T20 World Cup 2022: ଟି-20 ବିଶ୍ୱକପରେ ଏହା ହେଉଛି ଭାରତର ସବୁଠାରୁ ବଡ଼ ଦୁର୍ବଳତା, ରୋହିତ-ଦ୍ରାବିଡଙ୍କୁ ଦୂର କରିବାକୁ ପଡ଼ିବ ଏହି ସମସ୍ୟା

T20 World Cup 2022: ଟି-20 ବିଶ୍ୱକପ 2022 ଟୁର୍ଣ୍ଣାମେଣ୍ଟ ପୂର୍ବରୁ ଅଧିନାୟକ ରୋହିତ ଶର୍ମା ଓ କୋଚ୍ ରାହୁଲ ଦ୍ରାବିଡଙ୍କ ପାଇଁ ଚ୍ୟାଲେଞ୍ଜ ଆହୁରି ବୃଦ୍ଧି ପାଇଛି । କାରଣ ଅନେକ ଭଲ ଖେଳାଳି ଦଳରେ ସାମିଲ ନାହାଁନ୍ତି । କିନ୍ତୁ ଦଳ ଦୁର୍ବଳ ବୋଲି କୁହାଯାଇପାରିବ ନାହିଁ ।

ନୂଆଦିଲ୍ଲୀ: T20 World Cup 2022: ଗତ ବର୍ଷ ଟି-୨୦ ବିଶ୍ୱକପ (T20 World Cup 2022) ରେ ଭାରତୀୟ ଦଳ ଗ୍ରୁପ୍‌ ଷ୍ଟେଜରୁ ବାଦ ପଡ଼ିଥିଲା । କିନ୍ତୁ ଏଥର କାହାଣୀଟି ସମ୍ପୂର୍ଣ୍ଣ ବଦଳୁ ଥିବାର ଦେଖାଯାଉଛି । ରୋହିତ ଶର୍ମା (Rohit Sharma) ଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ (Team India) ଟାଇଟଲ୍ ଜିତିବାର ପ୍ରବଳ ମଜବୁତ ଦାବିଦାର ଭାବେ ନଜରକୁ ଆସୁଛି । କିନ୍ତୁ ଅଧିନାୟକ ରୋହିତ ଶର୍ମା ଓ କୋଚ୍ ରାହୁଲ ଦ୍ରାବିଡ (Rahul Dravid) ଙ୍କୁ ଟିମ୍ ଇଣ୍ଡିଆର ଟି-20 ବିଶ୍ୱକପରେ ଏକ ବଡ଼ ସମସ୍ୟା ଦୂର କରିବାକୁ ପଡ଼ିବ । ନଚେତ୍ ଭାରତୀୟ ଦଳର ଟାଇଟଲ୍ ଜିତିବାର ସ୍ୱପ୍ନ ଧୂଳିସାତ୍ ହୋଇପାରେ । ଟୁର୍ଣ୍ଣାମେଣ୍ଟ ପୂର୍ବରୁ ଅଧିନାୟକ ରୋହିତ ଶର୍ମା ଓ କୋଚ୍ ରାହୁଲ ଦ୍ରାବିଡଙ୍କ ପାଇଁ ଚ୍ୟାଲେଞ୍ଜ ଆହୁରି ବୃଦ୍ଧି ପାଇଛି । କାରଣ ଅନେକ ଭଲ ଖେଳାଳି ଦଳରେ ସାମିଲ  ନାହାଁନ୍ତି । କିନ୍ତୁ ଦଳ ଦୁର୍ବଳ ବୋଲି କୁହାଯାଇପାରିବ ନାହିଁ । 

ଆହତ କାରଣରୁ ଘାତକ ବୋଲର ଜସପ୍ରୀତ ବୁମ୍ରା ଓ ରବିନ୍ଦ୍ର ଜାଡେଜା ଟି-20 ବିଶ୍ୱକପ ୨୦୨୨ରେ ଅଂଶ ଗ୍ରହଣ କରିପାରି ନାହାଁନ୍ତି । ଏଥି ସହ ଦୀପକ ଚହର ମଧ୍ୟ ଆହତ କାରଣରୁ ଟି-20 ବିଶ୍ୱକପରୁ ବାଦ୍ ପଡ଼ିଛନ୍ତି । ଟି-୨୦ ବିଶ୍ୱକପ ପାଇଁ ଭାରତୀୟ ଦଳର ବୋଲିଂ ଦୁର୍ବଳ ଦେଖାଯାଉଛି । ଡେଥ୍ ଓଭର୍ସରେ ବୋଲିଂ ପାଇଁ ଭାରତ ପାଖରେ ଭୁବନେଶ୍ୱର କୁମାର ଓ ଅର୍ଶଦୀପ ସିଂ ଅଛନ୍ତି । କିନ୍ତୁ ଏହି ଉଭୟ ଖେଳାଳି ଡେଥ୍ ଓଭରରେ ବୋଲିଂ କରୁଥିବା ବେଳେ ଏସିଆ କପ ୨୦୨୨ରେ ବହୁ ରନ୍ ପ୍ରଦାନ କରିଥିଲେ । ଏଥି ସହିତ କିଛି ସମୟ ଧରି ହର୍ଷଲ ପଟେଲ ମହଙ୍ଗା ହୋଇଥିବା ପ୍ରମାଣିତ ହୋଇଛି । ଜସପ୍ରୀତ ବୁମ୍ରାଙ୍କ ସ୍ଥାନରେ ଟିମରେ ସାମିଲ ହୋଇଥିବା ମହମ୍ମଦ ଶାମି ଗତ ଏକ ବର୍ଷ ମଧ୍ୟରେ ଭାରତ ପାଇଁ ଅନ୍ତର୍ଜାତୀୟ ଟି-20 ମ୍ୟାଚ୍ ଖେଳି ନାହାଁନ୍ତି ।

ଅଧିକ ପଢ଼ନ୍ତୁ:-ଟି-20 ବିଶ୍ୱକପ ଆରମ୍ଭରେ ବଡ଼ ଚମତ୍କାର, ଏସିଆ ଚାମ୍ପିଆନ ଶ୍ରୀଲଙ୍କାକୁ ପରାସ୍ତ କଲା ନାମିବିଆ

ଅଧିକ ପଢ଼ନ୍ତୁ:-ଗୁଜୁରାଟ ଓ ହିମାଚଳ ପ୍ରଦେଶରେ କିଏ ଗଢ଼ିବ ସରକାର; ବିଜେପି ନା କଂଗ୍ରେସ, ନା ଖେଳ ବିଗାଡ଼ିବ ଆପ୍? ଜାଣନ୍ତୁ ନିର୍ବାଚନ ପୂର୍ବରୁ କ'ଣ କହୁଛି ଏହି ନୂଆ ସର୍ଭେ

ଅଧିକ ପଢ଼ନ୍ତୁ:-ଟିମ୍ ଇଣ୍ଡିଆର ଏହି ଦ୍ରୁତ ବୋଲରଙ୍କ ଆରମ୍ଭ ହେଲା ଖରାପ ଦିନ! ରୋହିତ ଶର୍ମା ହଠାତ୍ କଲେ ବାହାର

ଗତ ବର୍ଷର ଟି-20 ବିଶ୍ୱକପ ପରେ ବିରାଟ କୋହଲି ଓ ରବି ଶାସ୍ତ୍ରୀଙ୍କ ସ୍ଥାନରେ ରୋହିତ ଶର୍ମା ଓ ରାହୁଲ ଦ୍ରାବିଡଙ୍କ ଯୋଡ଼ି ଦାୟିତ୍ୱ ଗ୍ରହଣ କରିଥିଲେ । ବର୍ତ୍ତମାନର ଦଳ ପରିଚାଳନା ଅଧୀନରେ ଭାରତ ଦ୍ୱିପାକ୍ଷିକ ଟି-20 ସିରିଜରେ ବହୁତ ସଫଳତା ହାସଲ କରିଛି, କିନ୍ତୁ ଏସିଆ କପ୍ ପରାଜୟ ସେମାନଙ୍କୁ ଜାଗ୍ରତ କରିଛି । ଯେତେବେଳେ ଦ୍ରାବିଡ ଓ ରୋହିତ ଦାୟିତ୍ୱ ଗ୍ରହଣ କଲେ, ସେମାନେ ଏକ ସକରାତ୍ମକ ମନୋଭାବ ଓ ଉଦ୍ଦେଶ୍ୟ ବିଷୟରେ କଥାବାର୍ତ୍ତା ହେଲେ, ଯାହା ଟି-20ରେ ଦଳର ଖେଳ ଶୈଳୀରେ ସ୍ପଷ୍ଟ ରୂପେ ଦେଖାଯାଏ । ସାମ୍ବାଦିକ ସମ୍ମିଳନୀରେ ରୋହିତ ଶର୍ମା କହିଛନ୍ତି ଯେ, "ଆପଣ ଆଘାତରେ ନିରାଶା ଦେଖିପାରିବେ ନାହିଁ, ଆପଣଙ୍କୁ ଆଗକୁ ଦେଖିବାକୁ ପଡ଼ିବ ଯେ ଆମେ କ'ଣ କରିପାରିବା । ଆମେ ଆମର ଅନ୍ୟ ଖେଳାଳୀଙ୍କୁ ସମର୍ଥନ କରିଛୁ ଓ ଆମେ ସେମାନଙ୍କୁ ସମର୍ଥନ କରୁଛୁ ।"