ଅଗଷ୍ଟ ୬ରୁ ୯ ଏହି ଜିଲ୍ଲାରେ ପ୍ରବଳ ଛେଚିବ ! ବର୍ଷା ସହ ଘଡଘଡି ନେଇ ସତର୍କବାଣୀ

Odisha Weather: ୧୫ଟି ଜିଲ୍ଲାରେ ୭ ସେମିରୁ ୧୧ ସେମି ପର୍ଯ୍ୟନ୍ତ ବର୍ଷା ରେକର୍ଡ ହୋଇପାରେ ବୋଲି ଆକଳନ କରିବା ସହ ଉକ୍ତ ଜିଲ୍ଲା ଗୁଡିକୁ ପାଣିପାଗ ବିଭାଗ ପକ୍ଷରୁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।

Weather Update: ରାଜ୍ୟରେ ବର୍ତ୍ତମାନ ମୌସୁମୀ ସକ୍ରିୟ ରହୁଛି । ତେଣୁ ଅଗଷ୍ଟ ୬ ତଥା ମଙ୍ଗଳବାର ଦିନରୁ ରାଜ୍ୟର ଅଧା ଜିଲ୍ଲାରେ ବର୍ଷା ହେବାନେଇ ଆକଳନ କରିଛି ପାଣିପାଗ ବିଭାଗ । ୧୫ଟି ଜିଲ୍ଲାରେ ୭ ସେମିରୁ ୧୧ ସେମି ପର୍ଯ୍ୟନ୍ତ ବର୍ଷା ରେକର୍ଡ ହୋଇପାରେ ବୋଲି ଆକଳନ କରିବା ସହ ଉକ୍ତ ଜିଲ୍ଲା ଗୁଡିକୁ ପାଣିପାଗ ବିଭାଗ ପକ୍ଷରୁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।

ସୂଚନା ମୁତାବକ, ୟେଲୋ ୱାର୍ଣ୍ଣିଂ ଜାରି କରାଯାଇଥିବା ୧୫ ଜିଲ୍ଲା ଗୁଡିକ ମଧ୍ୟରେ ରହିଛି ଗଜପତି, କନ୍ଧମାଳ, କେନ୍ଦୁଝର, ଯାଜପୁର, ଭଦ୍ରକ, କଟକ, କେନ୍ଦ୍ରାପଡ଼ା, ମୟୂରଭଞ୍ଜ, ଢେଙ୍କାନାଳ, ବାଲେଶ୍ୱର, ନୟାଗଡ଼, ଖୋର୍ଦ୍ଧା, ପୁରୀ, ଜଗତସିଂହପୁର, ଗଞ୍ଜାମ ଏବଂ ରାୟଗଡ଼ା । ଏଥିସହ ବୁଧବାର ଦିନ ଅତି ପ୍ରବଳ ବର୍ଷା ନେଇ ୬ଟି ଜିଲ୍ଲାକୁ ସତର୍କ କରିଛି ପାଣିପାଗ କେନ୍ଦ୍ର । ୯ ଅଗଷ୍ଟ ପର୍ଯ୍ୟନ୍ତ ରାଜ୍ୟର ବିଭିନ୍ନ ସ୍ଥାନରେ ଅନେକ ବର୍ଷା ଲାଗି ରହିବ ବୋଲି କୁହାଯାଇଛି ।

7 Day's #weather #forecast for #Capital City (Valid from 04th August, 2024 to 10th August, 2024) pic.twitter.com/cFQoplyTbg

— Meteorological Centre, Bhubaneswar (@mcbbsr) August 4, 2024

#Warning for Day-3 to Day-5:
Day-1 & Day-2 : No Warning. pic.twitter.com/LUea2bLtg1

— Meteorological Centre, Bhubaneswar (@mcbbsr) August 4, 2024

ଅନ୍ୟପଟେ, ମଙ୍ଗଳବାର ଦିନ ବଙ୍ଗୋପସାଗରରେ ଆଉ ଏକ ଲଘୁଚାପ ସୃଷ୍ଟି ହେବାର ଆଶଙ୍କା ରହିଛି। ଗତ ୨୪ ଘଣ୍ଟା ଭିତରେ ପୁରୀରେ ସର୍ବାଧିକ ବର୍ଷା ହୋଇଛି। ପିପିଲିରେ ୧୦୯ ମିଲିମିଟର ବର୍ଷା ରେକର୍ଡ କରାଯାଇଥିବା କୁହାଯାଇଛି।