ଆଇନଜୀବୀ ଜଗନ୍ନାଥ ରଥ ହେଲେ ସୂଚନା କମିଶନର

ଭୁବନେଶ୍ୱର: ବରିଷ୍ଠ ଆଇନଜୀବୀ  ତଥା  ରାଜ୍ୟ ସରକାରଙ୍କ ଆଇନ ପରାମର୍ଶଦାତା ଜଗନ୍ନାଥ ରଥଙ୍କୁ ରାଜ୍ୟ ସୂଚନା କମିଶନର ଭାବେ ନିଯୁକ୍ତି  ଦିଆଯାଇଛି।। ଏ ନେଇ ରାଜଭବନ ପକ୍ଷରୁ ସୂଚନା ଦିଆଯାଇଛି। ଶ୍ରୀ ରଥଙ୍କ ନିଯୁକ୍ତି ପରେ ରାଜ୍ୟ ସୂଚନା କମିଶନରେ ଆୟୁକ୍ତଙ୍କ ସଂଖ୍ୟା ୩ରେ ପହଞ୍ଚିଛି। ଏବେ ବାଳକୃଷ୍ଣ ମହାପାତ୍ର ଏବଂ ସୁଶାନ୍ତ କୁମାର ମହାନ୍ତି କମିଶନର ଭାବେ କାର୍ଯ୍ୟ କରୁଥିବାବେଳେ ଜଳଦ କୁମାର ତ୍ରିପାଠୀ ମୁଖ୍ୟସୂଚନା କମିଶନର ଭାବେ କାର୍ଯ୍ୟରତ। ଜଗନ୍ନାଥଙ୍କର ଆଇନଜୀବୀ ଭାବେ ୨୫ବର୍ଷର ଅଭିଜ୍ଞତା ରହିଛି। ସେ ରାଜ୍ୟ ସରକାରଙ୍କ ଆଇନ ପରାମର୍ଶଦାତା ଭାବେ ଶ୍ରୀମନ୍ଦିର ଓ ରାଜସ୍ୱ ପାର୍ସଦରେ କାମ କରୁଛନ୍ତି।