Asia Cup 2022: କୋରୋନା ପଜିଟିଭ ଅଛନ୍ତି ଦ୍ରାବିଡ, ଏସିଆ କପରେ କୋଚ୍ ଭାର ସମ୍ଭାଳିବେ ଏହି ପୂର୍ବତନ ଖେଳାଳି

Asia Cup 2022: ଏସିଆ କପ୍ ୨୦୨୨ ଯିବା ପୂର୍ବରୁ ଟିମ୍ ଇଣ୍ଡିଆର (Team India) ମୁଖ୍ୟ ପ୍ରଶିକ୍ଷକ କୋରୋନା ପଜିଟିଭ୍ ହୋଇଛନ୍ତି । ଏଭଳି ପରିସ୍ଥିତିରେ, ଏହି ବଡ ଟୁର୍ଣ୍ଣାମେଣ୍ଟ ପାଇଁ ବିସିସିଆଇ (BCCI) ଜିମ୍ବାୱେରୁ ଦୁବାଇକୁ ଭିଭିଏସ୍ ଲକ୍ଷ୍ମଣଙ୍କୁ ସିଧାସଳଖ ପଠାଇଛି ।

VVS Laxman named interim Head Coach for Asia Cup 2022: ଟିମ୍ ଇଣ୍ଡିଆର ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡ (Rahul Dravid)  ଦଳ ସହ ଏସିଆ କପ୍ 2022 ପାଇଁ ଦୁବାଇ ଯିବାର ଥିଲା, କିନ୍ତୁ ଏହାପୂର୍ବରୁ ସେ କୋରୋନା ପଜିଟିଭ୍ ହୋଇଥିବା ଜଣାପଡିଥିଲା ​ଓ ସେ ଭାରତରେ ଅଛନ୍ତି । ଏଭଳି ପରିସ୍ଥିତିରେ ବିସିସିଆଇ (BCCI) ପୂର୍ବତନ କ୍ରିକେଟର ତଥା ନ୍ୟାସନାଲ କ୍ରିକେଟ୍ ଏକାଡେମୀ (ଏନସିଏ) ମୁଖ୍ୟ ଭିଭିଏସ୍ ଲକ୍ଷ୍ମଣଙ୍କୁ (VVS Laxman) ଟିମ୍ ଇଣ୍ଡିଆର (Team India) ମୁଖ୍ୟ କୋଚ୍ କରି ତାଙ୍କୁ ଦୁବାଇକୁ ପଠାଇଛି ।

ବିସିସିଆଇ ସୂଚନା ଦେଇଛି ଯେ ୟୁଏଇରେ ଖେଳାଯିବାକୁ ଥିବା ଆଗାମୀ ଏସିଆ କପ୍ ୨୦୨୨ (Asia Cup 2022) ପାଇଁ ଭିଭିଏସ୍ ଲକ୍ଷ୍ମଣ ଟିମ୍ ଇଣ୍ଡିଆ ପାଇଁ ମଧ୍ୟବର୍ତ୍ତୀକାଳୀନ ମୁଖ୍ୟ ପ୍ରଶିକ୍ଷକ ହେବେ । ଜିମ୍ବାୱେରେ ODI ସିରିଜ୍ ଖେଳୁଥିବା ଭାରତୀୟ ଦଳ ସହିତ ଯାତ୍ରା କରିଥିବା ଲକ୍ଷ୍ମଣ ରାହୁଲ ଦ୍ରାବିଡଙ୍କ ଅନୁପସ୍ଥିତିରେ ଦଳର ପ୍ରସ୍ତୁତିର ତଦାରଖ କରିବେ, ଯିଏକି ୟୁଏଇକୁ ଯିବା ପୂର୍ବରୁ କୋରୋନା ପଜିଟିଭ୍ ହୋଇଛନ୍ତି ।

କୋଭିଡ-୧୯ ଟେଷ୍ଟରେ ନେଗେଟିଭ୍ ହେବା ପରେ ଦ୍ରାବିଡ ଦଳରେ ଯୋଗଦେବେ ଓ ବିସିସିଆଇ ମେଡିକାଲ ଟିମ୍ ଦ୍ୱାରା ତାହା କ୍ଳିଅର କରାଯିବ । ଭିଭିଏସ୍ ଲକ୍ଷ୍ମଣ ହରାରେ ଆସିଥିବା ଦଳର ଉପ-ଅଧିନାୟକ କେ.ଏଲ୍ ରାହୁଲ, ଦୀପକ ହୁଡା ଓ ଆବେଶ ଖାନଙ୍କ ସହ ଦୁବାଇରେ ପହଞ୍ଚିଛନ୍ତି ।

ଏସିଆ କପ୍ ୨୦୨୨ ରେ ଭାରତ ଓ ପାକିସ୍ତାନକୁ ପରସ୍ପର ବିପକ୍ଷରେ ପ୍ରଥମ ମ୍ୟାଚ୍ ଖେଳିବାକୁ ପଡିବ । ୨୮ ଅଗଷ୍ଟରେ, ଏସିଆ କପ୍ ର ଦ୍ୱିତୀୟ ମ୍ୟାଚ୍ ଦୁବାଇରେ ଭାରତ ଓ ପାକିସ୍ତାନ ମଧ୍ୟରେ ଖେଳାଯିବ । କେବଳ ଏହି ଦୁଇ ଦେଶର କ୍ରିକେଟ୍ ପ୍ରଶଂସକଙ୍କ ପାଇଁ ନୁହେଁ, ବରଂ ସମଗ୍ର ବିଶ୍ୱରେ କ୍ରିକେଟ୍ ପ୍ରଶଂସକଙ୍କ ପାଇଁ ଭାରତ ଓ ପାକିସ୍ତାନ ମଧ୍ୟରେ ମ୍ୟାଚ୍ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ । ଏହି ହାଇ ଭୋଲଟେଜ୍ ମ୍ୟାଚ୍ ପୂର୍ବରୁ ପାକିସ୍ତାନର ପୂର୍ବତନ ଅଧିନାୟକ ତଥା ପ୍ରସିଦ୍ଧ ଫାଷ୍ଟ ବୋଲର ୱାସିମ ଆକ୍ରାମ ସବୁଠାରୁ ବିପଜ୍ଜନକ ଭାରତୀୟ ବ୍ୟାଟ୍ସମ୍ୟାନଙ୍କ ବିଷୟରେ ନିଜର ମତ ରଖିଛନ୍ତି । ଏହି ପ୍ରସଙ୍ଗରେ ଆକ୍ରାମ ରୋହିତ ଶର୍ମା, ବିରାଟ କୋହଲି କିମ୍ବା କେ.ଏଲ୍ ରାହୁଲଙ୍କ ନାମ ନେଇନାହାଁନ୍ତି, କିନ୍ତୁ ସୂର୍ଯ୍ୟକୁମାର ଯାଦବଙ୍କୁ ସବୁଠାରୁ ବିପଜ୍ଜନକ ଭାରତୀୟ ବ୍ୟାଟ୍ସମ୍ୟାନ୍ ବୋଲି ବର୍ଣ୍ଣନା କରିଛନ୍ତି ।

ସୂର୍ଯ୍ୟକ୍ୟୁମର ହାରାହାରି ୩୭.୩୩ ରେ ୨୩ ଟି-୨୦ ଇଣ୍ଟରନ୍ୟାସନାଲରେ ୬୭୨ ରନ୍ ସ୍କୋର କରିଛନ୍ତି । ଯେଉଁଥିରେ ପାଞ୍ଚ ଅର୍ଦ୍ଧଶତକ ଓ ଗୋଟିଏ ଶତକ ମାରିଛନ୍ତି । ୧୭୫ ରୁ ଅଧିକ ଷ୍ଟ୍ରାଇକ୍ ରେଟରେ ସୂର୍ଯ୍ୟକୁମାର ରନ୍ ସ୍କୋର କରିଛନ୍ତି ଓ ନିକଟ ଅତୀତରେ ଟିମ୍ ଇଣ୍ଡିଆର ମ୍ୟାଚ୍ ବିଜେତା ଖେଳାଳି ବୋଲି ପ୍ରମାଣିତ କରିଛନ୍ତି ।