ତି ।
Trending Photos
5
12
10
5 "ସାଙ୍କେତିକ ଛବି")
India vs New Zealand 3rd T20I Live Update: ତୃତୀୟ ଟି-୨୦ ମ୍ୟାଚରେ ଭାରତ ନ୍ୟୁଜିଲ୍ୟାଣ୍ଡକୁ ୧୬୮ ରନରେ ପରାସ୍ତ କରିଛି । ଏହାସହ ଟିମ୍ ଇଣ୍ଡିଆ ୩ ମ୍ୟାଚ ବିଶିଷ୍ଟ ଟି-୨୦ ସିରିଜ୍କୁ ୨-୧ରେ ଜିତି ନେଇଛି । ବାସ୍ତବରେ ନ୍ୟୁଜିଲାଣ୍ଡ ଜିତିବା ପାଇଁ ୨୩୫ ରନର ଲକ୍ଷ୍ୟ ପାଇଥିଲା, କିନ୍ତୁ ପୂରା ଦଳ ମାତ୍ର ୬୬ ରନରେ ଅଲ ଆଉଟ ହୋଇ ଯାଇଛି । କ୍ୟାପଟେନ ହାର୍ଦ୍ଦିକ ପାଣ୍ଡ୍ୟା ଭାରତ ପାଇଁ ସର୍ବାଧିକ ୪ ୱିକେଟ୍ ନେଇଥିଲେ । ଅର୍ଶଦୀପ ସିଂ, ଉମ୍ରାନ ମଲିକ ଓ ଶିବମ ମାଭି ୨ଟି ଲେଖାଏଁ ସଫଳତା ପାଇଥିଲେ । ଟି-୨୦ ଫର୍ମାଟରେ ଏହା ହେଉଛି ଭାରତର ଦ୍ୱିତୀୟ ବଡ ବିଜୟ । ଟିମ୍ ଇଣ୍ଡିଆ (Team India) ସିରିଜର ପ୍ରଥମ ମ୍ୟାଚ୍ ହାରିଥିଲା କିନ୍ତୁ ଏହା ପରେ ପାଣ୍ଡ୍ୟାଙ୍କ ନେତୃତ୍ୱରେ ଦଳ ଚମତ୍କାର ପ୍ରତ୍ୟାବର୍ତ୍ତନ କରି କ୍ରମାଗତ ଦୁଇଟି ମ୍ୟାଚ୍ ଜିତି ସିରିଜ୍ ଜିତି ନେଇଥିଲା ।ଏହାପୂର୍ବରୁ ଆୟର୍ଲାଣ୍ଡକୁ ଭାରତ ୧୪୩ ରନରେ ପରାସ୍ତ କରିଥିଲା ।
ନ୍ୟୁଜିଲ୍ୟାଣ୍ଡ ପାଇଁ ଡେରି ମିଚେଲ ସର୍ବାଧିକ ୩୫ ରନ୍ ସଂଗ୍ରହ କରିଥିଲେ । ସେ ନିଜ ଇନିଂସରେ ଗୋଟିଏ ଚୌକା ଓ ୩ଟି ଛକା ମାରିଥିଲେ । ଅଧିନାୟକ ମିଚେଲ ସାଣ୍ଟନର୍ ୧୩ ରନ୍ ସଂଗ୍ରହ କରିଥିଲେ । ଏହିପରି, କେବଳ ଦୁଇ ନ୍ୟୁଜିଲ୍ୟାଣ୍ଡର ବ୍ୟାଟ୍ସମ୍ୟାନ୍ ଡବଲ୍ ଫିଗର୍ ଅତିକ୍ରମ କରିପାରନ୍ତି । କିୱି ଦଳର ୯ ଜଣ ବ୍ୟାଟ୍ସମ୍ୟାନ୍ ଦୁଇ ଅଙ୍କ ଛୁଇଁ ପାରିନଥିଲେ । ଭାରତ ପାଇଁ କ୍ୟାପଟେନ ହାର୍ଦ୍ଦିକ ପାଣ୍ଡ୍ୟା ୪ ଓଭରରେ ୧୬ ରନ୍ ଦେଇ ୪ ଖେଳାଳିଙ୍କୁ ଶିକାର କରିଥିଲେ । ଅର୍ଶଦୀପ ସିଂ ୩ ଓଭରରେ ୧୬ ରନ୍ ଦେଇ ୨ ୱିକେଟ୍ ନେଇଥିଲେ । ୨.୧ ଓଭରରେ ୯ ରନ୍ ଦେଇ ଉମାରନ୍ ମଲିକ୍ ୨ ଖେଳାଳିଙ୍କୁ ଆଉଟ୍ କରିଥିଲେ । ଏହା ବ୍ୟତୀତ ଶିବମ ମାଭି ୨ ଓଭରରେ ୧୨ ରନ୍ ଦେଇ ୨ ଜଣ ବ୍ୟାଟ୍ସମ୍ୟାନଙ୍କୁ ପାଭିଲିୟନର ରାସ୍ତା ଦେଖାଇଥିଲେ ।
