ଜିମ୍ବାୱେ ଗସ୍ତ ପୂର୍ବରୁ ଭାରତକୁ ଝଟକା; ଆହତ ହେଲେ ଏହି ବଡ ଖେଳାଳି

Washington Sundar injured: ଜିମ୍ବାୱେ ଗସ୍ତରେ ତିନି ମ୍ୟାଚ୍ ବିଶିଷ୍ଟ ODI ସିରିଜ୍ ପାଇଁ ଭାରତ ୧୫ ଜଣିଆ ଦଳ ଘୋଷଣା କରିଛି । ଶିଖର ଧାୱନ ପୁଣି ଥରେ ଭାରତୀୟ ଦଳର ଅଧିନାୟକ ହେବେ । ଏହି ସିରିଜରୁ ବଡ ଖେଳାଳି ମାନଙ୍କୁ ବିଶ୍ରାମ ଦିଆଯାଇଛି ।

India vs Zimbabwe ODIs: ଅନ୍ତର୍ଜାତୀୟ ସ୍ତରରେ ନିଜର ସର୍ବୋତ୍ତମ ପ୍ରଦର୍ଶନ ଆଧାରରେ ଖେଳାଳିମାନେ ଦଳରେ ରହିଥା’ନ୍ତି । ଅନେକ କାରଣରୁ କେତେକ ଖେଳାଳି ମଧ୍ୟ ଦଳ ବାହାରେ ଥିବାବେଳେ, ଆଘାତ ଯୋଗୁଁ ଖୁବ୍ କମ୍ ଖେଳାଳି ଦଳ ବାହାରେ ରହିଛନ୍ତି । ଏଥିରେ ଭାରତର ୱାଶିଂଟନ୍ ସୁନ୍ଦରଙ୍କ (Washington Sundar) ନାମ ତୃତୀୟ ବର୍ଗରେ ଫିଟ୍ ହୋଇଛନ୍ତି । କାରଣ ଅନେକ ଥର ଏପରି ହୋଇଛି, ଯେତେବେଳେ ସୁନ୍ଦରଙ୍କୁ ଏକ ସିରିଜ୍ ପାଇଁ ଦଳରେ ଚୟନ କରାଯାଇଥାଏ ଓ ଠିକ ସିରିଜ୍ ଆରମ୍ଭ ହେବାର କିଛି ଦିନ ପୂର୍ବରୁ ସେ ଆହତ ହୋଇଯାଇଥାନ୍ତି ।

ଅଗଷ୍ଟ ୧୮ ରୁ ୨୨ ପର୍ଯ୍ୟନ୍ତ ଜିମ୍ବାୱେ ଗସ୍ତରେ ଭାରତକୁ ତିନି ମ୍ୟାଚ୍ ବିଶିଷ୍ଟ ODI ସିରିଜ୍ ଖେଳିବାକୁ ପଡିବ, ଯେଉଁଥି ପାଇଁ ୱାଶିଂଟନ୍ ସୁନ୍ଦରଙ୍କୁ ମଧ୍ୟ ଚୟନ କରାଯାଇଛି । କିନ୍ତୁ ପୁଣି ଥରେ ଆଘାତ ହେବା, ଏହି ଅଲରାଉଣ୍ଡରଙ୍କ ସମସ୍ୟାକୁ ଆହୁରି ବଢ଼ାଇ ଦେଇଛି । ୧୧ ଅଗଷ୍ଟରେ ମଞ୍ଚେଷ୍ଟରରେ ରୟାଲ ଲଣ୍ଡନର ଏକ ଦିନିକିଆ କପ ମ୍ୟାଚରେ ଭାରତ ଅଲରାଉଣ୍ଡରଙ୍କ କାନ୍ଧରେ ଆଘାତ ଲାଗିଥିଲା । ଏକ ମିଡିଆ ପୋଷ୍ଟରେ ଲଙ୍କାଶିର୍ ଏହା ନିଶ୍ଚିତ କରିଛନ୍ତି । ମ୍ୟାଚ୍ ସମୟରେ ସୁନ୍ଦରଙ୍କ କାନ୍ଧରେ ଆଘାତ ଲାଗିଥିଲା । ଫିଲ୍ଡରେ ଚିକିତ୍ସା ପରେ ସେ ଷ୍ଟାଡିୟମ ଛାଡିବାକୁ ସ୍ଥିର କରିଥିଲେ । ଯଦିଓ ତାଙ୍କ ଆଘାତ କେତେ ଗମ୍ଭୀର । ଏ ବିଷୟରେ କୌଣସି ସୂଚନା ମିଳିପାରି ନାହିଁ ।

ଲାନକାଶିର୍ ଟ୍ୱିଟ୍ କରି କହିଛନ୍ତି, "ୱାଶିଂଟନ୍ ସୁନ୍ଦର ଭାରସାମ୍ୟ ହରାଇ ପଡିବା ପରେ ବାମ କାନ୍ଧରେ ଚିକିତ୍ସା କରିବା ସତ୍ତ୍ୱେ ପଡ଼ିଆ ଛାଡିଛନ୍ତି । ବଲ ସହିତ ଏପର୍ଯ୍ୟନ୍ତ କୌଣସି ସଫଳତା ମିଳିନାହିଁ । ୨୭-୦ (୮) ।"

ୱର୍କେଷ୍ଟେରେଶର୍ ବିପକ୍ଷ ମ୍ୟାଚରେ ୱାଶିଂଟନ୍ ସୁନ୍ଦର ଆହତ ହୋଇଥିଲେ, ଯାହାକୁ ଲାନକାଶିର୍ ୬ ୱିକେଟୀରେ ଜିତିଥିଲା । ୨୨ ବର୍ଷୀୟ ଅଲରାଉଣ୍ଡର ଅଗଷ୍ଟ ୧୮ ରୁ ଜିମ୍ବାୱେ ବିପକ୍ଷ ଆଗାମୀ ତିନି ମ୍ୟାଚ୍ ବିଶିଷ୍ଟ ODI ସିରିଜ୍ ପାଇଁ ଭାରତ ଦଳର ଏକ ଅଂଶ । କିନ୍ତୁ ଏହି ଆଘାତ ଯୋଗୁଁ ତାଙ୍କର ଏହି ସିରିଜରେ ଖେଳିବାକୁ ନେଇ ସନ୍ଦେହ ସୃଷ୍ଟି ହୋଇଛି ।

ଚଳିତ ବର୍ଷ ଆରମ୍ଭରେ ଆଇପିଏଲରେ ସେ ବୋଲିଂ କରିବା ସମୟ ବାହୁରେ ଆଘାତ ପାଇଥିଲେ, ସେବେଠାରୁ ଏପର୍ଯ୍ୟନ୍ତ ସୁନ୍ଦର କୌଣସି ଏକ ଆନ୍ତର୍ଜାତୀୟ ମ୍ୟାଚ୍ ଖେଳି ନାହାଁନ୍ତି । ତେବେ ସେ କାଉଣ୍ଟି କ୍ରିକେଟ୍ ଫେରିଛନ୍ତି ଓ ଚାରି ମାସ ପରେ ଜିମ୍ବାୱେ ବିପକ୍ଷ ଆଗାମୀ ସିରିଜ୍ ପାଇଁ ସେ ଭାରତ ମୁଖ୍ୟ ଦଳକୁ ଫେରିବାକୁ ଯାଉଥିଲେ ।

ଏହା ବି ପଢ଼ନ୍ତୁ: ଆଜିଠାରୁ ଏହି ସହର ଗୁଡିକରେ ୬ ଦିନ ପର୍ଯ୍ୟନ୍ତ ବନ୍ଦ ରହିବ ବ୍ୟାଙ୍କ; ଦେଖନ୍ତୁ ପୂରା ଲିଷ୍ଟ

ଏହା ବି ପଢ଼ନ୍ତୁ: ରାଜଧାନୀରେ ବାଧ୍ୟତାମୂଳକ ହେଲା ମାସ୍କ ଲଗାଇବା, ଅବମାନନା କଲେ ଦେବାକୁ ହେବ ଜରିମାନା