Crime News: ବନ୍ଦ ଅଫିସ ଘରୁ ୫ଟି ବନ୍ଧୁକ ଜବତ

କେନ୍ଦୁଝର:  ବଡ଼ବିଲ ଥାନା ଭଦ୍ରାସାହି ନିକଟ ଏକ ସିକ୍ୟୁରିଟି ଅଫିସ ଘର ଭିତରୁ ୫ଟି ବନ୍ଧୁକ ଜବତ କରିଛି ବଡ଼ବିଲ ପୋଲିସ । ତେବେ ଏହି ବନ୍ଧୁକ କାହାର ଏବଂ କିଏ କେଉଁ କାରଣ ପାଇଁ ଏହାକୁ ଆଣିଥିଲା ତାହା ଜାଣିବା ପାଇଁ ବଡ଼ବିଲ ପୋଲିସ ପାଇଁ ତନାଘନା ଜାରି ରହିଛି ।

ସୂଚନା ଅନୁଯାୟୀ, ପି.କେ ଦାସ ନାମକ ଜଣେ ଲୋକ କିଛି ବର୍ଷ ପୂର୍ବେ ଭଦ୍ରାସାହି ଛକ ନିକଟରେ ବ୍ରାଇଟ୍ ସିକ୍ୟୁରିଟି ଏଜେନ୍ସି ନାମକ ଏକ ସିକ୍ୟୁରିଟି ସଂସ୍ଥା ଖୋଲିଥିଲେ । ବ୍ୟାଙ୍କରୁ ଋଣ ନେଇ ସେଠାରେ ଏକ ଅଫିସ ନିର୍ମାଣ କରିଥିଲେ । ପି. କେ ଦାସ ବ୍ୟାଙ୍କ ଋଣ ସୁଝି ନପାରିବାରୁ ଏହି ଅଫିସ ଘରକୁ ବ୍ୟାଙ୍କ ସିଜ୍ କରିବା ସହିତ ସିଲ୍ କରିଥିଲା । କିଛି ଦିନ ପୂର୍ବରୁ ଏହି ଘରକୁ ବ୍ୟାଙ୍କ ନିଲାମ କରି ପୁରୁଷୋତ୍ତମ ବାରିକ ନାମକ ଜଣେ ବ୍ୟକ୍ତିଙ୍କୁ ହସ୍ତାନ୍ତର କରିଥିଲା । ହସ୍ତାନ୍ତର ପରେ ପୁରୁଷୋତ୍ତମ ବାରିକ ଘର ଯାଞ୍ଚ କରୁଥିବା ସମୟରେ ଘର ଭିତରେ ଗୋଟିଏ ବନ୍ଧୁକ ଦେଖିଥିଲେ । ସଙ୍ଗେ ସଙ୍ଗେ ସେ ଏ ସମ୍ପର୍କରେ ବଡ଼ବିଲ ଥାନାଧିକାରୀ ରମାକାନ୍ତ ମୁଦୁଲିଙ୍କୁ ସୂଚନା ଦେଇଥିଲେ । ସୂଚନା ପାଇ ବଡ଼ବିଲ ଥାନାଧିକାରୀ ଘଟଣାସ୍ଥଳରେ ପହଞ୍ଚି ଘର ଯାଞ୍ଚ କରିବା ପରେ ସମୁଦାୟ ୫ଟି ବନ୍ଧୁକ ଜବତ ହୋଇଥିଲା ।

Also Read- Odisha Politics: ବିଜେଡି ଓ ବିଜେପି ବିରୋଧରେ କଂଗ୍ରେସର ୧୦ଦଫା ଅଭିଯୋଗପତ୍ର

Also Read- ବନକଲାଗି ନୀତି ପାଇଁ ଶ୍ରୀମନ୍ଦିରରେ ୩ ଘଣ୍ଟା ଦର୍ଶନ ବନ୍ଦ