Delhi Air Pollution: ପ୍ରଦୂଷଣ ପାଇଁ ସ୍ଥାନାନ୍ତରିତ ହେବ କି ବିଶ୍ୱକପ ମ୍ୟାଚ୍? ଜବାବ ରଖିଲା ବିସିସିଆଇ

ICC World Cup 2023: ପ୍ରଦୂଷଣ ପାଇଁ ପାଇଁ ଦିଲ୍ଲୀ ସ୍ଥିତ ଅରୁଣ ଜେଟଲୀ ଷ୍ଟାଡିୟମ୍ ଠାରୁ ସ୍ଥାନାନ୍ତରିତ ହେବ କି ବାଂଲଦେଶ-ଶ୍ରୀଲଙ୍କା ମ୍ୟାଚ୍? ଏହି ପ୍ରଶ୍ନର ଜବାବ ଉଭୟ ଆଇସିସି-ବିସିସିଆଇ ପକ୍ଷରୁ ଦିଆଯାଇଛି।

Bangladesh vs Sri Lanka World Cup 2023 Fight: ଶୀତ ଦିନ ଆରମ୍ଭ ହେବା ପୂର୍ବରୁ ରାଷ୍ଟ୍ରୀୟ ରାଜଧାନୀ ଦିଲ୍ଲୀର ଚିନ୍ତା ବଢାଇ ଦେଇଛି ପ୍ରଦୂଷଣ। ଯାହାର ପ୍ରଭାବ ଚଳିତ ବର୍ଷ ଆୟୋଜିତ ହୋଇଥିବା ୨୦୨୩ କ୍ରିକେଟ ବିଶ୍ୱକପ୍ ମୁକାବିଲାରେ ଦେଖିବାକୁ ମିଳିଛି। ଆସନ୍ତା ସୋମବାର (୬ ନଭେମ୍ବର) ଦିଲ୍ଲୀ ଅରୁଣା ଜେଟଲୀ ଷ୍ଟାଡିୟମ୍ ଠାରେ ବାଂଲଦେଶ-ଶ୍ରୀଲଙ୍କା ମଧ୍ୟରେ ହେବାକୁ ଯାଉଛି ଲଢେଇ। ମାତ୍ର ଏହା ପୂର୍ବରୁ ଏହି ମ୍ୟାଚ ଲାଗି ସୃଷ୍ଟି ହୋଇଛି ଏକ ଗୁରୁତର ସମସ୍ୟା। 

ସୋମବାର ଖେଳାଯିବାକୁ ରହିଥିବା ମ୍ୟାଚ ପୂର୍ବରୁ ଶନିବାର (୪ ନଭେମ୍ବର) ଶ୍ରୀଲଙ୍କା ଟିମ୍  ଏହାର ପ୍ରାରମ୍ଭିକ ଅଭ୍ୟାସ ବାତିଲ କରିବାକୁ ପଡ଼ିଛି। କାରଣ ଦିଲ୍ଲୀରେ ବାୟୁ ପ୍ରଦୂଷଣ 'ଗୁରୁତର' ବର୍ଗରେ ପହଞ୍ଚିଛି। ଏହାପୂର୍ବରୁ ବାଂଲାଦେଶ ଶୁକ୍ରବାର ଦିନ ଏହାର ଅଭ୍ୟାସ ବାତିଲ କରି ଦେଇଥିଲା। ବାଂଲାଦେଶ ଦଳ ବୁଧବାର ଦିଲ୍ଲୀରେ ପହଞ୍ଚିଲା। ମାତ୍ର ଦଳ ଶୁକ୍ରବାର (୩ ନଭେମ୍ବର) ଅଭ୍ୟାସ ନ କରିବାକୁ ନିଷ୍ପତ୍ତି ନେଇଥିଲା। ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳରେ ବାୟୁ ପ୍ରଦୂଷଣ ସ୍ତର ଗୁରୁତର ଶ୍ରେଣୀରେ ରହିଛି। ଏହା ମଧ୍ୟରେ ଶ୍ରୀଲଙ୍କା ଖେଳାଳି ଶନିବାର ହୋଟେଲ ଭିତରେ ରହିବାକୁ ଭଲ ବୋଲି ଭାବିଥିଲେ। କାରଣ ବାୟୁ ଗୁଣବତ୍ତା ସୂଚକାଙ୍କ (Air Quality Index) ସକାଳେ ୪୦୭ ଥିଲା।

ପ୍ରଦୂଷଣ ପାଇଁ ଦିଲ୍ଲୀରୁ ସ୍ଥାନାନ୍ତରିତ ହେବ କି ବିଶ୍ୱକପ୍ ମ୍ୟାଚ?
ପ୍ରଦୂଷଣ ବଢୁଥିବାରୁ ଦିଲ୍ଲୀରେ ଖେଳାଯିବାକୁ ରହିଥିବା ବିଶ୍ୱକପ୍ ମ୍ୟାଚ ଅନ୍ୟ ସହରକୁ ସ୍ଥାନାନ୍ତରିତ ହେବା ନେଇ ଆରମ୍ଭ ହୋଇଯାଇଛି ଚର୍ଚ୍ଚା। ଏନେଇ ପ୍ରତିକ୍ରିୟା ରଖି ବିସିସିଆଇର ଉପାଧ୍ୟକ୍ଷ ରାଜୀବ ଶୁକ୍ଲା ଏହି ପ୍ରସଙ୍ଗରେ ଏକ ବିବୃତ୍ତି ଦେଇଛନ୍ତି। ଯେତେବେଳେ ଦିଲ୍ଲୀରେ ପ୍ରବଳ ପ୍ରଦୂଷଣ ହେତୁ ବାଂଲାଦେଶ-ଶ୍ରୀଲଙ୍କା ମ୍ୟାଚ୍ ଦିଲ୍ଲୀରୁ ସ୍ଥାନାନ୍ତର ହୋଇଯିବ କି ବୋଲି ତାଙ୍କୁ ପ୍ରଶ୍ନ କରାଗଲେ ସେତେବେଳେ ଏହାର ଜବାବ ରଖି ବିସିସିଆଇର ଉପାଧ୍ୟକ୍ଷ କହିଛନ୍ତି କୌଣସି ଦଳ ମ୍ୟାଚ ଖେଳିବା ପୂର୍ବରୁ ଅଭ୍ୟାସ ନହେବା ହେଉଛି ଗୋଟିଏ କଥା। ହେଲେ ଦିଲ୍ଲୀରେ ଖେଳା ଯିବାକୁ ରହିଥିବା କୌଣସି ବିଶ୍ୱକପ୍ ମ୍ୟାଚ୍ ସ୍ଥାନାନ୍ତର ହେବ ନାହିଁ। 

ଆଇସିସି ମଧ୍ୟ ଜାରି କଲା ବିବୃତ୍ତି 
ଶନିବାର ଅଭ୍ୟାସ ମ୍ୟାଚ୍ ବିଷୟରେ ପ୍ରତିକ୍ରିୟା ରଖି  ଶ୍ରୀଲଙ୍କା କ୍ରିକେଟ୍ ପକ୍ଷରୁ କୁହାଯାଇଛି ଯେ ବାୟୁ ଗୁଣବତ୍ତା ସୂଚକାଙ୍କ ଏହାକୁ ବାତିଲ କରିଯାଇଛି। ଅନ୍ୟପଟେ ଅନ୍ତର୍ଜାତୀୟ କ୍ରିକେଟ୍ ପରିଷଦ ବାଂଲଦେଶ-ଶ୍ରୀଲଙ୍କା ମ୍ୟାଚ୍ ଦିଲ୍ଲୀରୁ ସ୍ଥାନାନ୍ତର ଅନ୍ୟତ୍ର କରିବା ଅତ୍ୟନ୍ତ ସମ୍ଭବ ନୁହେଁ। ଆଇସିସି ମୁଖପାତ୍ର କହିଛନ୍ତି, 'ଆମେ ବର୍ତ୍ତମାନ ପରିସ୍ଥିତିର ମୂଲ୍ୟାଙ୍କନ କରୁଛୁ। ଆଇସିସି ଏବଂ ୨୦୨୩ ବିଶ୍ୱକପ୍ ଭାରତୀୟ କ୍ରିକେଟ ବୋର୍ଡ ପାଇଁ ସମସ୍ତ ଅଂଶଗ୍ରହଣକାରୀଙ୍କ ସ୍ୱାସ୍ଥ୍ୟ ଗୁରୁତ୍ୱପୂର୍ଣ୍ଣ। ଆମେ ଦିଲ୍ଲୀର ବାୟୁ ଗୁଣବତ୍ତା ଉପରେ ନଜର ରଖିଛୁ। ବିଶେଷଜ୍ଞଙ୍କ ଠାରୁ ପରାମର୍ଶ ନେଉଛୁ। 

ମାସ୍କ ପିନ୍ଧି ଖେଳିଲେ ଶ୍ରୀଲଙ୍କା ଖେଳାଳିମା
ସାଧାରଣତଃ ଯେଉଁ ଦିନ ମ୍ୟାଚ୍ ଖେଳାଯିବ ସେହି ଦିନ ଅଧିକାରୀଙ୍କ ଦ୍ୱାରା ବାୟୁ ଗୁଣବତ୍ତା ଆକଳନ କରାଯାଏ। ଗତ ୨୦୧୭ ବର୍ଷ ଭାରତ ବିପକ୍ଷ ଟେଷ୍ଟ ମ୍ୟାଚ୍ ସମୟରେ ପ୍ରଦୂଷଣର ମୁକାବିଲା ପାଇଁ ଶ୍ରୀଲଙ୍କା ଖେଳାଳି ମାସ୍କ ପିନ୍ଧି ପଡ଼ିଆକୁ ଓହ୍ଲାଇଥିଲେ। ବାଂଲାଦେଶ କ୍ରିକେଟ ଦଳର ନିର୍ଦ୍ଦେଶକ ଖାଲିଦ ମହମୁଦ ଶୁକ୍ରବାର କହିଥିଲେ ଯେ ସେମାନଙ୍କ ଖେଳାଳି ସହରକୁ ଯିବା ପରେ କାଶିବା ଆରମ୍ଭ କରିଥିଲେ। ଏହି କାରଣରୁ ବାଂଲାଦେଶ କ୍ରିକେଟ ବୋର୍ଡ ଅଭ୍ୟାସ ବାତିଲ କରିବାକୁ ନିଷ୍ପତ୍ତି ନେଇଥିଲା। ଗତକାଲି (ଗୁରୁବାର) ଅନେକ କ୍ରିକେଟର ବାହାରକୁ ଯାଇଥିଲେ ଏବଂ ସେମାନଙ୍କ ମଧ୍ୟରୁ କେତେକ କାଶ ଥିବାର ଅଭିଯୋଗ ହୋଇଥିଲା। ଏହା ସହିତ ଜଡିତ ବିପଦ ରହିଛି। ଏହି ସମସ୍ତ କାରଣ ହେତୁ ଖେଳାଳି ଅସୁସ୍ଥ ନହେବା ପାଇଁ ଆମେ ଅଭ୍ୟାସ ବାତିଲ କରିବାକୁ ସ୍ଥିର କରିଥିଲୁ।