ବାବର ଆଜମଙ୍କ ଟ୍ୱିଟର ଜବାବ ଦେଲେ ବିରାଟ କୋହଲି; ଜାଣନ୍ତୁ କ'ଣ ଲେଖିଲେ

Virat Kohli replies to Babar Azam: ବାବର ଆଜମ ଶୁକ୍ରବାର ଦିନ ବିରାଟ କୋହଲିଙ୍କୁ ନେଇ ଏକ ଟ୍ୱିଟ କରିଥିଲେ । ବର୍ତ୍ତମାନ କୋହଲି ଏହାର ଜବାବ ଦେଇଛନ୍ତି ।

Virat Kohli Babar Azam News: ଟିମ୍ ଇଣ୍ଡିଆର ଭେଟେରାନ ଖେଳାଳି ବିରାଟ କୋହଲି ଖରାପ ଫର୍ମ ସହ ସଂଘର୍ଷ କରୁଛନ୍ତି । ଏହାକୁ ନେଇ ପାକିସ୍ତାନ କ୍ରିକେଟର ବାବର ଆଜମ କୋହଲିଙ୍କ ପାଇଁ ଏକ ଟ୍ୱିଟ କରିଛନ୍ତି । ଏହି ଟ୍ୱିଟରେ ସେ କୋହଲିଙ୍କୁ ଦୃଢ଼ ରହିବାକୁ କହିଛନ୍ତି । ବାବର ଶୁକ୍ରବାର ଏହି ଟ୍ୱିଟ୍ କରିଥିଲେ । ଶନିବାର ଦିନ କୋହଲି ଏହାର ଉତ୍ତର ଦେଇଛନ୍ତି । ବାବରଙ୍କ ଟ୍ୱିଟର କୋହଲି ଜବାବ ଦେବା ଉଚିତ ବୋଲି ସହିଦ ଆଫ୍ରିଦି ମଧ୍ୟ ପ୍ରତିକ୍ରିୟା ଦେଇଥିଲେ ।

କୋହଲିଙ୍କ ସହ ଏକ ଫଟୋ ସେୟାର କରି ବାବର ଟ୍ୱିଟ୍ କରି ଲେଖିଥିଲେ, "ଏଥର ମଧ୍ୟ ପାସ୍ ହେବ, ତୁମେ ଦୃଢ଼ ରୁହ ।" କୋହଲି ଏହାର ଜବାବରେ ଲେଖିଛନ୍ତି, "ଧନ୍ୟବାଦ, ଆପଣ ଚମକିବା ଜାରି ରଖନ୍ତୁ ଓ ଆଗକୁ ବଢ଼ନ୍ତୁ । ଶୁଭେଚ୍ଛା ।''

ପାକିସ୍ତାନ ଖେଳାଳି ବାବରଙ୍କ ଟ୍ୱିଟ ପରେ ପୂର୍ବତନ କ୍ରିକେଟର ସହିଦ ଆଫ୍ରିଦି ପ୍ରତିକ୍ରିୟା ଦେଇ କହିଥିଲେ ଯେ କୋହଲି ଏହାର ଉତ୍ତର ଦିଅନ୍ତୁ । ମିଡିଆ ରିପୋର୍ଟ ଅନୁଯାୟୀ ସେ କହିଛନ୍ତି ଯେ ବାବର ଆଜମ ବିରାଟଙ୍କୁ ଟ୍ୱିଟ କରି ବହୁତ ଭଲ ବାର୍ତ୍ତା ଦେଇଛନ୍ତି । ସେ ଏହା ଉପରେ ପ୍ରତିକ୍ରିୟା ଦେଇଛନ୍ତି କି ନାହିଁ ମୁଁ ଜାଣେ ନାହିଁ । କିନ୍ତୁ ମୋ ମତରେ କୋହଲି ଏହାର ଉତ୍ତର ଦେବା ଉଚିତ୍ ।

ବାବରଙ୍କୁ ପାକିସ୍ତାନର ପ୍ରାୟତଃ ପୂର୍ବତନ ଭାରତୀୟ ଅଧିନାୟକ ବିରାଟ କୋହଲିଙ୍କ ସହ ତୁଳନା କରାଯାଏ । ବାବର ବର୍ତ୍ତମାନ ଭଲ ଫର୍ମରେ ଅଛନ୍ତି । ସେ ଟି-୨୦ ଓ ODI ରେ ଆଇସିସି ର଼୍ୟାଙ୍କିଙ୍ଗର ଶୀର୍ଷରେ ଥିବାବେଳେ, ଟେଷ୍ଟରେ ଚତୁର୍ଥ ସ୍ଥାନରେ ଅଛନ୍ତି ।