T20 World Cup ପାଇଁ କେବେ ହେବ ଟିମ୍ ଇଣ୍ଡିଆର ଘୋଷଣା, ସ୍ଥାନ ପାଇବେ କି ବୁମ୍ରା? ଏଠାରେ ଜାଣନ୍ତୁ

T20 World Cup 2022: ଭାରତୀୟ ଦଳ ବର୍ତ୍ତମାନ ଏସିଆ କପ୍ -୨୦୨୨ (Asia Cup-2022) ରେ ବ୍ୟସ୍ତ ଅଛି ଓ ଏହା ପରେ ଦଳର ମୁଖ୍ୟ ଲକ୍ଷ୍ୟ ଟି-୨୦ ବିଶ୍ୱକପ୍ (T20 World Cup) ହେବ । ଯେଉଁଥିପାଇଁ ଦଳ ଘୋଷଣା କରିବାର ଶେଷ ତାରିଖ ୧୫ ସେପ୍ଟେମ୍ବର ରହିଛି ।

T20 World Cup 2022, Team India: ଭାରତୀୟ ଦଳ (Team India) ବର୍ତ୍ତମାନ ଏସିଆ କପ୍ -୨୦୨୨ (Asia Cup-2022) ଖେଳିବାରେ ବ୍ୟସ୍ତ ଅଛି । ଏହି ଟାଇଟଲ୍ ଜିତିବା ପାଇଁ ଟିମ୍ ଇଣ୍ଡିଆକୁ ଏକ ଶକ୍ତିଶାଳୀ ପ୍ରତିଦ୍ୱନ୍ଦ୍ୱୀ ଭାବରେ ବିବେଚନା କରାଯାଏ । ଏହା ପରେ ଟିମ୍ ଇଣ୍ଡିଆର ପରବର୍ତ୍ତୀ ଲକ୍ଷ୍ୟ ହେଉଛି ଅକ୍ଟୋବରରୁ ଆରମ୍ଭ ହେଉଥିବା ଟି -୨୦ ବିଶ୍ୱକପ୍ (T20 World Cup) ଟାଇଟଲକୁ ଜିତିବା । ଏହି ବିଶ୍ୱକପ ଅଷ୍ଟ୍ରେଲିଆ (Australia) ମାଟିରେ ଖେଳାଯିବ । ଏହି ବିଶ୍ୱକପ ପାଇଁ ଇଂଲଣ୍ଡ (England) ନିଜ ଦଳ ଘୋଷଣା କରି ସାରିଛି । ଏହା ସହ ଭାରତୀୟ ପ୍ରଶଂସକମାନେ ମଧ୍ୟ ବିସିସିଆଇ (BCCI) କେବେ ଟିମ୍ ଇଣ୍ଡିଆ ଘୋଷଣା କରିବ ତା'କୁ ଅପେକ୍ଷା କରିଛନ୍ତି । ବିସିସିଆଇ ମଧ୍ୟ ଖୁବ ଶୀଘ୍ର ଦଳ ଘୋଷଣା କରିବାକୁ ଯାଉଛି ।

ଯଦି ଇନସାଇଡ୍ ସ୍ପୋର୍ଟର ରିପୋର୍ଟକୁ ବିଶ୍ୱାସ କରାଯାଏ, ତେବେ ବିସିସିଆଇ ଆସନ୍ତା ସପ୍ତାହରେ ଟି-୨୦ ବିଶ୍ୱକପ ପାଇଁ ଭାରତୀୟ ଦଳ ଘୋଷଣା କରିପାରେ । ଏହା ସହିତ ଅଷ୍ଟ୍ରେଲିଆ ସହିତ ଟି-୨୦ ସିରିଜ୍ ପାଇଁ ଟିମ୍ ଇଣ୍ଡିଆର ଘୋଷଣା ଆସନ୍ତା ସପ୍ତାହରେ କରାଯାଇପାରିବ । ଏହି ପ୍ରସଙ୍ଗରେ ଚୂଡ଼ାନ୍ତ ନିଷ୍ପତ୍ତି ସୋମବାର ଦିନ ନିଆଯିବ । ବିଶ୍ୱକପ ପାଇଁ ଦଳ ଘୋଷଣା କରିବାର ଶେଷ ତାରିଖ ସେପ୍ଟେମ୍ବର ୧୫ ଧାର୍ଯ୍ୟ ରଖାଯାଇଛି । 

ୱେବସାଇଟ୍ ଏହାର ରିପୋର୍ଟରେ ସୂତ୍ରରୁ ପ୍ରକାଶ କରି କହିଛି ଯେ, ହଁ ଆଜ୍ଞା, ଆସନ୍ତା ସପ୍ତାହରେ ଉଭୟ ଦଳ ଘୋଷଣା କରାଯାଇପାରେ । ଆଇସିସି ସମୟସୀମା ମଧ୍ୟ ଦୂର ନୁହେଁ ଓ ଚୟନକର୍ତ୍ତାମାନେ ଆସନ୍ତା ସପ୍ତାହରେ ଉଭୟ ଦଳ ଘୋଷଣା କରିପାରନ୍ତି ।

ଅଷ୍ଟ୍ରେଲିୟ ସିରିଜ୍ ଓ ଟି -୨୦ ବିଶ୍ୱକପ୍ ପାଇଁ ୧୦ରୁ ୧୨ ନାମ ପ୍ରାୟ ସ୍ଥିର ହୋଇ ସାରିଛି, କିନ୍ତୁ କିଛି ସ୍ଥାନକୁ ନେଇ ବର୍ତ୍ତମାନ ସ୍ଥିତି ସ୍ପଷ୍ଟ ହୋଇନାହିଁ । ଜସପ୍ରୀତ ବୁମ୍ରା ଆହତ ଅଛନ୍ତି ଓ ଏସିଆ କପରେ ଅଂଶଗ୍ରହଣ କରିନାହାଁନ୍ତି । ଆହତ କାରଣରୁ ହର୍ଷଲ ପଟେଲ ମଧ୍ୟ ଏସିଆ କପରେ ଖେଳୁ ନାହାଁନ୍ତି । ବୁମ୍ରାଙ୍କ ଆଘାତ ସମ୍ପର୍କରେ ସୂତ୍ରରୁ ପ୍ରକାଶ ଯେ ବିସିସିଆଇ ଦ୍ରୁତ ବୋଲରଙ୍କ କ୍ଷେତ୍ରରେ ଟି-୨୦ ବିଶ୍ୱକପ ଥିଲେ ମଧ୍ୟ ବି କୌଣସି ରିସ୍କ ନେବ ନାହିଁ । ସେ କହିଛନ୍ତି, “ଏହା କହିବା ବହୁତ ଶୀଘ୍ର ହେବ । ଥରେ ସେ ଫିଟ୍ ହୋଇଗଲେ ଆମେ ଏହା ବିଷୟରେ ଆଲୋଚନା କରିବା । ସେ ବର୍ତ୍ତମାନ ଫିଟ୍ ନୁହଁନ୍ତି । ଆମେ ଆଶା କରୁଛୁ ସେ ଶୀଘ୍ର ଫେରିବେ । କିନ୍ତୁ ଯଦି ସେ ଫିଟନେସ୍ ପରୀକ୍ଷାରେ ଉତ୍ତୀର୍ଣ୍ଣ ହୁଅନ୍ତି ତେବେ ଆମେ ନିଶ୍ଚିତ ଭାବରେ କିଛି କହିପାରିବା । ଯଦି କିଛି ଘଟେ, ତେବେ ଟି -୨୦ ବିଶ୍ୱକପକୁ ଦୃଷ୍ଟିରେ ରଖି ତାଙ୍କୁ ନେଇ କୌଣସି ରିସ୍କ ନିଆଯିବ ନାହିଁ ।"

ଟି -୨୦ ବିଶ୍ୱକପର ପ୍ରଥମ ସଂସ୍କରଣ ଭାରତ ଜିତିଥିଲା । ମହେନ୍ଦ୍ର ସିଂ ଧୋନିଙ୍କ ଅଧିନାୟକତ୍ୱରେ ଭାରତ ଏହି ଟ୍ରଫିକୁ ଉଠାଇ ଥିଲା । କିନ୍ତୁ ଏହାପରେ କ୍ରିକେଟ୍ ର ସବୁଠାରୁ ଛୋଟ ଫର୍ମାଟ୍ ବିଶ୍ୱକପ୍ ଟାଇଟଲ ଜିତିବାର ଦଳ ସଫଳ ହୋଇ ପାରି ନାହିଁ । ୨୦୨୨ ରେ, ଧୋନିଙ୍କ ଅଧିନାୟକତ୍ୱରେ ଦଳ ଫାଇନାଲ ଖେଳିଥିଲା ​​କିନ୍ତୁ ଶ୍ରୀଲଙ୍କା ଦ୍ୱାରା ପରାସ୍ତ ହୋଇଥିଲା ।